
ଭୁବନେଶ୍ୱର, 15 ଡିସେମ୍ବର (ହି.ସ.): କଂଗ୍ରେସରୁ ବହିଷ୍କାର ପରେ ପୂର୍ବତନ ବିଧାୟକ ମହମ୍ମଦ
ମୋକିମ୍ କହିଛନ୍ତି ଯେ ସେ ତାଙ୍କର ରାଜନୀତିକ ଯାତ୍ରା ଜାରି ରଖିବେ ଏବଂ ଏଥିରେ କୌଣସି ବିରାମ
ନାହିଁ।
ମୋକିମ୍ କହିଛନ୍ତି, “ମୁଁ ୨୪ ଘଣ୍ଟା
ସମାଜ ପାଇଁ କାମ କରିବି। ରାଜନୀତି ମୋ ପାଇଁ ଗୋଟିଏ ପ୍ଲାଟଫର୍ମ ମାତ୍ର।” ସେ ସ୍ପଷ୍ଟ କରିଛନ୍ତି
ଯେ ଆଗାମୀ ଦିନରେ ମଧ୍ୟ ସେ ରାଜନୀତିରେ ସକ୍ରିୟ ରହିବେ।
ପରବର୍ତ୍ତୀ ପଦକ୍ଷେପ ସମ୍ପର୍କରେ ମୋକିମ୍ କହିଛନ୍ତି ଯେ ସମର୍ଥକ ଓ
ଶୁଭେଚ୍ଛୁମାନଙ୍କ ସହ ଆଲୋଚନା ପରେ ସେ ନିଷ୍ପତ୍ତି ନେବେ। ସେ ଆହୁରି କହିଛନ୍ତି ଯେ ଶେଷ
ନିଶ୍ୱାସ ପର୍ଯ୍ୟନ୍ତ ସେ କଟକ ଓ ସମଗ୍ର ଓଡ଼ିଶାବାସୀଙ୍କ ପାଇଁ କାମ କରିବେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା