ଭାଗଲପୁର, 6 ନଭେମ୍ବର (ହି.ସ.)- ବିହାରର
ଭାଗଲପୁର ଏୟାରପୋର୍ଟ ମୈଦାନରେ ଗୁରୁବାର ଜନସଭାକୁ ସମ୍ବୋଧିତ କରିବା ସମୟରେ ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି କହିଛନ୍ତି ଯେ ବିହାରର ଉନ୍ନତି ହେଉଛି ଏନ୍ଡିଏ ସରକାରର ମୁଖ୍ୟ ଏଜେଣ୍ଡା।
ପ୍ରଧାନମନ୍ତ୍ରୀ ଅଞ୍ଚଳର ଉନ୍ନତି ପାଇଁ “ସ୍ୱଦେଶୀ ଆପଣାଅ” ଆହ୍ୱାନ ଜାରି କରି କହିଛନ୍ତି — “ଆପଣମାନେ ସ୍ୱଦେଶୀକୁ ଆପଣାନ୍ତୁ, ତେବେ ଆମେ ଆତ୍ମନିର୍ଭର ହେବୁ।” ସେ କହିଛନ୍ତି, “ଆପଣମାନେ ଆପଣଙ୍କ ଭୋଟ ଦ୍ୱାରା ଆରଜେଡି ଓ କଂଗ୍ରେସର ସ୍ଥାୟୀ ଟ୍ରିଟମେଂଟ
କରିବାକୁ ପଡିବ।”
ପ୍ରଧାନମନ୍ତ୍ରୀ ମୋଦି କହିଛନ୍ତି
ଯେ ଭାଗଲପୁରର ସିଲ୍କ, ମଧୁବନୀ ପେଣ୍ଟିଂ ଏବଂ ମୁଜଫ୍ଫରପୁରର ଲିଚୁ ସାରା ବିଶ୍ୱରେ ପ୍ରସିଦ୍ଧ। ଆମେ ସେଗୁଡ଼ିକୁ ଆପଣାଇବା
ଆବଶ୍ୟକ । ପ୍ରଧାନମନ୍ତ୍ରୀ ଅଭିଯୋଗ କଲେ ଯେ କଂଗ୍ରେସ ଓ ଆରଜେଡି ଲୋକମାନେ ଆମର ଆସ୍ଥାର ଅପମାନ
କରିଛନ୍ତି। “ଏହା
ବିହାରର ଅପମାନ ନୁହେଁ କି?” “ଛଠ ମହାପର୍ବର ଅପମାନ କରିଥିବା ଲୋକମାନଙ୍କୁ କଠିନ ଶାସ୍ତି ଦେବା ଆବଶ୍ୟକ। ଏହିମାନେ
ରାଜନୈତିକ ଲାଭ ପାଇଁ ମାଓବାଦୀମାନଙ୍କୁ ମଜବୁତ କରିଥିଲେ, ଏବେ ଅନୁପ୍ରବେଶକାରୀଙ୍କୁ ଆଣିବାରେ ଲାଗିଛନ୍ତି। ଆପଣମାନେ ଆପଣଙ୍କ
ଭୋଟରେ ଆରଜେଡି ଓ କଂଗ୍ରେସର ସ୍ଥାୟୀ ଚିକିତ୍ସା କରିବାକୁ ପଡିବ।”
ପ୍ରଧାନମନ୍ତ୍ରୀ ମୋଦି
ମଞ୍ଚରୁ ଜନତାଙ୍କ ପାଖରେ ଏନ୍ଡିଏର ବିଜୟ ପାଇଁ ଆଶୀର୍ବାଦ ମାଗିଛନ୍ତି। ସେ କହିଛନ୍ତି ଯେ
ଦେଶରେ ଦୁଇଟି ମାତ୍ର ସ୍ଥାନ ଅଛି ଯେଉଁଠାରେ ଗଙ୍ଗା ଉତ୍ତର ଦିଗକୁ ବହେ — ପ୍ରଥମ ହେଉଛି ବାରଣାସୀ ଏବଂ ଦ୍ୱିତୀୟ ହେଉଛି ଭାଗଲପୁର। ସେ କହିଛନ୍ତି,
“ଭାଗଲପୁର ହେଉଛି ସଂଘର୍ଷ ଓ ସମ୍ମାନର
ମାଟି। ଏହି ମାଟି ଦେଶକୁ ଦୁଇଜଣ ବୀର ଦେଇଛି — ତିଲକା ମାଝି ଓ କାଦମ୍ବିନୀ ଗାଙ୍ଗୁଲି — ଯେଉଁମାନେ ଦେଶର ଇତିହାସ ପରିବର୍ତ୍ତନ କରିଦେଇଥିଲେ। ବିକ୍ରମଶିଲାର
ଭୂମି ଦେଶ ଓ ବିଶ୍ୱକୁ ଜ୍ଞାନର ପଥ ଦେଖାଇଛି।”
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା