ଭୁବନେଶ୍ୱର,୦୩ ଜୁନ (ହି.ସ.) - ଗ୍ରୀଷ୍ମ ଋତୁ ଛୁଟି ସମୟରେ ଟ୍ରେନ ଯାତ୍ରୀଙ୍କ ଚାହିଦା ବୃଦ୍ଧିକୁ ଦୃଷ୍ଟିରେ ରଖି ପୂର୍ବତଟ ରେଳପଥ ଜୁନ୍ ମାସରେ ୩୨ଟି ଟ୍ରେନ୍ (୧୬ ଯୋଡ଼ା) ଟ୍ରେନରେ ଅସ୍ଥାୟୀ ଭାବରେ ଅତିରିକ୍ତ କୋଚ୍ ସଂଯୋଗ କରିଛି। ଏହି ପଦକ୍ଷେପର ଲକ୍ଷ୍ୟ ହେଉଛି ପୂର୍ବତଟ ରେଳପଥ ପରିସୀମା ମଧ୍ୟରୁ ପ୍ରମୁଖ ମାର୍ଗ ଦେଇ ଦେଶର ବିଭିନ୍ନ ପ୍ରାନ୍ତକୁ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଉତମ ସୁବିଧା ଏବଂ ଆରାମଦାୟକ ଯାତ୍ରା ଅଭିଜ୍ଞତା ସୁନିଶ୍ଚିତ କରିବା ।
ଅସ୍ଥାୟୀ ଭାବେ କୋଚ୍ ସଂଯୋଗ ହେଉଥିବା ପ୍ରମୁଖ ଟ୍ରେନ୍ ଗୁଡିକ ମଧ୍ୟରେ ରହିଛି ୧୨୦୭୪/୧୨୦୭୩ ଭୁବନେଶ୍ୱର-ହାଓଡ଼ା-ଭୁବନେଶ୍ୱର ଜନ ଶତାବ୍ଦୀ ଏକ୍ସପ୍ରେସ ।୧ ଜୁନ୍ ରୁ ୩୦ ଜୁନ୍ ପର୍ଯ୍ୟନ୍ତ ଉଭୟ ପାର୍ଶ୍ୱରୁ ଗୋଟିଏ ଚେୟାର କାର କୋଚ୍ ସଂଯୋଗ କରାଯାଉଛି । ୨୨୮୨୩/୨୨୮୨୪ ଓ ୨୨୮୧୧/୨୨୮୧୨ ଭୁବନେଶ୍ୱର-ନୂଆଦିଲ୍ଲୀ-ଭୁବନେଶ୍ୱର ରାଜଧାନୀ ଏକ୍ସପ୍ରେସର ପ୍ରତ୍ୟେକ ସେବାରେ ଗୋଟିଏ ଏସି ୨-ଟାୟାର କୋଚ୍ ସଂଯୋଗ କରାଯାଉଛି । ଭୁବନେଶ୍ୱରରୁ: ଜୁନ୍ ୧/୨ ରୁ ଜୁନ୍ ୨୯/୩୦ ପର୍ଯ୍ୟନ୍ତ ଏବଂ ନୂଆଦିଲ୍ଲୀରୁ: ୨/୩ ଜୁନ୍ ରୁ ୩୦ ଜୁନ୍/୧ ଜୁଲାଇ ପର୍ଯ୍ୟନ୍ତ। ୨୦୮୧୭/୨୦୮୧୮ ଭୁବନେଶ୍ୱର-ନୂଆଦିଲ୍ଲୀ-ଭୁବନେଶ୍ୱର ରାଜଧାନୀ ଏକ୍ସପ୍ରେସ ଭାୟା ସମ୍ବଲପୁର ସିଟି ରେ ଭୁବନେଶ୍ୱରରୁ ଗୋଟିଏ ଏସି ୨-ଟାୟାର କୋଚ୍: ୭ ରୁ ୨୮ ଜୁନ୍ ପର୍ଯ୍ୟନ୍ତ ଏବଂ ନୂଆଦିଲ୍ଲୀରୁ: ୮ ରୁ ୨୯ ଜୁନ୍ ୨୦୨୫ ପର୍ଯ୍ୟନ୍ତ। ୨୦୮୩୭/୨୦୮୩୮ ଭୁବନେଶ୍ୱର-ଜୁନାଗଡ଼ ରୋଡ୍-ଭୁବନେଶ୍ୱର ଏକ୍ସପ୍ରେସ୍ ର ଉଭୟ ପାର୍ଶ୍ୱରୁ ଗୋଟିଏ ସ୍ଲିପର କ୍ଲାସ କୋଚ୍: ୧ ରୁ ୩୦ ଜୁନ୍ ଭୁବନେଶ୍ୱରରୁ ଏବଂ ୨ ଜୁନ୍ ରୁ ୧ ଜୁଲାଇ ମଧ୍ୟରେ ଜୁନାଗଡ଼ ରୋଡ୍ ରୁ ।୧୨୮୮୨/୧୨୮୮୧ ପୁରୀ-ଶାଲିମାର-ପୁରୀ ଗରିବ ରଥ ଏକ୍ସପ୍ରେସ ର ଗୋଟିଏ ଏସି ୩-ଟାୟାର ଇକୋନୋମି କୋଚ୍: ୨ ଜୁନ୍ ରୁ ୩୦ ଜୁନ୍ ପର୍ଯ୍ୟନ୍ତ ପୁରୀରୁ ଏବଂ ୩ ଜୁନ୍ ରୁ ୧ ଜୁଲାଇ ମଧ୍ୟରେ ଶାଲିମାରରୁ । ୨୨୮୮୩/୨୨୮୮୪ ପୁରୀ-ଯଶୋବନ୍ତପୁର-ପୁରୀ ଗରିବ ରଥ ଏକ୍ସପ୍ରେସର ଗୋଟିଏ ଏସି ୩-ଟାୟାର ଇକୋନୋମି କୋଚ୍: ୬ ରୁ ୨୭ ଜୁନ୍ ମଧ୍ୟରେ ପୁରୀରୁ ଏବଂ ୭ ରୁ ୨୮ ଜୁନ୍ ମଧ୍ୟରେ ଯଶବନ୍ତପୁରରୁ । ୧୨୮୯୨/୧୨୮୯୧ ପୁରୀ-ବାଙ୍ଗିରିପୋସି-ପୁରୀ ଏକ୍ସପ୍ରେସ ର ଗୋଟିଏ ଚେୟାର କାର କୋଚ୍: ୧ ରୁ ୩୦ ଜୁନ୍ ମଧ୍ୟରେ ପୁରୀରୁ ଓ ୨ ଜୁନ୍ ରୁ ୧ ଜୁଲାଇ ମଧ୍ୟରେ ବାଙ୍ଗିରିପୋଷିରୁ । ୦୮୪୩୯/୦୮୪୪୦ ପୁରୀ-ପାଟନା-ପୁରୀ ସ୍ୱତନ୍ତ୍ର ର ଦୁଇଟି ଏସି ୩-ଟାୟାର କୋଚ୍ ଏବଂ ଗୋଟିଏ ସ୍ଲିପର୍ କ୍ଲାସ କୋଚ୍: ୭ ରୁ ୨୮ ଜୁନ୍ ମଧ୍ୟରେ ପୁରୀରୁ ଏବଂ ୮ ରୁ ୨୯ ଜୁନ୍ ମଧ୍ୟରେ ପାଟନାରୁ।୨୦୮୦୯/୨୦୮୧୦ ସମ୍ବଲପୁର-ନାନ୍ଦେଡ଼-ସମ୍ବଲପୁର ଏକ୍ସପ୍ରେସର ଗୋଟିଏ ଏସି ୩-ଟାୟାର ଏବଂ ଗୋଟିଏ ସ୍ଲିପର କ୍ଲାସ କୋଚ୍: ୨ ରୁ ୩୦ ଜୁନ୍ ମଧ୍ୟରେ ସମ୍ବଲପୁରରୁ ଏବଂ ୩ ରୁ ୧ ଜୁଲାଇ ମଧ୍ୟରେ ନାନ୍ଦେଡ଼ରୁ । ୦୮୩୧୧/୦୮୩୧୨ ସମ୍ବଲପୁର-ଇରୋଡ୍-ସମ୍ବଲପୁର ସ୍ୱତନ୍ତ୍ର ଏକ୍ସପ୍ରେସ୍ ର ଗୋଟିଏ ଏସି ୩-ଟାୟାର ଏବଂ ଗୋଟିଏ ସ୍ଲିପର କ୍ଲାସ କୋଚ୍: ୪ ରୁ ୨୫ ଜୁନ୍ ମଧ୍ୟରେ ସମ୍ବଲପୁରରୁ ଓ ୬ ରୁ ୨୭ ଜୁନ୍ ମଧ୍ୟରେ ଇରୋଡ୍ । ୫୮୫୦୬/୫୮୫୦୫ ବିଶାଖାପାଟନମ୍-ଗୁଣୁପୁର-ବିଶାଖାପାଟନମ୍ ପାସେଞ୍ଜରର ଗୋଟିଏ ସ୍ଲିପର କ୍ଲାସ କୋଚ୍: ଜୁନ୍ ୧ ରୁ ୩୦ ପର୍ଯ୍ୟନ୍ତ ଉଭୟ ପାର୍ଶ୍ୱରୁ । ୫୮୫୦୧/୫୮୫୦୨ ବିଶାଖାପାଟନମ୍ - କିରାଣ୍ଡୁଲ - ବିଶାଖାପାଟନମ୍ ପାସେଞ୍ଜରର ଗୋଟିଏ ସ୍ଲିପର କ୍ଲାସ କୋଚ୍: ୧ ରୁ ୩୦ ଜୁନ୍ ମଧ୍ୟରେ ବିଶାଖାପାଟଣାରୁ ଏବଂ ୨ ଜୁନ୍ ରୁ ୧ ଜୁଲାଇ ମଧ୍ୟରେ କିରାଣ୍ଡୁଲରୁ ।୦୮୫୮୧/୦୮୫୮୨ ବିଶାଖାପାଟନମ୍ - ବେଙ୍ଗାଲୁରୁ - ବିଶାଖାପାଟନମ୍ ସ୍ପେଶାଲ୍ ର ଗୋଟିଏ ଏସି ୩-ଟାୟାର କୋଚ୍: ୧ ରୁ ୨୯ ଜୁନ୍ ମଧ୍ୟରେ ବିଶାଖାପାଟଣାରୁ ଓ ୨ ରୁ ୨୯ ଜୁନ୍ ମଧ୍ୟରେ ବେଙ୍ଗାଲୁରୁରୁ ।୦୮୫୪୭/୦୮୫୪୮ ବିଶାଖାପାଟନମ୍ - ତିରୁପତି - ବିଶାଖାପାଟନମ୍ ସ୍ପେଶାଲ୍ ର ଗୋଟିଏ ଏସି ୩-ଟାୟାର କୋଚ୍: ୪ ରୁ ୨୫ ଜୁନ୍ ମଧ୍ୟରେ ବିଶାଖାପାଟଣାରୁ ଏବଂ ୫ ରୁ ୨୬ ଜୁନ୍ ମଧ୍ୟରେ ତିରୁପତିରୁ । ୦୮୫୭୯/୦୮୫୮୦ ବିଶାଖାପାଟଣା–ଚେରଲାପାଲି-ବିଶାଖାପାଟଣା ସ୍ପେଶାଲ୍ ର ଗୋଟିଏ ଏସି ୩-ଟାୟାର କୋଚ୍: ୬ ରୁ ୨୭ ଜୁନ୍ ମଧ୍ୟରେ ବିଶାଖାପାଟଣାରୁ ଏବଂ ୭ ରୁ ୨୮ ଜୁନ୍ ମଧ୍ୟରେ ଚେରଲାପାଲିରୁ ।
ଏହି ଅସ୍ଥାୟୀ ଅତିରିକ୍ତ କୋଚ ସଂଯୋଗ ଗ୍ରୀଷ୍ମ ଛୁଟି ସମୟରେ ବର୍ଦ୍ଧିତ ଯାତ୍ରୀ ଚାହିଦାକୁ ପୂରଣ କରିବା ପାଇଁ କେବଳ ଜୁନ୍ ମାସ ପାଇଁ କାର୍ଯ୍ୟକାରୀ କରାଯାଉଛି । ଏହି ପଦକ୍ଷେପ ଦ୍ୱାରା ନୂଆଦିଲ୍ଲୀ, ହାଓଡ଼ା, ଯଶବନ୍ତପୁର, ପାଟନା, ତିରୁପତି, ବେଙ୍ଗାଲୁରୁ, ଜୁନାଗଡ଼ ରୋଡ଼ ଏବଂ କିରାଣ୍ଡୁଲ ଭଳି ପ୍ରମୁଖ ଗନ୍ତବ୍ୟସ୍ଥଳଗୁଡ଼ିକୁ ସଂଯୋଗ କରି ବିଭିନ୍ନ ବର୍ଗରେ ଅତିରିକ୍ତ ବର୍ଥ ଯୋଗାଇ ଦିଆଯାଉଛି । ଯାତ୍ରୀମାନେ ଅତିରିକ୍ତ କୋଚ ସଂଯୋଗ ସମ୍ବନ୍ଧରେ ଏବଂ ସଂରକ୍ଷଣ ଉପଲବ୍ଧତା ପାଇଁ ରେଳବାଇ ୱେବସାଇଟ୍ କିମ୍ବା ନିକଟସ୍ଥ ରେଳବାଇ ଅନୁସନ୍ଧାନ କେନ୍ଦ୍ର ମାନଙ୍କରେ ସୂଚନା ପାଇବାକୁ ପରାମର୍ଶ ଦିଆଯାଇଛି ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
