ନୂଆଦିଲ୍ଲୀ, ୧୭ ଏପ୍ରିଲ (ହି.ସ.)-ରାଜ୍ୟସଭାରେ ଶୁକ୍ରବାର ଦିନ ହରିବଂଶ ଲଗାତାର ତୃତୀୟ ଥର ପାଇଁ ରାଜ୍ୟସଭାର ଉପସଭାପତି ଭାବରେ ନିର୍ବାଚିତ ହୋଇଛନ୍ତି।ବିରୋଧୀ ଦଳ ପକ୍ଷରୁ କୌଣସି ପ୍ରାର୍ଥୀ ନଥିଲେ, ତେଣୁ ତାଙ୍କର ନିର୍ବାଚନ ନିର୍ଦ୍ବନ୍ଦରେ ହୋଇଥିଲା।ଏହା ସହିତ, ସେ ଏହି ପଦବୀରେ ଲଗାତାର ତୃତୀୟ ଥର ପାଇଁ ନିର୍ବାଚିତ ହୋଇଛନ୍ତି ।
ଗୃହ କାର୍ଯ୍ୟ ଆରମ୍ଭ ହେବା ମାତ୍ରେ,ନେତା ଜଗତ ପ୍ରକାଶ ନଡ୍ଡା ଏବଂ ବିରୋଧୀ ଦଳ ନେତା ମଲ୍ଲିକାର୍ଜୁନ ଖାର୍ଗେ ତାଙ୍କୁ ମଞ୍ଚ ନିକଟକୁ ନେଇ ଉପସଭାପତିଙ୍କ ଚୌକିରେ ବସାଇଥିଲେ େ।ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହରିବଂଶଙ୍କ ପୁନଃ ନିର୍ବାଚିତ ହେବା ନେଇ ଅଭିନନ୍ଦନ ଜଣାଇ ଉଚ୍ଚ ସଦନ ପରିଚାଳନାରେ ତାଙ୍କ ଅଭିଜ୍ଞତା ଏବଂ ଅବଦାନକୁ ପ୍ରଶଂସା କରିଥିଲେ । ଏହି ସମୟରେ, ବିରୋଧୀ ଦଳ ନେତା ମଲ୍ଲିକାର୍ଜୁନ ଖାର୍ଗେ ମଧ୍ୟ ତାଙ୍କୁ ଶୁଭେଚ୍ଛା ଜଣାଇଥିଲେ ଏବଂ ଆଶା ପ୍ରକାଶ କରିଥିଲେ ଯେ ସେ ଗୃହ ମଧ୍ୟରେ ସମସ୍ତ ପକ୍ଷକୁ ସମାନ ସୁଯୋଗ ପ୍ରଦାନ କରିବେ।ଖର୍ଗେ ଏହି ଅବସରରେ ଲୋକସଭାରେ ଉପାଧ୍ୟକ୍ଷ ପଦ ଦୀର୍ଘ ସମୟ ଧରି ଖାଲି ରହିବା ପ୍ରସଙ୍ଗ ମଧ୍ୟ ଉଠାଇଥିଲେ। ସେ କହିଥିଲେ ଯେ 2019ରୁ ଏହି ସାମ୍ବିଧାନିକ ପଦବୀ ଖାଲି ପଡ଼ିଛି, ଯାହା ଗଣତାନ୍ତ୍ରିକ ପରମ୍ପରା ସହିତ ସମନ୍ୱୟ ନୁହେଁ। ସେ ଆଶା ପ୍ରକାଶ କରିଥିଲେ ଯେ ଉପସଭାପତି ଭାବରେ ହରିବଂଶ ବିରୋଧୀଙ୍କୁ ପର୍ଯ୍ୟାପ୍ତ ସମୟ ଏବଂ ସମ୍ମାନ ଦେବେ।ବିରୋଧୀ ଦଳ ପକ୍ଷରୁ ସଫଳ କାର୍ଯ୍ୟକାଳ ପାଇଁ ଶୁଭକାମନା ଜଣାଇବା ସହିତ ଏହା ମଧ୍ୟ କୁହାଯାଇଛି ଯେ ଗୃହର ମର୍ଯ୍ୟାଦା ବଜାୟ ରଖିବାରେ ତାଙ୍କର ଭୂମିକା ଗୁରୁତ୍ୱପୂର୍ଣ୍ଣ ହେବ।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
17 Apr 2026