ମାଲକାନଗିରି, ୧୯ ଫେବ୍ରୁଆରି (ହି.ସ.)ମାଲକାନଗିରି ଜିଲ୍ଲା ବାଲିମେଳା ସ୍ଥିତ ପିଏମ୍‌ଶ୍ରୀ ନବୋଦୟ ବିଦ୍ୟାଳୟ ହେରିଟେଜ୍ କ୍ଲବର ଛାତ୍ରଛାତ୍ରୀ ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ଆରଏସି-୧ ଏବଂ ଆରଏସି-୪ ଗାଁ ପରିଦଶର୍ନ କରିଛନ୍ତି। ସେଠାରେ ଛାତ୍ରଛାତ୍ରୀ ଡିଡାଇ ସଂପ୍ରଦାୟ ସଂପର୍କରେ ତଥ୍ୟ ସଂଗ୍ରହ କରିଥିଲେ । ପିଏମ୍‌ଶ୍ରୀ କାର୍ଯ୍ୟକ୍ରମ ଅନୁଯାୟୀ ଛାତ୍ରଛାତ୍ରୀ କ୍ଷେତ୍ର ପରିଦର୍ଶନ ମାଧ୍ୟମରେ ଗାଇଡ୍ ଶିକ୍ଷକ କବିରାଜ ସେଠୀ ଓ ଶାଶ୍ଵତୀ ଜେନାଙ୍କ ତତ୍ତ୍ବାବଧାନରେ ଡିଡାଇ ସଂପ୍ରଦାୟ ସଂପର୍କରେ ଏକ ପ୍ରକଳ୍ପ ତିଆରି ପାଇଁ ତଥ୍ୟ ସଂଗ୍ରହ କରିଥିଲେ । ଏହି କାର୍ଯ୍ୟକ୍ରମରେ ଉତ୍କଳିକା ପ୍ରୟଦର୍ଶିନୀ ଜେନା, ଅଭିଷେକ ସମରଥ, ସ୍ଥିତିପ୍ରଜ୍ଞା ଦାସ ଓ ନିହାରିକା ଦେୱାନ ପ୍ରମୁଖ ଗ୍ରାମ ଗୁଡିକୁ ଯାଇ ସର୍ଭେ କରିଥିଲେ । ଏଭଳି କାର୍ଯ୍ୟକ୍ରମ ପାଇଁ ବିଦ୍ୟାଳୟ ତଥା କର୍ମକର୍ତ୍ତାଙ୍କୁ ଧନ୍ୟବାଦ ଦେବା ସହ ଗ୍ରାମବାସୀ ପ୍ରଶଂସା କରିଛନ୍ତି ।

---------------

ହିନ୍ଦୁସ୍ଥାନ ସମାଚାର / ଶିବବ୍ରତ