ଢାକା, ୧୭ ଫେବୃଆରୀ (ହି.ସ.)- ମଙ୍ଗଳବାର ଦିନ ବାଂଲାଦେଶରେ ତାରିକ ରହମାନଙ୍କ ନେତୃତ୍ୱାଧୀନ ନୂତନ ସରକାରଙ୍କ ଶପଥ ଗ୍ରହଣ ଉତ୍ସବରେ ଲୋକସଭା ବାଚସ୍ପତି ଓମ୍ ବିର୍ଲା ଯୋଗ ଦେଇଥିଲେ। ଭାରତୀୟ ପ୍ରତିନିଧିମଣ୍ଡଳ ସହିତ ବାଂଲାଦେଶରେ ପହଂଚିଥିବା ବିର୍ଲା ଶପଥ ଗ୍ରହଣ ସମାରୋହ ପରେ ପ୍ରଧାନମନ୍ତ୍ରୀ ତାରିକ ରହମାନଙ୍କ ଏବଂ ତାଙ୍କ ପତ୍ନୀଙ୍କୁ ମଧ୍ୟ ଭେଟିଥିଲେ। ବୈଦେଶିକ ସଚିବ ବିକ୍ରମ ମିଶ୍ର ମଧ୍ୟ ଉପସ୍ଥିତ ଥିଲେ। ବିର୍ଲା ଇନଷ୍ଟାଗ୍ରାମରେ ଲେଖିଛନ୍ତି ଯେ ଢାକାରେ ପ୍ରଧାନମନ୍ତ୍ରୀ ତାରିକ ରହମାନଙ୍କ ନେତୃତ୍ୱାଧୀନ ନୂତନ ସରକାରଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେଇ ସେ ଆନନ୍ଦିତ। ସେ ଏକ ଗଣତାନ୍ତ୍ରିକ, ପ୍ରଗତିଶୀଳ ଏବଂ ଅନ୍ତର୍ଭୁକ୍ତ ରାଷ୍ଟ୍ର ଗଠନ ପାଇଁ ବାଂଲାଦେଶର ପ୍ରୟାସକୁ ସମର୍ଥନ କରିବା ପାଇଁ ତାଙ୍କର ପ୍ରତିବଦ୍ଧତା ପ୍ରକାଶ କରିଥିଲେ।
ଉଲ୍ଲେଖନୀୟ ଯେ ଶପଥ ଗ୍ରହଣ ଉତ୍ସବରେ ଯୋଗଦେବା ପାଇଁ ଅନେକ ଦେଶର ନେତା ମଧ୍ୟ ଢାକାରେ ପହଂଚିଥିଲେ। ମୁଖ୍ୟ ପରାମର୍ଶଦାତା ୟୁନୁସଙ୍କ ନିମନ୍ତ୍ରଣରେ, ମାଳଦ୍ୱୀପ ରାଷ୍ଟ୍ରପତି ମହମ୍ମଦ ମୁଇଜୁ, ଭୁଟାନ ପ୍ରଧାନମନ୍ତ୍ରୀ ଟୋବଗେ, ଶ୍ରୀଲଙ୍କା ଏବଂ ନେପାଳର ବୈଦେଶିକ ମନ୍ତ୍ରୀ ଏବଂ ଅନ୍ୟ ଅନେକ ଦେଶର ପ୍ରତିନିଧିମାନେ ମଧ୍ୟ ଉତ୍ସବରେ ଯୋଗ ଦେଇଥିଲେ।
---------
---------------
ହିନ୍ଦୁସ୍ଥାନ ସମାଚାର / ଗଗନ