କନ୍ଧମାଳ, ୨୯ ଡିସେମ୍ବର (ହି.ସ.)- କେନ୍ଦ୍ର ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରାଳୟ ଭାରତ ସରକାର ଶାଖା ମାଇଁ ଭାରତ ଫୁଲବାଣୀ ଓ ୧୧୬ ବିଏସଏଫ ଫୁଲବାଣୀର ମିଳିତ ଆନୁକୂଲ୍ୟରେ ୧୭ତମ ଆଦିବାସୀ ଯୁବ ଭାବ ବିନିମୟ କାର୍ଯ୍ୟକ୍ରମ ପାଇଁ କନ୍ଧମାଳ ଦଳ ବିଶାଖାପାଟନା ଯାତ୍ରା କରିଛି l ଏହି ଅବସରରେ ସାମ୍ବାଦିକ ଭବନ ସଭାଗୃହ ଫୁଲବାଣୀ ଠାରେ ଏକ ବୈଠକ ଅନୁଷ୍ଠିତ ହୋଇଥିଲା l ମୁଖ୍ୟ ଅତିଥି ଭାବରେ ୧୧୬ ବିଏସଏଫ ଫୁଲବାଣୀର ଡେପୁଟି କମାଣ୍ଡର ଅମନ୍ ଭଗତ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବରେ ଅବସପ୍ରାପ୍ତ ଶିକ୍ଷା ବିଭାଗର ଏ ଏସ୍ ଆଇ ନବ କିଶୋର ରଥ, ଅବସପ୍ରାପ୍ତ ଶିକ୍ଷକ ବଂଶୀଧର ପଣ୍ଡା, ଅବସପ୍ରାପ୍ତ ଅଧ୍ୟକ୍ଷ ଡଃ. ପୂର୍ଣେନ୍ଦୁ ତ୍ରିପାଠୀ, ୧୧୬ ବିଏସଏଫ ର ସୁବେଦାର୍ ମେଜର ରଞ୍ଜନ କୁମାର ଶୁକ୍ଳା, ଦେବବ୍ରତ ପାଣ୍ଡେ ଏବଂ ମାଇଁ ଭାରତ ଫୁଲବାଣୀର ସହକର୍ମୀ ତାପସ କୁମାର ସାହୁ, ସତ୍ୟବାନ୍ ଦଳବେହେରା ପ୍ରମୁଖ ଯୋଗ ଦେଇଥିଲେ l

ଏହି କାର୍ଯ୍ୟକ୍ରମ ପାଇଁ ଫିରିଙ୍ଗିଆ ବ୍ଲକର ୨୦ ଜଣ ଭାଇ ଓ ଭଉଣୀ ମାନେ ଯାତ୍ରା କରୁଥିଲେ l ଏସକର୍ଟ ଭାଵରେ ୧୧୬ ବିଏସଏଫ ଏ ମ.ଏମ. ଭୋଇ, ଅନିତା ବଗର୍ତ୍ତୀ ସାଥିରେ ଯାତ୍ରା କରୁଛନ୍ତି l ଏହି କାର୍ଯ୍ୟକ୍ରମଟି ବିଶାଖାପାଟଣା ଠାରେ ଅନୁଷ୍ଠିତ ହେଉଅଛି ଏବଂ ଏଥିରେ ଓଡିଶା, ଛତିଶଗ଼ଡ, ଝାଡ଼ଖଣ୍ଡ, ମହାରାଷ୍ଟ୍ର , ହରିୟାଣାର ଆଦିବାସୀ ଭାଇ ଓ ଭଉଣୀମାନେ ଅଂଶଗ୍ରହଣ କରୁଛନ୍ତି l ମୁଖ୍ୟ ଅତିଥି ଅନୁଷ୍ଠିତ କାର୍ଯ୍ୟକ୍ରମର ମୁଖ୍ୟ ଲକ୍ଷ୍ୟ ଓ ଉଦ୍ଦେଶ୍ୟ ବିଷୟରେ ଭାଇ ଓ ଭଉଣୀ ମାନଙ୍କୁ ଅବଗତ କରିଥିଲେ l

ବୈଠକରେ ମାଇଁ ଭାରତ ଫୁଲବାଣୀର ସହକର୍ମୀ ସତ୍ୟବାନ ଦଳବେହେରା ମୁଖ୍ୟ ଅତିଥି, ସମ୍ମାନିତ ଅତିଥି ଓ ଉପସ୍ଥିତ ଭାଇ ଓ ଭଉଣୀ ମାନଙ୍କୁ ସ୍ୱାଗତ କରିଥିବା ବେଳେ ମିନି କହଁର ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ l

ହିନ୍ଦୁସ୍ଥାନ ସମାଚାର / ପ୍ରଶାନ୍ତ