ଭୁବନେଶ୍ୱର, 26 ଫେବ୍ରୁଆରି (ହି.ସ.)ରାଷ୍ଟ୍ରୀୟ ସ୍ୱୟଂସେବକ ସଂଘ,ଉତ୍କଳର ପୂର୍ବତନ ପ୍ରାନ୍ତ ସଂଘଚାଳକ ଶ୍ରୀଯୁକ୍ତ ବିପିନ ବିହାରୀ ନନ୍ଦଙ୍କର ଧର୍ମପନ୍ଥୀ ଶ୍ରୀମତୀ ପୁଂକୁମ ମିଶ୍ରଙ୍କର ଫେବୃୟାରୀ ୨୫ ତାରିଖ ରାତି ୯.୩୫ରେ ହୃଦ୍ଘାତରେ ଦେହାନ୍ତ ହୋଇ ଯାଇଛି । ଶ୍ରୀମତୀ ମିଶ୍ର ଜଣେ ଅତ୍ୟନ୍ତ ଧର୍ମପ୍ରାଣ ଏବଂ ରାଷ୍ଟ୍ରଭକ୍ତ ମହିଳା ଥିଲେ । ସେ ପୂର୍ବରୁ ମଧ୍ୟ ଦୁଇ ଥର ହୃଦ୍ଘାତରେ ପୀଡିତ ହୋଇଥିଲେ । ତାଙ୍କର ସ୍ଵାମୀ ଶ୍ରୀଯୁକ୍ତ ନନ୍ଦ ବହୁ ବର୍ଷଧରି ରାଷ୍ଟ୍ରୀୟ ସ୍ୱୟଂସେବକ ସଂଘ,ଉତ୍କଳ ପ୍ରାନ୍ତ ଏବଂ ଓଡିଶା ପଶ୍ଚିମ ପ୍ରାନ୍ତର ସଂଘଚାଳକ ଦାୟିତ୍ବରେ ଥିଲେ । ସେ ବର୍ତ୍ତମାନ ଓଡିଶା ପଶ୍ଚିମ ପ୍ରାନ୍ତର କାର୍ଯ୍ୟକାରୀ ସମିତିର ସଦସ୍ୟ ଭାବେ ସଂଘ କାର୍ଯ୍ୟ କରୁଛନ୍ତି । ସ୍ଵର୍ଗତ ଶ୍ରୀମତୀ ମିଶ୍ରଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି । ତାଙ୍କର ବିୟୋଗରେ ରାଷ୍ଟ୍ରୀୟ ସ୍ୱୟଂସେବକ ସଂଘରେ ଦୁଃଖର ଛାୟା ଖେଳି ଯାଇଛି । ସଂଘର ଓଡିଶା ପୂର୍ବପ୍ରାନ୍ତର ସଂଘଚାଳକ ଶ୍ରୀଯୁକ୍ତ ସମୀର କୁମାର ମହାନ୍ତି ଶ୍ରୀମତୀ ମିଶ୍ରଙ୍କ ବିୟୋଗରେ ଗଭୀର ଦୁଃଖ ପ୍ରକାଶ କରିବା ସହିତ ତାଙ୍କର ଶୋକ ସନ୍ତପ୍ତ ପରିବାର ପ୍ରତି ସମବେଦନା ଜ୍ଞାପନ କରିଛନ୍ତି ।
---------------
ହିନ୍ଦୁସ୍ଥାନ ସମାଚାର / ସମନ୍ୱୟ
