ସୁବର୍ଣ୍ଣପୁର, 25 ଜୁନ୍ (ହି.ସ.)
ତରଭା ବ୍ଲକର ପାଣିମୁରା ଗ୍ରାମ ସ୍ଥିତ ମାସ୍ ବାୟୋଫୁଏଲ କମ୍ପାନୀର କାର୍ଯ୍ୟକଳାପରେ ଅସନ୍ତୋଷ ପ୍ରକାଶ କରି କମ୍ପାନୀ ସମ୍ମୁଖରେ ପାଣିମୁ୍ରାର ଶତାଧିକ ଗ୍ରାମବାସୀ ଧାରଣାରେ ବସିବା ସହ ରାସ୍ତା କଟି ପ୍ରତିବାଦ କରିଥିଲେ l ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପାଣିମୁରା ଠରେ ଥିବା ମାସ ବାୟୋ ଫୁଏଲ କମ୍ପାନୀରୁ ନିର୍ଗତ ହେଉଥିବା ଦୂଷିତ ପାଣି, ଧୂଆଁ ଏବଂ ଶବ୍ଦ ପ୍ରଦୁଷଣ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡୁଛି l ନିର୍ଗତ ହେଉଥିବା ଦୂଷିତ ପାଣି ସ୍ଥାନୀୟ ନାଳ ଏବଂ ନଦୀରେ ମିଶୁଛି I ଏହାର ପ୍ରଭାବରେ ଅଞ୍ଚଳବାସୀଙ୍କ ଚର୍ମରୋଗ ବ୍ୟପୁଥିବାର ଅଭିଯୋଗ ହେଉଛି । କମ୍ପାନୀ ଆରମ୍ଭ ପୂର୍ଵରୁ ସ୍ଥାନୀୟ ଯୁବକ ଓ ଲୋକଙ୍କୁ ନିଯୁକ୍ତି ପାଇଁ ପ୍ରାଥମିକତା ଦିଆଯିବ ବୋଲି ଅଞ୍ଚଳବାସୀଙ୍କୁ ପ୍ରତିଶୃତି ଦିଆଯାଇ ଥିଲା I କିନ୍ତୁ ପାଣିମୁ୍ରା ଠାରେ କମ୍ପାନୀ ଆରମ୍ଭ ହେଲା ପରେ ମଧ୍ୟ୍ୟ ସ୍ଥାନୀୟ ଲୋକଙ୍କୁ ନିଯୁକ୍ତି କ୍ଷେତ୍ରରେ ପ୍ରାଥମିକତା ଦିଆଯାଇନାହିଁ I କମ୍ପାନୀର କାର୍ଯ୍ୟଉପକାରିତା ଫଳ ଶୂନ ରହିଥିଲା I କମ୍ପାନୀ ଦ୍ୱାରା ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ଓ ଅସନ୍ତୋଷ ଧୂଆଁ ସୋମବାର ଅପରାହ୍ନ ରେ ଗ୍ରାମବାସୀଙ୍କ ପକ୍ଷରୁ ଆନ୍ଦୋଳନର ରୂପ ନେଇ ଥିଲା I ଏହାର ପ୍ରତିବାଦରେ ସୋମବାର ଶତାଧିକ ଲୋକ ଆସି ପ୍ରତିବାଦ କରିଥିଲେ l କମ୍ପାନୀକୁ ଯାଇଥିବା ମୁଖ୍ୟ ରାସ୍ତାକୁ ଖୋଲି ରାସ୍ତା ଅବରୋଧ କରିଥିଲେ l ରାସ୍ତା ଅବରୋଧ ଓ ଖୋଲି ଦିଆଯାଇଥିବା ଖବର ପାଇ ସୋନପୁର ଏସଡିପିଓ ପ୍ରତାପ ତ୍ରିପାଠୀ, ତରଭା ଆଇ ଆଇ ସି. ଅନିତା କିଡୋ, ତହସିଲଦାର ଶ୍ଵେତାଲିନା ମହାଣା, ଅତିରିକ୍ତ ତହସିଲଦାର ଦୀପ୍ତିମୟୀ ଭୁଏଙ୍କ ସମେତ ଏକ ପୋଲିସ ଟିମ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାଇବାକୁ ଚେଷ୍ଟା କରିଥିଲେ I କିନ୍ତୁ କମ୍ପାନୀର ବୈମାତୃକ ମନୋଭାବ, ଗ୍ରାମବାସୀଙ୍କୁ ହଇରାଣ କରିବା ନେଇ କମ୍ପାନୀରୁ ବାହାରୁ ଥିବା ଦୁର୍ଗନ୍ଧ, ମଇଳା ପାଣି, ଧୂଆଁ ଛାଡିବା, ଓ ବିକଟାଲ ଶବ୍ଦ ନେଇ ଅତିଷ୍ଠ ହୋଇପଡିଥିବା ଗ୍ରାମବାସୀ ତାଙ୍କ ଜିଦରେ ଅଟଳ ରହିଥିଲେ I ପୋଲିସ ପ୍ରଶାସନ ଓ ରାଜସ୍ୱ ବିଭାଗ ତଥା ଗ୍ରାମବାସୀଙ୍କ କଥାର କୌଣସି ଗରୁତ୍ୱ ନ ଦେଇ କମ୍ପାନୀ ପରିଚାଳକ ଘଟଣାସ୍ଥଳରୁ ପଳାଇଥିଲେ I ପରେ ପୋଲିସ ପ୍ରଶାସନ ପକ୍ଷରୁ ଏସ ପି. ଙ୍କ ହସ୍ତକ୍ଷେପ ପରେ ଘଟଣା ସ୍ଥଳରେ ଆଲୋଚନା ନ ହୋଇ ରାତ୍ରି ୭ ଟା ସମୟରେ ସୁବର୍ଣ୍ଣପୁର ଏସ ପି ନାରାୟଣ ନାୟକଙ୍କ ଅଧ୍ୟକ୍ଷତାରେ ତରଭା ଥାନା ପରିସରରେ ଆଲୋଚନା ହୋଇ ଥିଲା I ଏସ ଡିପିଓ, ରାଜସ୍ବ ବିଭାଗରୁ ତହସିଲଦାର, ଅତିରିକ୍ତ ତହସିଲଦାର , ତରଭା ଆଇ ଆଇ ସି, ପାଣିମୁରା ଗ୍ରାମବାସୀ, କମ୍ପାନୀର ପରିଚାଳକ କର୍ମଚାରୀ ଏବଂ ସ୍ଥାନୀୟ ଗଣମାଧ୍ୟମ ଙ୍କ ଉପସ୍ଥିତିରେ ସମସ୍ୟା ସମାଧାନ ପାଇଁ ଆଲୋଚନା ହୋଇ ଥିଲା I ଦୀର୍ଘ ସମୟ ଧରି ଆଲୋଚନା ହେବା ସହ ରାତ୍ରି 9-30ପ୍ରୟନ୍ତ ଆଲୋଚନା ପରେ ପ୍ରଶାସନକୁ ବିଶ୍ୱାସ ଓ କଥା ରକ୍ଷା କରି ଗ୍ରାମବାସୀ ତାଙ୍କ ଜିଦ ରୁ ନାରମି ଥିଲେ I କମ୍ପାନୀ ପକ୍ଷରୁ ଆସନ୍ତା ୫ ଦିନ ମଧ୍ୟରେ ଦୁର୍ଗନ୍ଧଯୁକ୍ତ ପାଣି ନିଷ୍କାସନର ସୁବିଧା, ଓ ପାଣି ଯିବା ସୁବିଧା କରାଯିବାରସହ ଅଭିଯୋଗ କରିଥିବା ଚାଷୀ କ୍ଷତିଗ୍ରସ୍ତ ଆର୍ଥିକ ଟଙ୍କା ଦେବାର ସହ ଅନ୍ୟନ୍ୟ ପ୍ରତିଶୃତି ଦେବା ପରର ପାଣିମୁ୍ରା ଗ୍ରାମବାସୀ ରାଜି ହୋଇ ଆନ୍ଦୋଳନରୁ ଓହରି ଥିଲେ I ତରଭା ଥାନା ପରିସରର ବୈଠକରେ ଅକ୍ଷୟ କୁଅଁର, ସଂଜୀବ ପ୍ରଧାନ, ଧ୍ରୁବଚରଣ ନାଏକ, ବିଜୟ ମଲ୍ଲିକ, ବିଶ୍ଵାମିତ୍ର ମଲ୍ଲିକ, ରାଜେଶ ସାହୁ, ଅରକ୍ଷିତ ତରିଆ, ଦୋଳମଣୀ କୁଅଁରଙ୍କ ସମେତ ବହୁ ପାଣିମୁରା ଗ୍ରାମବାସୀ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ