ପାଟଣା, 25 ଫେବ୍ରୁଆରି (ହି.ସ.)- ରାଷ୍ଟ୍ରପତି

ଦ୍ରୌପଦୀ ମୁର୍ମୁ କହିଛନ୍ତି ଯେ, ପାଟଣା ମେଡିକାଲ କଲେଜ ବିହାରର ଅମୂଲ୍ୟ ଐତିହ୍ୟ ମଧ୍ୟରୁ

ଅନ୍ୟତମ ଅଟେ । ଏହି ସଂସ୍ଥାନର ପୁରାତନତାକୁ ସଂରକ୍ଷିତ କରିବା ଓ ଆଧୁନିକତା ଅଭିମୁଖେ ନିରନ୍ତର

ଅଗ୍ରସର ହେବାର ଗୌରବଶାଳୀ ଇତିହାସ ରହିଛି । ପାଟଣା ମେଡିକାଲ କଲେଜ ଏବଂ ହସ୍ପିଟାଲ ଏସିଆର

ସର୍ବଶ୍ରେଷ୍ଠ ହସ୍ପିଟାଲ ମଧ୍ୟରୁ ଗୋଟିଏ ଅଟେ । ଏହି ସଂସ୍ଥାନର ପୂର୍ବ ଛାତ୍ର ନିଜ ପ୍ରତିଭା,

ସେବା ଓ ସମର୍ପଣ ବଳରେ ଦେଶ ବିଦେଶରେ ନିଜର ଓ ପିଏମସିଏଚର ନାମ କମାଇଛନ୍ତି । ସେ ମଙ୍ଗଳବାର

ପାଟଣା ମେଡିକାଲ କଲେଜ ଏବଂ ହସ୍ପିଟାଲର ଶତାବ୍ଦୀ ସମାରୋହର ମୁଖ୍ୟ ଅତିଥି ଭାବେ ସଂବୋଧିତ

କରିଛନ୍ତି ।

ରାଷ୍ଟ୍ରପତି କହିଛନ୍ତି

ଯେ, ସ୍ୱାସ୍ଥ୍ୟସେବା ପାଇଁ ଅନ୍ୟ ସହର କିମ୍ବ ରାଜ୍ୟ ଯିବାରେ ଅନେକ ପ୍ରକାର କ୍ଷତି ହୋଇଥାଏ ।

ଯେପରିକି ଚିକିତ୍ସାରେ ବିଳମ୍ବ, ଭୋଜନ, ଆବାସ ଓ ରୋଜଗାର ସମସ୍ୟା । ଏହାଦ୍ୱାରା ବଡ ସହରର

ଚିକିତ୍ସା ସଂସ୍ଥା ଉପରେ ବି ବୋଝ ପଡିଥାଏ । ସାରା ଦେଶରେ ଭଲ ଚିକିତ୍ସା ସଂସ୍ଥାର

ବିକେନ୍ଦ୍ରୀକରଣ ଏହି ସମସ୍ତ ସମସ୍ୟାର ସମାଧାନ କରିବାରେ ସହଯୋଗ କରିବ । ଚେନ୍ନାଇ,

ହାଇଦ୍ରାବା, ମୁମ୍ବାଇ ଓ ଇନ୍ଦୋର ପରି ସହର ବିଶିଷ୍ଟ ଉପଚାର କେନ୍ଦ୍ର ଭାବେ ବିକଶିତ ହୋଇଛି ।

ବିହାରକୁ ବି ଏଭଳି ଅନେକ କେନ୍ଦ୍ର ବିକଶିତକ କରିବା ଆବଶ୍ୟଖ । ଏହାଦ୍ୱାରା କେବଳ ବିହାରର

ଲୋକଙ୍କୁ ଭଲ ଚିକିତ୍ସା ମିଳିବନି ବରଂ ରାଜ୍ୟର ଅର୍ଥବ୍ୟବସ୍ଥାକୁ ବି ପ୍ରୋତ୍ସାହନ ମିଳିବ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା