ନୂଆଦିଲ୍ଲୀ, 22 ଡିସେମ୍ବର (ହି.ସ.)- ରାଷ୍ଟ୍ରୀୟ ମହିଳା ଆୟୋଗ (ଏନସିଡବ୍ଲୁ) ସୋମବାର ‘ଶକ୍ତି

ସ୍କଲାର୍ସ’ ନାମରେ ଏକ ଯୁବ ଗବେଷଣା ଫେଲୋଶିପ୍ ଆରମ୍ଭ କରିଛି। ଏହା ଅନ୍ତର୍ଗତ ମହିଳାମାନଙ୍କ ସହ

ସଂପୃକ୍ତ ବିଷୟଗୁଡ଼ିକ ଉପରେ ନୀତି-ଆଧାରିତ ଗବେଷଣା କରିବା ପାଇଁ ଯୁବ ଛାତ୍ରଛାତ୍ରୀ ଓ

ଗବେଷକମାନଙ୍କ ଠାରୁ ଆବେଦନ ଆହ୍ୱାନ କରାଯାଇଛି। ଏନସିଡବ୍ଲୁଏକ ବିବୃତ୍ତିରେ

କହିଛି ଯେ ଏହି ଫେଲୋଶିପ୍ 21 ରୁ 30 ବର୍ଷ ବୟସର ଭାରତୀୟ ନାଗରିକମାନଙ୍କ ପାଇଁ ଉପଲବ୍ଧ, ଯାହାଙ୍କ ପାଖରେ

କୌଣସି ସ୍ୱୀକୃତ ସଂସ୍ଥାରୁ ନ୍ୟୁନତମରେ ସ୍ନାତକ ଯୋଗ୍ୟତା ରହିଛି। ସ୍ନାତକୋତ୍ତର କିମ୍ବା

ଉଚ୍ଚତର ଗବେଷଣା କରୁଥିବା କିମ୍ବା ସମ୍ପୂର୍ଣ୍ଣ କରିଥିବା ପ୍ରାର୍ଥୀମାନଙ୍କୁ ପ୍ରାଥମିକତା

ଦିଆଯିବ। ପ୍ରମାଣିତ ଗବେଷଣା କ୍ଷମତା ଥିବା ସ୍ୱାଧୀନ ଗବେଷକମାନେ ମଧ୍ୟ ଆବେଦନ କରିପାରିବେ।

ଚୟନିତ ପ୍ରାର୍ଥୀମାନଙ୍କୁ ଛଅ ମାସର ଗବେଷଣା ଅବଧି ପାଇଁ ଏକ ଲକ୍ଷ

ଟଙ୍କାର ଗବେଷଣା ଅନୁଦାନ ପ୍ରଦାନ କରାଯିବ। ଏହି ରାଶି କାର୍ଯ୍ୟର ପ୍ରଗତି ଅନୁସାରେ

ପର୍ଯ୍ୟାୟକ୍ରମେ ଜାରି କରାଯିବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା