ଭୁବନେଶ୍ୱର ,୨୨ ଡିସେମ୍ବର (ହି.ସ.) - ପୂର୍ବତଟ ରେଳପଥ କ୍ରୀଡ଼ା ସଂଘ ଦ୍ୱାରା ଆୟୋଜିତ ଦ୍ୱିତୀୟ ନୀଳାଦ୍ରି କପ୍ ଟି-୨୦ ଆନ୍ତଃବିଭାଗୀୟ ଟେନିସ୍ ବଲ୍ କ୍ରିକେଟ୍ ଚାମ୍ପିଅନସିପ୍ ୨୧ ଡିସେମ୍ବର ୨୦୨୫ ରେ ମଞ୍ଚେଶ୍ୱରର ରେଳବାଇ କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ଫାଇନାଲ୍ ମ୍ୟାଚ୍ ଏବଂ ଉଦଯାପନୀ ସମାରୋହ ସଫଳତାର ସହିତ ସମାପ୍ତ ହୋଇଯାଇଛି ।
ତୀବ୍ର ପ୍ରତିଦ୍ୱନ୍ଦ୍ୱିତାମୂଳକ ଫାଇନାଲରେ, ଇଞ୍ଜିନିୟରିଂ ବିଭାଗ ଚାମ୍ପିଅନ୍ ଦଳ ଭାବରେ ଉଭା ହୋଇଥିଲା, ସମଗ୍ର ଟୁର୍ଣ୍ଣାମେଂଟରେ ଇଞ୍ଜିନିୟରିଂ ବିଭାଗ ଦଳଗତ ଭାବରେ ଓ ନିରନ୍ତର ଉତ୍କୃଷ୍ଟ ଖେଳ ପ୍ରଦର୍ଶନ କରିଥିଲା । ଆର ପି. ଏଫ୍. ଦଳ ମଧ୍ୟ ସେମାନଙ୍କର ଉତ୍ସାହୀ ଏବଂ ଶୃଙ୍ଖଳିତ ଖେଳ ପ୍ରଦର୍ଶନ କରିଥିଲେ ଓ ରନର୍ ଅପ୍ ଭାବରେ ଚାମ୍ପିଅନସିପ୍ ସମାପ୍ତ କରିଥିଲା।
ସମାପନୀ ସମାରୋହରେ ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫଙ୍କୱାଲ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ଏବଂ ବ୍ୟକ୍ତିଗତ ପୁରସ୍କାରପ୍ରାପ୍ତଙ୍କ ସହିତ ବିଜୟୀ ଏବଂ ଉପବିଜେତା ଦଳଗୁଡ଼ିକୁ ଟ୍ରଫି ଏବଂ ପୁରସ୍କାର ପ୍ରଦାନ କରିଥିଲେ।
ଶ୍ରୀ ଫଙ୍କୱାଲ ଇଞ୍ଜିନିୟରିଂ ଓ ଆରପିଏଫ୍ ଦଳଙ୍କ ସେମାନଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ଅଭିନନ୍ଦନ ଜଣାଇଥିଲେ ଏବଂ ଚାମ୍ପିୟନସିପ୍?କୁ ସୁଚାରୁ ଓ ସୁସଂଗଠିତ ଭାବେ ଆୟୋଜନ କରିଥିବା ପାଇଁ ପୂର୍ବତଟ ରେଳପଥର କ୍ରୀଡା ସଂଘକୁ ପ୍ରଶଂସା କରିଥିଲେ। ସେ ରେଳ କର୍ମଚାରୀଙ୍କ ମଧ୍ୟରେ ଶାରୀରିକ ସୁସ୍ଥତା, ଦଳଗତ କାର୍ଯ୍ୟ, ଶୃଙ୍ଖଳା ଏବଂ ମାନସିକ ସୁସ୍ଥତାକୁ ପ୍ରୋତ୍ସାହିତ କରିବାରେ କ୍ରୀଡ଼ାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ।
ଏହି ଚାମ୍ପିୟନସିପ୍ ରେ ପୂର୍ବତଟ ରେଳପଥର ବିଭିନ୍ନ ବିଭାଗରୁ ମୋଟ ୧୧ଟି ଆନ୍ତଃବିଭାଗୀୟ ଦଳ ଅଂଶଗ୍ରହଣ କରିଥିଲେ। ୦୧ ଡିସେମ୍ବର ୨୦୨୫ ରୁ ୨୧ ଡିସେମ୍ବର ୨୦୨୫ ପର୍ଯ୍ୟନ୍ତ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଲିଗ୍ ମ୍ୟାଚ୍, ସେମିଫାଇନାଲ୍ ଓ ଫାଇନାଲ୍ ସମେତ ମୋଟ ୨୮ଟି ମ୍ୟାଚ୍ ଆଇସିସିଟି–୨୦ ନିୟମାବଳୀ ଅନୁସାରେ ଖେଳାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ବନ୍ଦନା
