ଚେନ୍ନାଇ, ୨୩ ଡିସେମ୍ବର (ହି.ସ.)- ବିଜେପିର ତାମିଲନାଡୁ ବିଧାନସଭା ନିର୍ବାଚନ ପ୍ରଭାରୀ ତଥା କେନ୍ଦ୍ର ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋୟଲ ମଙ୍ଗଳବାର ଚେନ୍ନାଇରେ ପହଂଚିଛନ୍ତି । ଗୋୟଲ ଏଠାରେ ଅନାଦ୍ରମୁକ ମହାସଚିବ ଏଡାପ୍ପାଡି ପଲାନିସ୍ୱାମୀଙ୍କ ସହିତ ସାକ୍ଷାତ କରିବେ । ଏହି ଅବସରରେ ଆସନ ବୁଝାମଣା ଉପରେ ଆଲୋଚନା ହୋଇପାରେ । ଏଥି ପୂର୍ବରୁ, ଗୋୟଲ ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ନିର୍ବାଚନ ପ୍ରସ୍ତୁତି ସମୀକ୍ଷା କରିବା ପାଇଁ ତାମିଲନାଡୁ ବିଜେପି କେନ୍ଦ୍ରୀୟ କମିଟି ବୈଠକରେ ଯୋଗଦେବେ ।
କେନ୍ଦ୍ର ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋୟଲଙ୍କୁ ଚେନ୍ନାଇ ବିମାନବନ୍ଦରରେ କେନ୍ଦ୍ର ରାଷ୍ଟ୍ରମନ୍ତ୍ରୀ ଏଲ୍. ମୁରୁଗନଙ୍କ ସମେତ ବିଜେପି ପଦାଧିକାରୀମାନେ ସ୍ୱାଗତ କରିଥିଲେ । କମଳାଳୟରେ କେନ୍ଦ୍ର ମନ୍ତ୍ରୀ ତାମିଲନାଡୁ ବିଜେପି କେନ୍ଦ୍ରୀୟ କମିଟି ବୈଠକରେ ଯୋଗଦେବେ । ତାମିଲନାଡୁ ବିଧାନସଭା ନିର୍ବାଚନ ପାଇଁ ସହ-ପ୍ରଭାରୀ ଅର୍ଜୁନ ରାମ ମେଘୱାଲ, କେନ୍ଦ୍ର ମନ୍ତ୍ରୀ ଏଲ୍. ମୁରୁଗନ, ତାମିଲନାଡୁ ବିଜେପି ସଭାପତି ନୟିନାର ନାଗେନ୍ଦ୍ରନ ଏବଂ ଅନ୍ୟମାନେ ଉପସ୍ଥିତ ରହିବେ ।
ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ, କେନ୍ଦ୍ର ମନ୍ତ୍ରୀ ଗୋୟଲ ଅନାଦ୍ରମୁକ ମହାସଚିବ ଏଡାପ୍ପାଡି ପଲାନିସ୍ୱାମୀଙ୍କ ସହିତ ସାକ୍ଷାତ କରିବେ । ଏହି ଅବସରରେ ଆସନ ବୁଝାମଣା ଉପରେ ଗୁରୁତ୍ୱପୂର୍ଣ୍ଣ ଆଲୋଚନା ହେବାର ଆଶା କରାଯାଉଛି । ବିଜେପି ତାମିଲନାଡୁରେ ପ୍ରତିଦ୍ୱନ୍ଦ୍ୱିତା କରିବାକୁ ଥିବା ନିର୍ବାଚନମଣ୍ଡଳୀର ତାଲିକା ଅନାଦ୍ରମୁକକୁ ପ୍ରଦାନ କରିସାରିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
