ନୂଆଦିଲ୍ଲୀ, ସେପ୍ଟେମ୍ବର 16 (ହି.ସ): ଭାରତୀୟ ଜନତା ପାର୍ଟି
(ବିଜେପି) ର ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନ ଆଜି ମହାରାଷ୍ଟ୍ର ଗସ୍ତରେ ଯିବେ । ଗଣେଶ
ମହୋତ୍ସବ ଅବସରରେ ସେ ମୁମ୍ବାଇ ଏବଂ ପୁଣେର ବିଭିନ୍ନ ପ୍ରମୁଖ ଗଣେଶ ମଣ୍ଡପ ଏବଂ ମନ୍ଦିରରେ
ଭଗବାନ ଗଣେଶଙ୍କୁ ଦର୍ଶନ ଓ ପୂଜନ କରିବେ । ବିଜେପି ସୂଚନା ଅନୁଯାୟୀ, ନବୀନ ସକାଳ ୧୦ଟା
୨୦ ମିନିଟରେ ମୁମ୍ବାଇ ବିମାନ ବନ୍ଦରରେ ପହଞ୍ଚିବେ ଏବଂ ସେଠାରୁ ସିଧାସଳଖ ଶ୍ରୀ ସିଦ୍ଧିବିନାୟକ
ମନ୍ଦିର ପରିଦର୍ଶନ କରିବେ । ଏହା ପରେ ସକାଳ ୧୧ଟା ୩୦ ମିନିଟରେ ଲାଲବାଗଚା ରାଜାଙ୍କୁ ଭେଟିବେ ।
ସେ ମାଲାବାର ପାହାଡ଼ରେ ମୁଖ୍ୟମନ୍ତ୍ରୀ ଏବଂ ଦୁଇ ଉପମୁଖ୍ୟମନ୍ତ୍ରୀଙ୍କ ସରକାରୀ ବାସଭବନରେ
ସ୍ଥାପିତ ଗଣେଶ ମୂର୍ତ୍ତି ମଧ୍ୟ ପରିଦର୍ଶନ କରିବେ । ବାନ୍ଦ୍ରା ରିକ୍ଲେମେସନ୍ ଠାରେ ଅପରାହ୍ନ
୨ଟା ୧୫ ମିନିଟରେ ଗଣେଶ ଦର୍ଶନ କାର୍ଯ୍ୟକ୍ରମ ରହିଛି ।ପୁଣେ ପହଞ୍ଚିବା ପରେ ନବୀନ କସ୍ୱା ପେଥ୍
ମଣ୍ଡଳରେ ପୂଜାର୍ଚ୍ଚନା କରିବେ । ସନ୍ଧ୍ୟା ୫ଟାରେ ଶ୍ରୀମନ୍ତ ଦାଗଦୁଶେଠ ହାଲୱାଇ ଗଣପତି
ମଣ୍ଡଳରେ ପ୍ରାର୍ଥନା କରିବେ । ଏହା ପରେ ସଦାଶିବ ପେଟର ସାନେ ଗୁରୁଜୀ ତରୁଣ ମିତ୍ର ମଣ୍ଡଳ ଏବଂ
କୋଥରୁଡର ଶ୍ରୀ ସାଇ ମିତ୍ର ମଣ୍ଡଳରେ ଗଣେଶ ଦର୍ଶନ କରିବେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
16 Sep 2026
