ନୂଆଦିଲ୍ଲୀ, ୧୪ ନଭେମ୍ବର (ହି.ସ.)- ୮୨.୫୩ କିଲୋଗ୍ରାମ କୋକେନ୍ ଚୋରା ଚାଲାଣ ମାମଲାରେ ପ୍ରବର୍ତନ ନିର୍ଦ୍ଦେଶାଳୟ (ଇଡି) ଶୁକ୍ରବାର ଦିଲ୍ଲୀ-ଏନସିଆର ଏବଂ ରାଜସ୍ଥାନର ଜୟପୁରରେ ପାଂଚଟି ସ୍ଥାନରେ ଏକକାଳୀନ ଚଢ଼ଉ କରିଛି ।

ସରକାରୀ ସୂତ୍ର ଅନୁଯାୟୀ, କେନ୍ଦ୍ରୀୟ ତଦନ୍ତକାରୀ ସଂସ୍ଥା ୨୦୦୨ ମନି ଲଣ୍ଡରିଂ ନିବାରଣ ଆଇନ (ପିଏମଏଲଏ) ର ବ୍ୟବସ୍ଥା ଅନୁଯାୟୀ ଏହି ସହରଗୁଡ଼ିକରେ ଅତି କମ୍ ରେ ପାଂଚଟି ସ୍ଥାନରେ ତଲାସ ଚଳାଇଛି । ସ୍ଥାନୀୟ ପୋଲିସ ୟୁନିଟ୍ ସହିତ ସମନ୍ୱୟ ରଖି ଇଡିର କେତେକ ଟିମ୍ ସକାଳ ୭ଟା ସମୟରେ ଚଢ଼ଉ ଆରମ୍ଭ କରିଥିଲେ । ଏହି ଅଭିଯାନ ଭାରତରେ ଉଚ୍ଚ ମୂଲ୍ୟର କୋକେନ୍ ପଠାଣ ପାଇଁ ଦାୟୀ ଏକ ସନ୍ଦିଗ୍ଧ ଆନ୍ତର୍ଜାତୀୟ ଡ୍ରଗ୍ସ ନେଟୱାର୍କ ଉପରେ ଚାଲିଥିବା ତଦନ୍ତର ଏକ ଅଂଶ । ଗତ କିଛି ମାସ ମଧ୍ୟରେ ଦେଶବ୍ୟାପୀ ଅନେକ ହାଇ-ପ୍ରୋଫାଇଲ୍ ଡ୍ରଗ୍ସ ଧରାପଡ଼ିବା ମଧ୍ୟରେ ଇଡିର ଏହି ସଦ୍ୟତମ କାର୍ଯ୍ୟାନୁଷ୍ଠାନ ସାମ୍ନାକୁ ଆସିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ