ଭୁବନେଶ୍ୱର, 31 ମେ (ହି.ସ.) ଦୁଗ୍ଧ ଚାଷ କୁ ଦ୍ୱିଗୁଣିତ କରିବେ ରାଜ୍ୟ ସରକାର। ଏଥିପାଇଁ ଆସନ୍ତା କାଲି ଦୁଗ୍ଧ ଦିବସ ଅବସରରେ ୭୫ ଟି ଗୋଶାଳାକୁ ମୁଖ୍ୟମନ୍ତ୍ରୀ ୧୦ କୋଟି ୫୦ ଲକ୍ଷ ଟଙ୍କାର ସହାୟତା ପ୍ରଦାନ କରିବେ । ମତ୍ସ୍ୟ ଓ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଏହି ସୂଚନା ଦେଇଛନ୍ତି ।

ସେ କହିଛନ୍ତି ଯେ, ପୂର୍ବରୁ ୬୬ ଟି ଗୋଶାଳା କୁ ୯ କୋଟି ୮୦ ଲକ୍ଷ ଟଙ୍କା ପ୍ରଦାନ କରାଯାଇଥିଲା । ସେହିପରି କାମଧେନୁ ଯୋଜନାରେ ଦୁଇଟି ଗାଈ ୭୦ ପ୍ରତିଶତ ସବସିଡ଼ି ରେ ଯୋଗାଇ ଦେଉଛୁ । ଓମ୍ଫେଡ଼ କୁ ଅଧିକ କ୍ରିୟାଶୀଳ କରାଯାଉଛି । ତା ସହ ଚାଷୀ ଙ୍କୁ ଗୋ ଖାଦ୍ୟ ଓ ଘାଷ ଚାଷ ପାଇଁ ବି ପ୍ରୋତ୍ସାହନ ଯୋଗାଇ ଦେଇଛୁ । ରାଜ୍ୟରେ କିପରି ଦୁଗ୍ଧ ଚାଷ ଅଧିକ ହେବ ସେ ନେଇ ରାଜ୍ୟ ସରକାର ସବୁ ବ୍ୟବସ୍ଥା କରୁଛନ୍ତି ବୋଲି ସେ କହିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ