ନୂଆଦିଲ୍ଲୀ, 23 ଡିସେମ୍ବର (ହି.ସ.)- କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଆଜି ପୂର୍ବତନ
ପ୍ରଧାନମନ୍ତ୍ରୀ ପି.ଭି. ନରସିଂହ ରାଓଙ୍କ ପୁଣ୍ୟତିଥିରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ
କରିଛନ୍ତି।
ଖଡଗେ ‘ଏକ୍ସ’ରେ କହିଛନ୍ତି ଯେ ନରସିଂହ ରାଓଙ୍କ ନେତୃତ୍ୱରେ ଭାରତ
ଆର୍ଥିକ ସୁଧାରର ଏକ ପରିବର୍ତ୍ତନଶୀଳ ଯୁଗର ଆରମ୍ଭ କରିଥିଲା, ଯାହା ଦେଶର ବିକାଶ ପାଇଁ ଦୃଢ଼ ଭିତି ସୃଷ୍ଟି
କରିଥିଲା।
ସେ କହିଛନ୍ତି ଯେ ନରସିଂହ ରାଓଙ୍କ କାର୍ଯ୍ୟକାଳରେ ଭାରତର ପରମାଣୁ
କାର୍ଯ୍ୟକ୍ରମ ଅଧିକ ସଶକ୍ତ ହୋଇଥିଲା ଏବଂ ବିଦେଶ ନୀତି କ୍ଷେତ୍ରରେ ମଧ୍ୟ ଅନେକ ଐତିହାସିକ
ସଫଳତା ଲାଭ ହୋଇଥିଲା। ସେ ‘ଲୁକ୍ ଇଷ୍ଟ’ ନୀତିର ଆରମ୍ଭକୁ ଭାରତର କୂଟନୀତିକ ଦିଗରେ ଏକ
ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବର୍ଣ୍ଣନା କରିଛନ୍ତି।
କଂଗ୍ରେସ ଅଧ୍ୟକ୍ଷ କହିଛନ୍ତି ଯେ ଦେଶର ସମୃଦ୍ଧି ଓ ବିକାଶକୁ ସୁଦୃଢ଼
କରିବାରେ ପି.ଭି. ନରସିଂହ ରାଓଙ୍କ ସ୍ଥାୟୀ ଭୂମିକାକୁ ସର୍ବଦା ସ୍ମରଣ କରାଯିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
