ନୂଆଦିଲ୍ଲୀ, ୨ ଜୁନ୍ (ହିସ)- ଉପରାଷ୍ଟ୍ରପତି ସି.ପି. ରାଧାକୃଷ୍ଣନ ଏବଂ ଦକ୍ଷିଣ ଆଫ୍ରିକାର ଉପରାଷ୍ଟ୍ରପତି ଶିଫୋକୋସା ପାଲସ୍ ମଶାଟାଇଲ ମଙ୍ଗଳବାର ଦିନ ଉପରାଷ୍ଟ୍ରପତିଙ୍କ ଗୃହରେ ଦ୍ୱିପାକ୍ଷିକ ଆଲୋଚନା କରିଥିଲେ। ଦୁଇ ନେତା ଭାରତ-ଦକ୍ଷିଣ ଆଫ୍ରିକା ସମ୍ପର୍କକୁ ନୂତନ ଗତି ଦେବା ପାଇଁ ସେମାନଙ୍କର ପ୍ରତିବଦ୍ଧତାକୁ ଦୋହରାଇଥିଲେ, ବାଣିଜ୍ୟ, ନିବେଶ, ପ୍ରତିରକ୍ଷା ସହଯୋଗ, ଦକ୍ଷତା ବିକାଶ ଏବଂ ଲୋକ-ଲୋକଙ୍କ ମଧ୍ୟରେ ସମ୍ପର୍କକୁ ଆହୁରି ମଜବୁତ କରିବା ଉପରେ ଗୁରୁତ୍ୱାରୋପ କରିଥିଲେ।
ଉପରାଷ୍ଟ୍ରପତିଙ୍କ କାର୍ଯ୍ୟାଳୟ କହିଛି ଯେ ବୈଠକ ସମୟରେ, ଦୁଇ ନେତା ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଆର୍ôଥକ ସହଯୋଗର ସମ୍ଭାବନା ଉପରେ ଆଲୋଚନା କରିଥିଲେ। ବୈଠକରେ ଦ୍ୱିପାକ୍ଷିକ ବାଣିଜ୍ୟ ଏବଂ ନିବେଶକୁ ପ୍ରୋତ୍ସାହିତ କରିବା ପାଇଁ ଏକ ଅନୁକୂଳ ପରିବେଶ ସୃଷ୍ଟି କରିବାର ଆବଶ୍ୟକତା ଉପରେ ମଧ୍ୟ ଗୁରୁତ୍ୱାରୋପ କରାଯାଇଥିଲା। ଭାରତ ଏବଂ ଦକ୍ଷିଣ ଆଫ୍ରିକା କଷ୍ଟମ୍ସ ୟୁନିଅନ ମଧ୍ୟରେ ପ୍ରସ୍ତାବିତ ଅଗ୍ରାଧିକାର ବାଣିଜ୍ୟ ଚୁକ୍ତିନାମାକୁ ଉଲ୍ଲେଖ କରି ଉପରାଷ୍ଟ୍ରପତି ରାଧାକୃଷ୍ଣନ ଆଶା ପ୍ରକାଶ କରିଥିଲେ ଯେ ଏହା ପାଇଁ ଆଲୋଚନା ଶୀଘ୍ର ଆରମ୍ଭ ହେବ ଏବଂ ଏକ ସଫଳ ନିଷ୍କର୍ଷରେ ପହଂଚିବ।
-------------------------
---------------
ହିନ୍ଦୁସ୍ଥାନ ସମାଚାର / ଗଗନ
02 Jun 2026