Bhubaneswar, 18 ଫେବ୍ରୁଆରି (ହି.ସ.)
କିଟ୍ ବିଶ୍ୱବିଦ୍ୟାଳୟରେ ଅଧ୍ୟୟନରତ ଜଣେ ନେପାଳର ଛାତ୍ରୀଙ୍କ ସନ୍ଦେହଜନକ ମୃତ୍ୟୁ ଘଟଣାର ନିରପେକ୍ଷ ଉଚ୍ଚସ୍ତରୀୟ ତଦନ୍ତ କରିବା ସହ ଏଥିରେ ସଂପୃକ୍ତ ଦୋଷୀ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଏଆଇଡିଏସଓ ପକ୍ଷରୁ ଦୃଢ ଦାବି କରାଯାଇଛି । ଏହା ସହିତ ଏହି ମୃତ୍ୟୁ ଘଟଣାରେ ମର୍ମାହତ ପ୍ରତିବାଦକାରୀ ନେପାଳର ଛାତ୍ରଛାତୀମାନଙ୍କ ଉପରେ ବିଶ୍ୱବିଦ୍ୟାଳୟର କର୍ତ୍ତୃପକ୍ଷଙ୍କ ଅମାନବୀୟ ବର୍ବର ଆକ୍ରମଣ, ଧମକ ଓ ସେମାନଙ୍କୁ ଜୋରଜବରଦସ୍ତ ହଷ୍ଟେଲରୁ ବାହାର କରି ବିଶ୍ୱବିଦ୍ୟାଳୟ ବସ୍ରେ ନେଇ କଟକ ରେଳବାଇ ଷ୍ଟେସନରେ ଛାଡିବା ଘଟଣାକୁ ଏଆଇଡିଏସଓ ପକ୍ଷରୁ ତିବ୍ର ନିନ୍ଦା କରାଯାଇଛି । ଏହି ଅମାନବୀୟ ନୃଶଂସ ଘଟଣାରେ ସଂପୃକ୍ତ ବିଶ୍ୱବିଦ୍ୟାଳୟର କର୍ତ୍ତୃପକ୍ଷଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏଆଇଡିଏସଓ ଦାବି କରିବା ସହ କହିଛି ଯେ , ଏହି ଘଟଣା ହେଉଛି ଶିକ୍ଷାର ଘରୋଇକରଣ ଓ ବ୍ୟବସାୟୀକରଣର କୃର ପରିଣତି । କ୍ୟାମ୍ପସରେ ଅଧ୍ୟୟନରତ ନେପାଳ ଛାତ୍ରଛାତ୍ରୀଙ୍କ ସମେତ ସମସ୍ତ ଛାତ୍ରଛାତ୍ରୀଙ୍କ ନିରାପତ୍ତାକୁ ସୁନିଶ୍ଚିତ କରିବା, କ୍ୟାମ୍ପସ ଚାରିପଟେ ସମସ୍ତ ମଦ ଓ ମାଦକ ଦ୍ରବ୍ୟ ବିକ୍ରି କରୁଥିବା ଦୋକାନ ଗୁଡିକ ତୁରନ୍ତ ବନ୍ଦ କରିବାକୁ କାର୍ଯ୍ୟକାରୀ ପଦକ୍ଷେପ ଗ୍ରହଣ କରିବାକୁ ଏକ ପ୍ରେସ ବିବୃତ୍ତିରେ ଏଆଇଡିଏସଓ ରାଜ୍ୟ ସଭାପତି ସୋମନାଥ ବେହେରା ଓ ସମ୍ପାଦକ ସିଦ୍ଧାର୍ଥ ରଥ ଦାବି କରିଛନ୍ତି
---------------
ହିନ୍ଦୁସ୍ଥାନ ସମାଚାର / ରଶ୍ମିତା
