ଭୁବନେଶ୍ୱର, 19 ଅକ୍ଟୋବର (ହି.ସ.)ବିରୋଧୀ ଦଳର ନେତା ନବୀନ ପଟ୍ଟନାୟକ ଭାରତୀୟ ଓପନ ଅଣ୍ଡର-23 ଆଥଲେଟିକ୍ସ ପ୍ରତିଯୋଗିତା 2025 ରେ ପୁରୁଷ 100 ମିଟର ଓ 200 ମିଟର ଦୁଇଟି ଇଭେଣ୍ଟରେ ସୁଣା ପଦକ ଜିତିଥିବା ଧାବକ ଦଣ୍ଡପତି ଜୟରାମଙ୍କୁ ଅଭିନନ୍ଦନ ଜଣାଇଛନ୍ତି।
ସୋସିଆଲ ମିଡିଆରେ ଦିଆ ଯାଇଥିବା ତାଙ୍କ ବାର୍ତ୍ତାରେ ପଟ୍ଟନାୟକ ଜୟରାମଙ୍କ ଅସାଧାରଣ ପ୍ରଦର୍ଶନକୁ ପ୍ରଶଂସା କରି କହିଛନ୍ତି ଯେ, ତାଙ୍କ ଏହି ସଫଳତା ସମଗ୍ର ଦେଶ ପାଇଁ ଗର୍ବର ବିଷୟ। ସେ ଏହି ଯୁବ ଖେଳାଳିଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭେଚ୍ଛା ଜଣାଇ ଆଶା କରିଛନ୍ତି ଯେ ସେ ଆଗାମୀ ଦିନରେ ମଧ୍ୟ ଏଭଳି ପ୍ରଦର୍ଶନ ଜାରି ରଖି ଦେଶର ନାମ ଉଜ୍ଜ୍ୱଳ କରିବେ।
ପଟ୍ଟନାୟକ ନିଜ ବାର୍ତ୍ତାରେ ଲେଖିଛନ୍ତି, “ଭାରତୀୟ ଓପନ ଅଣ୍ଡର-23 ଆଥଲେଟିକ୍ସ ପ୍ରତିଯୋଗିତା 2025 ରେ ପୁରୁଷ 100 ମିଟର ଓ 200 ମିଟର ଦୁଇଟି ଇଭେଣ୍ଟରେ ସ୍ୱର୍ଣ ପଦକ ଜିତିଥିବା ପାଇଁ ଦଣ୍ଡପାଟି ଜୟରାମଙ୍କୁ ହାର୍ଦିକ ଅଭିନନ୍ଦନ। ସେ ନିଜ ଅଦ୍ଭୁତ ଫର୍ମ ଜାରି ରଖି ଦେଶ ପାଇଁ ଆହୁରି ଗୌରବ ଆଣିବେ ଭାବି ଆଶା କରୁଛି।”
---------------
ହିନ୍ଦୁସ୍ଥାନ ସମାଚାର / ସମନ୍ୱୟ
