ଥିରୁବନନ୍ତପୁରମ, ଜୁଲାଇ ୧୬ (ହି.ସ.)- କେରଳରେ ନିପାହରେ ଦ୍ୱିତୀୟ ମୃତ୍ୟୁ ପରେ, ରାଜ୍ୟ ସରକାର ଛଅଟି ଜିଲ୍ଲା ପାଇଁ ସତର୍କତା ଜାରି କରିଛନ୍ତି। ଡାକ୍ତରଖାନାଗୁଡ଼ିକୁ ଅତିରିକ୍ତ ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଛି, ଯେତେବେଳେ ସାଧାରଣ ଲୋକଙ୍କୁ ଆବଶ୍ୟକ ହେଲେ କେବଳ ହସ୍ପିଟାଲ ଯିବାକୁ ଅପିଲ କରାଯାଇଛି। ମାଲାପ୍ପୁରମରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି।
ବୁଧବାର ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ବୀଣା ଜର୍ଜଙ୍କ ଦ୍ୱାରା ଦିଆଯାଇଥିବା ସଦ୍ୟତମ ସୂଚନା ଅନୁଯାୟୀ, ସାରା ରାଜ୍ୟରେ ନିପାହ ଭାଇରସରେ ସଂକ୍ରମିତ ଲୋକଙ୍କ ସଂଖ୍ୟା ୬୭୫ ରେ ପହଂଚିଛି। ଏଥିମଧ୍ୟରୁ ପାଲକ୍କଡ ଜିଲ୍ଲାରେ ୧୭୮ ଜଣ ଲୋକ ଚିହ୍ନଟ ହୋଇଛନ୍ତି। ଏବେ ମାଲାପ୍ପୁରମ ଜିଲ୍ଲାରେ ୨୧୦ ଜଣ, ପାଲକ୍କଡରେ ୩୪୭ ଜଣ, କୋଝିକୋଡରେ ୧୧୫ ଜଣ, ଏର୍ନାକୁଲମରେ ଦୁଇଜଣ ଏବଂ ତ୍ରିସୁରରେ ଜଣେ ଏହି ଭାଇରସ ଦ୍ୱାରା ଆକ୍ରାନ୍ତ ହୋଇଛନ୍ତି।
ପଲକ୍କଡରେ ଚଙ୍ଗାଲେରୀରେ ଜଣେ ମୃତକଙ୍କ ପୁଅ ମଧ୍ୟ ନିପାହ ପଜିଟିଭ୍ ବୋଲି ଜଣାପଡିଛି। ମଞ୍ଜେରୀ ମେଡିକାଲ କଲେଜ ଦ୍ୱାରା କରାଯାଇଥିବା ପରୀକ୍ଷାରୁ ଜଣାପଡିଛି ଯେ ହସ୍ପିଟାଲରେ ତାଙ୍କ ସହିତ ଥିବା ବ୍ୟକ୍ତିଙ୍କ ୩୨ ବର୍ଷୀୟ ପୁଅ ନିପା ଭାଇରସରେ ପୀଡିତ। ପଲକ୍କଡର ଜଣେ ଯୁବତୀ ମଧ୍ୟ ନିପା ଭାଇରସରେ ସଂକ୍ରମିତ ହୋଇଥିବା ନିଶ୍ଚିତ ହୋଇଛି। ମହିଳାଙ୍କୁ କୋଝିକୋଡ ମେଡିକାଲ କଲେଜର ଇଂଟେନସିଭ୍ କେୟାର ୟୁନିଟରେ ଚିକିତ୍ସା କରାଯାଉଛି।
---------------
---------------
ହିନ୍ଦୁସ୍ଥାନ ସମାଚାର / ଗଗନ