ଦୁଇ ବାୟୁସେନା ମୁଖ୍ୟ ତେଜସରେ ଏକାଠି ଉଡ଼ିଲେ

ଯୋଧପୁର, ୨୦ ସେପ୍ଟେମ୍ବର(ହି.ସ.) – ରବିବାର ଦିନ ଯୋଧପୁର ବାୟୁସେନା ଷ୍ଟେସନରୁ ଭାରତ-ଜାପାନ ପ୍ରତିରକ୍ଷା ସମ୍ପର୍କକୁ ସୁଦୃଢ଼ କରିବାର ଏକ ସ୍ମରଣୀୟ ଚିତ୍ର ସାମ୍ନାକୁ ଆସିଛି। ଭାରତ ଏବଂ ଜାପାନ ମଧ୍ୟରେ ଚାଲିଥିବା ମିଳିତ ସାମରିକ ଅଭ୍ୟାସ ଭାଲିଏଂଟ ଗାର୍ଡିଆନ-୨୦୨୬' ସମୟରେ, ଦୁଇ ଦେଶର ବାୟୁସେନା ମୁଖ୍ୟମାନେ ସ୍ୱଦେଶୀ ଯୁଦ୍ଧ ବିମାନ ତେଜସରେ ଉଡ଼ାଣ କରି ଆକାଶରେ ସେମାନଙ୍କ ଭାଗିଦାରୀର ଏକ ନୂତନ ଅଧ୍ୟାୟ ଲେଖିଥିଲେ।

ଭାରତୀୟ ବାୟୁସେନାର ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ ଏ.ପି. ସିଂହ ଏକାକି ଉଡ଼ାଣରେ ତେଜସ୍ ବିମାନ ଗଠନର ନେତୃତ୍ୱ ନେଇଥିଲେ। ଜାପାନ ବାୟୁ ଏବଂ ଆତ୍ମରକ୍ଷା ବାହିନୀର ଚିଫ୍ ଅଫ୍ ଷ୍ଟାଫ୍ ଜେନେରାଲ୍ ମୋରିତା ଟେକିହିରୋ ଗ୍ରୁପ କ୍ୟାପଟେନ୍-୧ ସମ୍ରାଟଙ୍କୁ ସହ-ପାଇଲଟ୍ ଭାବେ ନେଇ ତେଜସରେ ଉଡ଼ାଣ ଭରିଥିଲେ। ଉଡ଼ାଣ ଆରମ୍ଭ କରିବା ପୂର୍ବରୁ ଦୁଇ ବାୟୁସେନା ମୁଖ୍ୟ ପରସ୍ପରକୁ ଶୁଭେଚ୍ଛା ଜଣାଇବା ସହ ନିଜ ନିଜ ବିମାନ ଆଡ଼କୁ ଅଗ୍ରସର ହୋଇଥିଲେ। ଉଡ଼ାଣ ସମୟରେ, ଜେନେରାଲ ମୋରିତା ଭାରତୀୟ ତେଜସର ଉନ୍ନତ ପ୍ରଣାଳୀ ଏବଂ ପରିଚାଳନା କ୍ଷମତା ବିଷୟରେ ଅବଗତ ହୋଇଥିଲେ।

ଉଭୟ ବିମାନ ନିର୍ଦ୍ଧାରିତ ପ୍ରକ୍ରିୟା ଅନୁଯାୟୀ ସୁରକ୍ଷିତ ଅବତରଣ କରିବା ପରେ ଏୟାରଫିଲ୍ଡ ଉପରେ ଏକ ଫ୍ଲାଇ-ପାଷ୍ଟ ପ୍ରଦର୍ଶନ କରିଥିଲେ। ଅବତରଣ କରିବା ପୂର୍ବରୁ, ବିମାନଗୁଡ଼ିକ ଗଠନରୁ ଅଲଗା ହୋଇ ନିଜ ନିଜ ସ୍ଥାନ ଗ୍ରହଣ କରିଥିଲେ।

ଜେନେରାଲ ମୋରିତା ତେଜସରେ ଉଡ଼ାଣ ଅଭିଜ୍ଞତାକୁ ଚମତ୍କାର' ଏବଂ ଭାରତର ବୈଷୟିକ ନବସୃଜନର ପ୍ରତୀକ' ବୋଲି ବର୍ଣ୍ଣନା କରିଥିଲେ। ଏୟାର ଚିଫ୍ ମାର୍ଶାଲ ଏ.ପି. ସିଂହ ଏହି ମିଳିତ ସମରାଭ୍ୟାସକୁ ବିଶ୍ୱାସ ସୃଷ୍ଟି କରିବା, ଅଭିଜ୍ଞତା ବାଂଟିବା ଏବଂ ଦୁଇ ବାୟୁସେନା ମଧ୍ୟରେ ପରସ୍ପର ଠାରୁ ଶିଖିବାର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ବୋଲି ବର୍ଣ୍ଣନା କରିଥିଲେ।

ଭାରତ ଏବଂ ଜାନ ମଧ୍ୟରେ ଏକ୍ସ ବୀର ଗାର୍ଡିଆନ୍ର ଦ୍ୱିତୀୟ ସଂସ୍କରଣ ଯୋଧପୁରରେ ୯ ସେପ୍ଟେମ୍ବରରୁ ଆରମ୍ଭ ହୋଇ ୨୨ ସେପ୍ଟେମ୍ବର ପର୍ଯ୍ୟନ୍ତ ଚାଲିବ। ଜାପାନର ସୁଇକି ଏୟାରବେସ୍ରେ ଏଫ୍-୨ ଯୁଦ୍ଧବିମାନ ଏହି ଅଭ୍ୟାସରେ ଅଂଶଗ୍ରହଣ କରିଛନ୍ତି। ଭାରତୀୟ ବାୟୁସେନା ତରଫରୁ ସୁଖୋଇ-୩୦ଏମକେଆଇ, ତେଜସ୍ ଏବଂ ରାଫେଲ ଭଳି ଆଗଧାଡ଼ିର ଯୁଦ୍ଧ ବିମାନ ଏହି ସମରାଭ୍ୟାସରେ ସାମିଲ ହୋଇଛନ୍ତି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି