ଭୁବନେଶ୍ୱର, 19 ଫେବ୍ରୁଆରି (ହି.ସ.)- ଆଇଏଏସ ବିଷ୍ଣୁପଦ ସେଠୀଙ୍କ ଘରେ ସିବିଆଇ ରେଡ ପ୍ରସଙ୍ଗରେ ବିଜେପି

ପ୍ରତିକ୍ରିୟା ରଖିଛି । ବିଜେପି ବିଧାୟକ ଅଶୋକ ମହାନ୍ତି କହିଛନ୍ତି ଯେ, ବିଗତ ସରକାର ବେଳେ

ବ୍ରିଜ ଆଣ୍ଡ ରୁଫର ମୁଖ୍ୟ ଚଞ୍ଚଳ ରଣାଙ୍କର ବହୁତ ପ୍ରତିଷ୍ଠିତ ଲୋକଙ୍କ ସହ ସମ୍ପର୍କ ଥିଲା । ଏ

କଥା ବିଷ୍ଣୁପଦ ସେଠୀ ଖୋଲାଖୋଲି କହିଛନ୍ତି । ତେଣୁ ଚଞ୍ଚଳ ରଣାଙ୍କର କାହା କାହା ସହ ସମ୍ପର୍କ

ଥିଲା, ତାହା

ପର୍ଦ୍ଦାଫାଶ ହେବାର ଆବଶ୍ୟକତା ଅଛି । 10 ଲକ୍ଷ ଟଙ୍କା ଲାଞ୍ଚ ମାମଲା ନେଇ ସିବିଆଇ ଖୋଲତାଡ଼ କରୁଛି । ସିବିଆଇ

ସ୍କାନରରେ ବିଷ୍ଣୁପଦ ସେଠୀ ଅଛନ୍ତି । ତେଣୁ

ତଦନ୍ତ ହେଲା ପରେ କିଏ କିଏ ସଂପୃକ୍ତ ଅଛନ୍ତି, ଜଣାପଡ଼ିବ । ଜଣେ କର୍ପୋରେଟ ଲୋକଙ୍କର କାହିଁକି ଲୋକସେବା ଭବନ ତୃତୀୟ

ମହଲାକୁ ଅବାଧ ପ୍ରବେଶ ଥିଲା ? କିଏ ଅନୁମତି ଦେଉଥିଲେ ? ଏ ସବୁ ତଦନ୍ତ ସାପେକ୍ଷ ବୋଲି ସେ

କହିଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା