ନୂଆଦିଲ୍ଲୀ, ୨୩ ଡିସେମ୍ବର (ହି.ସ.)- କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସ୍ୱାମୀ ଶ୍ରଦ୍ଧାନନ୍ଦଙ୍କୁ ତାଙ୍କ ବଳିଦାନ ଦିବସରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଅମିତ ଶାହ କହିଛନ୍ତି ଯେ, ‘ସ୍ୱାମୀ ଶ୍ରଦ୍ଧ।।ନନ୍ଦ ସରସ୍ୱତୀ ସ୍ୱରାଜ ଏବଂ ଭାରତୀୟ ସଂସ୍କୃତି ପାଇଁ ସମାନ ଅବଦାନ ରଖିଥିଲେ ଏବଂ ତାଙ୍କ ଜୀବନସାରା ସାମାଜିକ କୁପ୍ରଥା ବିରୁଦ୍ଧରେ ଲଢ଼ିଥିଲେ ।’
ଶାହ ‘ଏକ୍ସ’ ପୋଷ୍ଟରେ କହିଛନ୍ତି ଯେ, ‘ସ୍ୱାମୀ ଶ୍ରଦ୍ଧାନନ୍ଦ ମହିଳା ଶିକ୍ଷାକୁ ପ୍ରୋତ୍ସାହିତ କରିବା ଏବଂ ଭାରତୀୟ ବୌଦ୍ଧିକ ପରମ୍ପରାକୁ ବିକଶିତ କରିବାରେ ଏକ ଅବିସ୍ମରଣୀୟ ଭୂମିକା ଗ୍ରହଣ କରିଥିଲେ । ଶାହ ସ୍ୱାମୀ ଶ୍ରଦ୍ଧାନନ୍ଦଙ୍କ ଅବଦାନକୁ ଦେଶ ପାଇଁ ପ୍ରେରଣାର ଉତ୍ସ ଭାବରେ ବର୍ଣ୍ଣନା କରିଥିଲେ । ସ୍ୱାମୀ ଶ୍ରଦ୍ଧାନନ୍ଦ ସରସ୍ୱତୀ ଆର୍ଯ୍ୟ ସମାଜର ଜଣେ ପ୍ରମୁଖ ନେତା, ଜଣେ ସମାଜ ସଂସ୍କାରକ ଏବଂ ସ୍ୱାଧୀନତା ଆନ୍ଦୋଳନର ଜଣେ ସକ୍ରିୟ ସଦସ୍ୟ ଥିଲେ । ସେ ସ୍ୱାମୀ ଦୟାନନ୍ଦ ସରସ୍ୱତୀଙ୍କ ଦ୍ୱାରା ଅନୁପ୍ରାଣିତ ହୋଇଥିଲେ ଏବଂ ତାଙ୍କ ଜୀବନସାରା ଶିକ୍ଷା, ମହିଳା ସଶକ୍ତିକରଣ ଏବଂ ସାମାଜିକ ସମାନତା ପାଇଁ କାର୍ଯ୍ୟ କରିଥିଲେ । ସେ ଗୁରୁକୁଳ କାଙ୍ଗଡ଼ି ବିଶ୍ୱବିଦ୍ୟାଳୟ ପ୍ରତିଷ୍ଠାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ସେ ଅସ୍ପୃଶ୍ୟତା, ସାମାଜିକ କୁପ୍ରଥା ଏବଂ ସାମାଜିକ ବୈଷମ୍ୟ ବିରୁଦ୍ଧରେ ସ୍ୱର ଉଠାଇଥିଲେ । ସେ ଡିସେମ୍ବର ୨୩, ୧୯୨୬ ରେ ସହିଦ ହୋଇଥିଲେ ।’
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
