ଜୟପୁର, ୩୦ ଡିସେମ୍ବର (ହି.ସ.)- ଜୟପୁରସ୍ଥିତ ଏମ୍.ଏସ୍ ସ୍ଵାମୀନାଥନ୍ ଗବେଷଣା ପ୍ରତିଷ୍ଠାନ ଦ୍ୱାରା କୃଷକ ଉତ୍ପାଦକ କମ୍ପାନୀ ସଦସ୍ୟଙ୍କ ମାନଙ୍କର ଦକ୍ଷତା, ନେତୃତ୍ୱ ଏବଂ କମ୍ପାନୀ ପରିଚାଳନା ସମ୍ବନ୍ଧୀୟ ଏକ ଦୁଇ ଦିନିଆ ତାଲିମ ଶିବିର ଆୟୋଜିତ ହେଇଯାଇଅଛି। ଏହି ତାଲିମ ଶିବିରରେ କୋରାପୁଟ ଏବଂ ଗଞ୍ଜାମ ଜିଲ୍ଲାର ପାଞ୍ଚଟି ଚାଷୀ ଉତ୍ପାଦକ ସଂଗଠନ (ଏଫପିଓ)ରୁ ୨୦ ଜଣ ନିର୍ଦ୍ଦେଶକ ମଣ୍ଡଳୀ (ବିଓଡି) ଭାଗ ନେଇଥିଲେ। ଅଂଶଗ୍ରହଣକାରୀମାନେ ସେମାନଙ୍କର ଭୂମିକା ଏବଂ ଦାୟିତ୍ୱ ଏବଂ ଉତ୍ପାଦକ କମ୍ପାନୀଗୁଡ଼ିକୁ ପରିଚାଳନା କରିବା ପାଇଁ ଆବଶ୍ୟକ ବିଭିନ୍ନ ଆଇନଗତ ପ୍ରକ୍ରିୟା ବିଷୟରେ ଶିଖିବାକୁ ପାଇଥିଲେ। ଏହି ତାଲିମ ଶିବିରରେ କୃଷକ ଉତ୍ପାଦକ ସଂଗଠନ ଗୁଡ଼ିକର ସୁଶାସନ ଏବଂ ସ୍ଵଚ୍ଛ ପରିଚାଳନାର ଗୁରୁତ୍ଵ ଉପରେ ଆଲୋଚନା କରାଯାଇଥିଲା। ଏହି କାର୍ଯ୍ୟକ୍ରମକୁ କୃଶକୈଭ କୁଟୁମ୍ବକମ୍ ପ୍ରାଇଭେଟ୍ ଲିମିଟେଡ୍ ର ଅଖିଳ ଭାରତୀୟ ଏଫପିଓ ପ୍ରଶିକ୍ଷକ ଅବିନାଶ ଦାଶଙ୍କ ଦ୍ୱାରା ସହାୟତା କରାଯାଇଥିଲା। ଯିଏ ଅଂଶଗ୍ରହଣକାରୀମାନଙ୍କୁ ସଫଳ କୃଷକ ଉତ୍ପାଦକ ସଂଗଠନ ଗୁଡ଼ିକର ସଫଳ କାହାଣୀ ମାଧ୍ୟମରେ ମାର୍ଗଦର୍ଶନ କରିଥିଲେ ଏବଂ ବ୍ୟବସାୟିକ ଅଭିବୃଦ୍ଧି ପାଇଁ ବ୍ୟବହାରିକ ରଣନୀତି ଉପରେ ବୁଝାଇଥିଲେ। ଏହି ତାଲିମର ଲକ୍ଷ୍ୟ ପ୍ରଭାବଶାଳୀ ଶାସନ ଏବଂ ପରିଚାଳନା ଉପରେ ସଚେତନତା ସୃଷ୍ଟି କରିବା, କୃଷକ ଉତ୍ପାଦକ ସଂଗଠନ ନେତାମାନଙ୍କୁ ସେମାନଙ୍କର ସଂଗଠନକୁ ମଜବୁତ କରିବା ଏବଂ ଚାଷୀ ସମ୍ପ୍ରଦାୟକୁ ଭଲ ଭାବରେ ସେବା କରିବା ପାଇଁ ସକ୍ଷମ କରିବା ବୋଲି ଅନୁଷ୍ଠାନର ବୈଜ୍ଞାନିକ ଡ଼କ୍ଟର କାର୍ତିକ ଚରଣ ଲେଙ୍କା କହିଥିଲେ।
କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିବା ପାଇଁ ଅନୁଷ୍ଠାନର କର୍ମକର୍ତା ନିରଞ୍ଜନ ଗୌଡ଼, ପ୍ରତାପ ଜେନା, ବବଲୁ ବଗର୍ତି ଏବଂ ରବୀନ୍ଦ୍ର ବେହେରା ସହଯୋଗ କରିଥିଲେ।
ହିନ୍ଦୁସ୍ଥାନ ସମାଚାର / ପିକେପି
