ନୂଆଦିଲ୍ଲୀ, 15 ନଭେମ୍ବର (ହି.ସ)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଗୁଜରାଟ ଗସ୍ତରେ ଯିବେ। ଏହି ସମୟରେ ସେ ସୁରତରେ ନିର୍ମାଣାଧୀନ ବୁଲେଟ୍ ଟ୍ରେନ୍ ଷ୍ଟେସନ୍ର ଦର୍ଶନ କରି ମୁମ୍ବାଇ–ଆହମଦାବାଦ ହାଇ ସ୍ପିଡ୍ ରେଲ୍ କରିଡୋରର ଅଗ୍ରଗତିର ସମୀକ୍ଷା କରିବେ।
ପ୍ରଧାନମନ୍ତ୍ରୀ କାର୍ଯ୍ୟାଳୟ ଅନୁସାରେ, ଏହି ପ୍ରକଳ୍ପର ପ୍ରାୟ 85 ପ୍ରତିଶତ ଅର୍ଥାତ୍ 465 କିଲୋମିଟର ଅଂଶ ଉପରେ ଉଚ୍ଚ ସଂରଚନା ତିଆରି ହେଉଛି, ଯାହା ଭୂମି ବ୍ୟବହାରକୁ କମ୍ କରିବ ଏବଂ ସୁରକ୍ଷାକୁ ଅଧିକ ମଜବୁତ କରିବ। ଏପର୍ଯ୍ୟନ୍ତ 326 କିଲୋମିଟର ନିର୍ମାଣ କାର୍ଯ୍ୟ ସମାପ୍ତ ହୋଇଛି ଏବଂ 25ରୁ 17ଟି ନଦୀ ସେତୁର ନିର୍ମାଣ ମଧ୍ୟ ପୁରା ହୋଇଛି।
ପ୍ରକଳ୍ପ ସମାପ୍ତ ହେବା ପରେ ବୁଲେଟ୍ ଟ୍ରେନ୍ ମୁମ୍ବାଇରୁ ଅହମଦାବାଦ ପର୍ଯ୍ୟନ୍ତ ଯାତ୍ରା ସମୟକୁ କମେଇ ପ୍ରାୟ ଦୁଇ ଘଣ୍ଟା କରିଦେବ। ଏହା ଯାତ୍ରାକୁ ଅଧିକ ତ୍ୱରିତ, ସହଜ ଓ ସୁବିଧାଜନକ କରିଦେବ। ଏହି କରିଡର ବ୍ୟାପାର, ପର୍ଯ୍ୟଟନ ଏବଂ ଆର୍ଥିକ କାର୍ଯ୍ୟକଳାପକୁ ମଧ୍ୟ ପ୍ରୋତ୍ସାହିତ କରିବ।
---------------
ହିନ୍ଦୁସ୍ଥାନ ସମାଚାର / ସମନ୍ୱୟ