ଖୋର୍ଦ୍ଧା, 24 ଡିସେମ୍ବର (ହି.ସ.)ଶରଧାପୁର ସ୍ପୋର୍ଟସ ଆସୋସିଏସନ ଆନୁକୁଲ୍ୟରେ ସ୍ଥାନୀୟ ଶରଧାପୁର ଫୁଟବଲ ପଡ଼ିଆ ଠାରେ ୧୬ତମ ଶରଧାପୁର କପ୍ ଫୁଟବଲ ମ୍ୟାଚ ଅନୁଷ୍ଠିତ ହୋଇଯାଇଛି। ଟୁର୍ଣ୍ଣାମେଣ୍ଟର ଚତୁର୍ଥ ଦିନରେ ଶିବଶକ୍ତି ଭୁବନେଶ୍ୱର ଓ ବାଇଗୁଣିଆ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ପ୍ରଥମାର୍ଦ୍ଧର ଖେଳ ସଙ୍ଘର୍ଷସ୍ପୂର୍ଣ ହୋଇଥିଲେ ମଧ୍ୟ କେହି କାହାରିକୁ ଗୋଲ ଦେଇପାରିନଥିଲେ।ତେବେ ଦିତିୟାର୍ଦ୍ଧରେ ମଧ୍ୟ କେହି କାହାରିକୁ ଗୋଲ ଦେଇନପାରିବାରୁ ମ୍ୟାଚ ରେଫରି ଟ୍ରାଇବେକରର ସହାୟତା ନେଇଥିଲେ ।ଟ୍ରାଇବେକରରେ ବାଇଗୁଣିଆ ୪-୨ ରେ ଶିବଶକ୍ତି କ୍ଲବ ଭୁବନେଶ୍ୱରକୁ ହରାଇ ଚତୁର୍ଥ ଦଳ ଭାବେ ସେମିରେ ପ୍ରଵେଶ କରିଛି।
ଆଜିର ଏହି ମ୍ୟାଚକୁ ଗିରିଶ ଜାନି ପରିଚାଳନା କରିଥିବା ବେଳେ ସାଗିର ଅହେମ୍ମଦ ଓ ସୌକତ ରହେମାନ ତାଙ୍କୁ ଲାଇନରେ ସହାୟତା କରିଥିଲେ । ଆଜିର ଏହି ମ୍ୟାଚରେ ମୁଖ୍ୟ ଅତିଥି ଭାବେ ମୋମତାଜ ଖାଁ,ଲକ୍ଷ୍ମୀଧର ବଡ଼ଜେନା, ମହମ୍ମଦ ଜମିରୁଲ ରହେମନ, ମୀନକେତନ ବଡ଼ଜେନା, ବନମାଳୀ ବେହେରା,ଜାପାନୀ ନାୟକ, ହାଜି ନସିମୁଦ୍ଦିନ ପ୍ରମୁଖ ଯୋଗ ଦେଇଥିଲେ। ଆସନ୍ତାକାଲି ବଜରଙ୍ଗବାଲି କ୍ଲବ ଘଟିକିଆ ଓ କେରଙ୍ଗ ଏକାଦଶ ମଧ୍ୟରେ ପ୍ରଥମ ସେମିଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ଆସୋସିଏସନର ସମ୍ପାଦକ ଏସ କେ ହୁଦା ସୁଚନା ଦେଇଛନ୍ତି।
---------------
ହିନ୍ଦୁସ୍ଥାନ ସମାଚାର / ରାକେଶ
25 Dec 2025
