ନୂଆଦିଲ୍ଲୀ, 10 ମାର୍ଚ୍ଚ (ହି.ସ.)- ଲୋକସଭାରେ

ମଙ୍ଗଳବାର ବାଚସ୍ପତି ଓମ ବିର୍ଲାଙ୍କୁ ପଦରୁ ହଟାଇବାକୁ ନେଇ ପ୍ରସ୍ତାବ ଉପରେ ଆଲୋଚନା ଆରମ୍ଭ

ହୋଇଛି। ଏହି ପ୍ରସ୍ତାବ କଂଗ୍ରେସ ନେତା ମହମ୍ମଦ ଜାଭେଦ ଉପସ୍ଥାପିତ କରିଥିଲେ। ସେ ସମୟରେ

ଅଧ୍ୟକ୍ଷୀୟ ଆସନରେ ପୀଠାସୀନ ଅଧିକାରୀ ଜଗଦମ୍ବିକା ପାଲ ଉପସ୍ଥିତ ଥିଲେ। ପ୍ରସ୍ତାବ ଉପରେ

ଆଲୋଚନା ପାଇଁ ୧୦ ଘଣ୍ଟା ସମୟ ନିର୍ଦ୍ଧାରଣ କରାଯାଇଛି।

ଆଲୋଚନା ଆରମ୍ଭ ହେବା ସହିତ

କିଛି ସଦସ୍ୟ ଅଧ୍ୟକ୍ଷୀୟ ଆସନରେ ପୀଠାସୀନ ଅଧିକାରୀ ଜଗଦମ୍ବିକା ପାଲ ଥିବାକୁ ନେଇ ଆପତ୍ତି

ଜଣାଇଥିଲେ। ନିୟମର ଉଲ୍ଲେଖ କରି ଏହି ବିପକ୍ଷ ସଦସ୍ୟମାନେ କହିଥିଲେ ଯେ ପ୍ରସ୍ତାବ ଉପରେ ଆଲୋଚନା

ସମୟରେ କିଏ ଅଧ୍ୟକ୍ଷୀୟ ଆସନରେ ବସିବେ, ସେଥିପାଇଁ ସଦନ ନିଜେ

ନିଷ୍ପତ୍ତି ନେବା ଉଚିତ।

ଏଆଇଏମଆଇଏମ ସଦସ୍ୟ

ଅସଦୁଦ୍ଦିନ ଓୱେସି କହିଥିଲେ ଯେ ସଦନର ନିୟମ ଅନୁସାରେ ଅଧ୍ୟକ୍ଷ ଓ ଉପାଧ୍ୟକ୍ଷ ଉପସ୍ଥିତ ନଥିଲେ

ସଦନର ଅନୁମତି ବିନା ପୀଠାସୀନ ଅଧିକାରୀଙ୍କୁ ଅଧ୍ୟକ୍ଷୀୟ ଆସନରେ ବସାଇବା ଠିକ୍ ନୁହେଁ। କଂଗ୍ରେସ

ନେତା କେ.ସି. ବେଣୁଗୋପାଳ ଏବଂ ତୃଣମୂଳ ନେତା ସୌଗତ ରାୟ ମଧ୍ୟ ଏହି କଥାକୁ ପୁନରାବୃତ୍ତି

କରିଥିଲେ।

ଅନ୍ୟପଟେ କ୍ଷମତା ଦଳ ପକ୍ଷରୁ

ନିଶିକାନ୍ତ ଦୁବେ ଏବଂ ରବିଶଙ୍କର ପ୍ରସାଦ ଏହାର ବିରୋଧ କରିଥିଲେ। ସେମାନେ କହିଥିଲେ ଯେ

ସଂବିଧାନ ଅନୁଯାୟୀ ଅଧ୍ୟକ୍ଷଙ୍କୁ ହଟାଇବା ପ୍ରସ୍ତାବ ସମୟରେ ଅଧ୍ୟକ୍ଷୀୟ ଆସନରେ କିଏ ରହିବେ, ତାହା ସଦନର ନିୟମାବଳୀ ନିର୍ଦ୍ଧାରଣ କରେ। ନିୟମାବଳୀ ଅନୁସାରେ

ଅଧ୍ୟକ୍ଷ ଓ ଉପାଧ୍ୟକ୍ଷ ନଥିଲେ ପୀଠାସୀନ ଅଧିକାରୀ ସଦନ ଚାଲାଇବେ।

ଏହା ପରେ ଆଲୋଚନା ଆରମ୍ଭ

ହେଲା ଏବଂ ଏହାକୁ ଅନୁମତି ଦେବା ପାଇଁ ୫୦ରୁ ଅଧିକ ବିରୋଧୀ ସଦସ୍ୟ ନିଜ ଆସନରୁ ଉଠି ଠିଆ ହୋଇଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା