ଭୁବନେଶ୍ୱର, 17 ଡିସେମ୍ବର (ହି.ସ.) ରାଜ୍ୟରେ ପ୍ରତିବର୍ଷ ହେଉଥିବା ପକ୍ଷୀ ଗଣନା ଏହି ବର୍ଷ ଆସନ୍ତା ଜାନୁଆରୀ ୬ ତାରିଖରୁ ଆରମ୍ଭ ହେବ। ଏହି ପକ୍ଷୀ ଗଣନା ଚିଲିକା ହ୍ରଦ, ନଳବନ ପକ୍ଷୀ ଅଭୟାରଣ୍ୟ, ମଙ୍ଗଳାଯୋଡ଼ି, ହୀରାକୁଦ ଜଳାଶୟ ଏବଂ ନନ୍ଦନକାନନ ଆଦି ପ୍ରମୁଖ ସ୍ଥାନରେ କରାଯିବ।

ଏହି ସୂଚନା ଦେଇ ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ କହିଛନ୍ତି ଯେ, ପକ୍ଷୀ ଗଣନା ପ୍ରକ୍ରିୟାରେ ପର୍ଯ୍ୟଟନ ବିଭାଗର ସହଯୋଗ ମଧ୍ୟ ନିଆଯିବ।

ମନ୍ତ୍ରୀ କହିଛନ୍ତି ଯେ ପକ୍ଷୀ ସଂରକ୍ଷଣକୁ ଆହୁରି ସୁଦୃଢ଼ କରିବା ପାଇଁ ଆଧୁନିକ ୱାଚ୍ ଟାୱାର ଓ ଏନକ୍ଲୋଜର ନିର୍ମାଣ କରାଯିବ। ଏହା ସହିତ ଶିକାରୀମାନଙ୍କ ଗତିବିଧି ଉପରେ କଡ଼ା ନଜର ରଖିବାକୁ ନିର୍ଦ୍ଦେଶ ଦିଆଯାଇଥିବା କଥା ସେ ଉଲ୍ଲେଖ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ