ସମ୍ବଲପୁର, ୨୩, ଡିସେମ୍ବର (ହି.ସ.) - ପୂର୍ବ ଜୋନ୍ ଆନ୍ତଃ ବିଶ୍ୱବିଦ୍ୟାଳୟ ବ୍ୟାଡମିଂଟନ (ମହିଳା) ପ୍ରତିଯୋଗିତା ଉଦଯାପିତ ହୋଇଯାଇଛି।ସର୍ବଭାରତୀୟ ଅନ୍ତଃ ବିଶ୍ୱବିଦ୍ୟାଳୟ ବ୍ୟାଡ଼ମୀଂଟନ ପ୍ରତିଯୋଗିତାରେ ଭାଗ ନେବାକୁ ଯୋଗ୍ୟ ବିବେଚିତ ହେଲା ଆଡାମାସ ବିଶ୍ୱବିଦ୍ୟାଳୟ, କିଟ୍ ବିଶ୍ୱବିଦ୍ୟାଳୟ, ଭିବିଏସ ପୂର୍ବାଂଚଳ ବିଶ୍ୱବିଦ୍ୟାଳୟ ଓ ୟୁନିଭର୍ସିଟି ଏଫ କାଲକାଟା । କ୍ରୀଡା ହିଁ ବ୍ୟକ୍ତିକୁ ଶୃଙ୍ଖଳା ଶିଖାଇଥାଏ ବୋଲି ଖେଳାଳିଙ୍କୁ ଉତ୍ସାହିତ କରିବାକୁ ଯାଇ ସମ୍ବଲପୁର ବିଶ୍ୱବିଦ୍ୟାଳୟର କୁଳପତି ପ୍ରଫେସର ବିଧୁ ଭୂଷଣ ମିଶ୍ର ମତ ପ୍ରକାଶ କରିଛନ୍ତି । ସମ୍ବଲପୁର ବିଶ୍ୱବିଦ୍ୟାଳୟ ଆନୁକୂଲ୍ୟରେ ଗତ ଡିସେମ୍ବର ୧୭ ତାରିଖରୁ ଆୟୋଜିତ ପୂର୍ବାଂଚଳ ଜୋନ ଅନ୍ତଃ ବିଶ୍ୱବିଦ୍ୟାଳୟ ପୁରୁଷ ଓ ମହିଳା ବ୍ୟାଡ଼ମିଂଟନ ପ୍ରତିଯୋଗିତା ଅନ୍ତିମ ପର୍ଯ୍ୟାୟରେ ପହଂଚି ଯାଇଛି । ବୁର୍ଲା ସ୍ଥିତ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ଓ ସମ୍ବଲପୁର ବିଶ୍ୱବିଦ୍ୟାଳୟ ଇଣ୍ଡୋର ହଲ ଠାରେ ଆୟୋଜିତ ହେଉଥିବା ଏହି ବ୍ୟାଡ଼ମିଂଟନ ପ୍ରତିଯୋଗିତାରେ ପୁରୁଷ ବର୍ଗରେ ପୂର୍ବରୁ ୪ଟି ଶ୍ରେଷ୍ଠ ଦଳର ମନୋନୟନ ହୋଇଯାଇଥିବା ବେଳେ ମହିଳା ବର୍ଗରେ ୪ ଟି ଦଳ ଅନ୍ତିମ ପର୍ଯ୍ୟାୟରେ ପହଂଚି ଯାଇଛନ୍ତି । ସେମାନଙ୍କ ମଧ୍ୟରେ ଆଡାମସ ୟୁନିଭେର୍ସିଟି, କିଟ୍ ବିଶ୍ୱବିଦ୍ୟାଳୟ, ୟୁନିଭର୍ସିଟି ଏଫ କୋଲକାତା ଓ ଭି ବି ଏସ ପୂର୍ବାଂଚଳ ୟୁନିଭରସିଟି କ୍ଷ ସେମାନଙ୍କ ମଧ୍ୟରେ ପ୍ରଥମ ରେଙ୍କରେ ପଶ୍ଚିମବଙ୍ଗର ଆଡାମାସ ବିଶ୍ୱବିଦ୍ୟାଳୟ, ଦ୍ୱିତୀୟ ରେଙ୍କ ରେଙ୍କରେ ୟୁନିଭେର୍ସିଟି ଏଫ କୋଲକାତା, ତୃତୀୟ ରେଙ୍କରେ ବୀର ବାହାଦୁର ସିଂ ପୂର୍ବାଂଚଳ ବିଶ୍ୱବିଦ୍ୟାଳୟ, ଉତରପ୍ରଦେଶ ଓ ଚତୁର୍ଥ ରେଙ୍କରେ କିଟ୍, ଭୁବନେଶ୍ୱର ଅଧିକାର କରିଛି । ଆସନ୍ତା ଜାନୁଆରୀ ୮ ତାରିଖରୁ ବାଙ୍ଗାଲୋର ର ପି.ଇ.ଏସ. ବିଶ୍ୱବିଦ୍ୟାଳୟ ରେ ଆୟୋଜିତ ହେବାକୁ ଥିବା ସର୍ବଭାରତୀୟ ଅନ୍ତଃ ବିଶ୍ୱବିଦ୍ୟାଳୟ ବ୍ୟାଡ଼ମୀଂଟନ ପ୍ରତିଯୋଗିତା ରେ ଏହି ଚାରୋଟି ଦଳ ଭାଗ ନେବେ ।
ପୂର୍ବ ଜୋନ୍ ରୁ ପୁରୁଷ ବର୍ଗରେ ମୋଟ ୫୫ ଟି ବିଶ୍ୱବିଦ୍ୟାଳୟ ଦଳ ଏହି ମର୍ଯ୍ୟାଦାଜନକ ପ୍ରତିଯୋଗିତାରେ ଅଂଶଗ୍ରହଣ କରିଥିବା ବେଳେ ମହିଳା ବର୍ଗରେ ୪୦ ଟି ଦଳ ଭାଗ ନେଇଛନ୍ତି ।
ମହିଳା ବର୍ଗର ଅନ୍ତଃ ବିଶ୍ୱବିଦ୍ୟାଳୟ ବ୍ୟାଡ଼ମୀଂଟନ ପ୍ରତିଯୋଗିତାର ଉତଯାପନୀ ଉତ୍ସବ ରେ ମୁଖ୍ୟ ଅତିଥି ଭାବରେ ସମ୍ବଲପୁର ବିଶ୍ୱବିଦ୍ୟାଳୟ ର କୁଳପତି ପ୍ରଫେସର ବିଧୁଭୂଷଣ ମିଶ୍ର ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବରେ ସମ୍ବଲପୁର ବିଶ୍ୱବିଦ୍ୟାଳୟ ର ପିଜି କାଉନସିଲ ଚେୟାରମ୍ୟାନ ପ୍ରଫେସର ତୁଷାର କାନ୍ତି ଦାସ, ସ୍ପୋର୍ଟ୍ସ କାଉନସିଲ ର ସଚିବ ପ୍ରଫେସର ଦେବେନ୍ଦ୍ର ମହାଳିକ, ପରୀକ୍ଷା ନିୟନ୍ତ୍ରକ ପ୍ରଫେସର ମଳୟ ରଞ୍ଜନ ମହାନନ୍ଦ,କ୍ରୀଡା ଅଧିକାରୀ ଡ଼. ଅବିନାଶ କର ପ୍ରମୁଖ ଉପସ୍ଥିତ ଥିଲେ ।
ଏହି ଅବସରରେ ପ୍ରଫେସର ମିଶ୍ର ଏହି ପୂର୍ବାଂଚଳ ଅନ୍ତଃ ବିଶ୍ୱବିଦ୍ୟାଳୟ ବ୍ୟାଡ଼ମୀଂଟନ ପ୍ରତିଯୋଗିତା ରେ ସର୍ବ ଭାରତୀୟ ସ୍ତରରେ ଅଂଶଗ୍ରହଣ କରିବା ପାଇଁ ଉନ୍ନୀତ ହୋଇଥିବା ଚାରୋଟି ଦଳକୁ ଶୁଭେଚ୍ଛା ଜଣାଇବା ସହ କ୍ରୀଡା ହିଁ ବ୍ୟକ୍ତି କୁ ଶୃଙ୍ଖଳା ର ଶିକ୍ଷା ଦିଏ ବୋଲି ନିଜ ବକ୍ତବ୍ୟ ରେ କହିଥିଲେ । ମ୍ୟାଚ୍ ପରିଚାଳନା କରିଥିଲେ ଓଡିଶା ବ୍ୟାଡ଼ମୀଂଟନ ସଂଘର ସ୍ୱୀକୃତିପ୍ରାପ୍ତ ମ୍ୟାଚ୍ ରେଫରୀ ସୁଧୀର ମିଶ୍ର, ଅମ୍ପାୟାର ଅନିଶ ହାଁସଦା, ବାବୁଲୁ ସାହୁ, ସୂର୍ଯ୍ୟ ପାଣିଗ୍ରାହୀ, ଅଂଶୁମାନ ପାତ୍ର, ବିଶ୍ୱମୋହନ ଅଚାରୀ, ହେମାନନ୍ଦ ଥପା, ବିକ୍ରମ ପଣ୍ଡା ଓ ଦେବେନ୍ଦ୍ର ଦାଣ୍ଡିଆ ।
ହିନ୍ଦୁସ୍ଥାନ ସମାଚାର / ଶୈଳେଶ
