ଅରରିଆ, ୬ ନଭେମ୍ବର (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଫାରବିସଗଞ୍ଜ ବିମାନବନ୍ଦର ପଡ଼ିଆରେ ନଅଟି ବିଧାନସଭା ନିର୍ବାଚନମଣ୍ଡଳୀର ଏନଡିଏ ପ୍ରାର୍ଥୀଙ୍କ ସମର୍ଥନରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରିଥିଲେ । ବିପୁଳ ଜନସମାଗମରେ ଖୁସି ହୋଇ ପ୍ରଧାନମନ୍ତ୍ରୀ ଲାଲୁ ପ୍ରସାଦ ଯାଦବ ଏବଂ ରାବ୍ରୀ ଦେବୀଙ୍କ ୧୫ ବର୍ଷର ଶାସନ ଉପରେ କଠୋର ଆକ୍ରମଣ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ, ଦେଶର ସବୁଠାରୁ ବଡ଼ ଚ୍ୟାଲେଞ୍ଜ ହେଉଛି ଅନୁପ୍ରବେଶକାରୀ । ଏନଡିଏ ସରକାର ପ୍ରତ୍ୟେକ ଅନୁପ୍ରବେଶକାରୀଙ୍କୁ ଚିହ୍ନଟ କରି ବାହାର କରିବା ପାଇଁ କାମ କରୁଥିବା ବେଳେ, କଂଗ୍ରେସ ଏବଂ ଆରଜେଡି ସେମାନଙ୍କୁ ସୁରକ୍ଷା ଦେବା ପାଇଁ ବିଭିନ୍ନ ଭୁଲ୍ ଧାରଣା ଏବଂ ମିଥ୍ୟା ପ୍ରଚାର କରୁଛନ୍ତି । ଅନୁପ୍ରବେଶକାରୀଙ୍କ ପ୍ରସଙ୍ଗରେ ସେ କହିଛନ୍ତି ଯେ, ଯେତେବେଳେ ଆରଜେଡି ଏବଂ କଂଗ୍ରେସକୁ ସୁଯୋଗ ମିଳିଛି, ସେମାନେ ଅନୁପ୍ରବେଶକାରୀଙ୍କୁ ଭାରତୀୟ ନାଗରିକ କରିବାରେ ବ୍ୟସ୍ତ । ସେ କହିଛନ୍ତି ଯେ, ଅନୁପ୍ରବେଶକାରୀମାନେ ଦେଶର ନାଗରିକଙ୍କ ଅଧିକାର ହଡ଼ପ କରୁଛନ୍ତି । ଲାଲୁ ପ୍ରସାଦ ଯାଦବ ଏବଂ ରାବ୍ରୀ ଦେବୀଙ୍କ ଶାସନ ଉପରେ ଆକ୍ରମଣ କରି ପ୍ରଧାନମନ୍ତ୍ରୀ କହିଛନ୍ତି, ଜଙ୍ଗଲ ରାଜ୍ ର ସେହି ୧୫ ବର୍ଷର ଶାସନର ଶୂନ୍ୟ ଚିହ୍ନ ମନେରଖ, ଯାହା ସେମାନଙ୍କର ରିପୋର୍ଟ କାର୍ଡ । ୧୯୯୦-୨୦୦୫ ଶାସନ ସମୟରେ, ବିହାରକୁ ସରକାର ଗଠନ କରିବା ନାମରେ ଲୁଟ୍ ଏବଂ ଧ୍ୱଂସ କରାଯାଇଥିଲା । ପ୍ରଧାନମନ୍ତ୍ରୀ କହିଥିଲେ ଯେ, ଜଙ୍ଗଲ ରାଜ୍ ର ୧୫ ବର୍ଷର ସମୟରେ, ବିହାରରେ କୌଣସି ଏକ୍ସପ୍ରେସ ୱେ, କୋସୀ ଏବଂ ଗଙ୍ଗା ନଦୀ ଉପରେ କୌଣସି ସେତୁ, ପର୍ଯ୍ୟଟନ କ୍ଷେତ୍ରର ପ୍ରସାର, କୌଣସି କ୍ରୀଡା କମ୍ପେ୍ଲକ୍ସ, କୌଣସି ମେଡିକାଲ କଲେଜ ଏବଂ କୌଣସି ଆଇଆଇଟି, ଆଇଆଇଏମ ଏବଂ ମିଶନ ଲ ୟୁନିଭରସିଟି ପ୍ରତିଷ୍ଠାନ ନଥିଲା ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ