ନୂଆଦିଲ୍ଲୀ, ୧୭ ଜୁଲାଇ (ହି.ସ.)- ଭାରତୀୟ ଜନତା ପାର୍ଟି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କୁ ଜେଲ ପଠାଇବା ଉପରେ ରାହୁଲ ଗାନ୍ଧୀଙ୍କ ମନ୍ତବ୍ୟକୁ ଆପତିଜନକ କହିଛି। ବିଜେପି କହିଛି ଯେ ଏହା ବିଡ଼ମ୍ବନାର ବିଷୟ ଯେ ଜାମିନରେ ଥିବା ଏକ ପରିବାର ଜଣେ ମୁଖ୍ୟମନ୍ତ୍ରୀଙ୍କୁ ଜେଲ ପଠାଇବା କଥା କହୁଛି।
ବିଜେପି ରାଷ୍ଟ୍ରୀୟ ମୁଖପାତ୍ର ଡକ୍ଟର ସୟଦ ଜାଫର ଇସଲାମ ଗୁରୁବାର କେନ୍ଦ୍ରୀୟ କାର୍ଯ୍ୟାଳୟରେ ସାମ୍ବାଦିକମାନଙ୍କୁ କହିଥିଲେ ଯେ ଏପରି ବୟାନ ଦେଇ ରାହୁଲ ଗାନ୍ଧୀ ଆସାମରେ ଅରାଜକତା ବିସ୍ତାର କରିବାକୁ ଚେଷ୍ଟା କରୁଛନ୍ତି।
ହିମନ୍ତ ବିଶ୍ୱ ଶର୍ମା ରାହୁଲ ଗାନ୍ଧୀଙ୍କ ଦୟାରେ ନୁହେଁ, ବରଂ ନିର୍ବାଚନ ଜିତି ଆସାମର ମୁଖ୍ୟମନ୍ତ୍ରୀ ହୋଇଛନ୍ତି। ସେ କହିଛନ୍ତି ଯେ ହିମାଚଳ ପ୍ରଦେଶ, କର୍ଣ୍ଣାଟକ ଏବଂ ତେଲେଙ୍ଗାନା ସମେତ ପ୍ରତ୍ୟେକ କଂଗ୍ରେସ ଶାସିତ ରାଜ୍ୟରେ ରାହୁଲ ମଡେଲ ବିଫଳ ହୋଇଛି। ଆଜି ସାରା ଦେଶର ଲୋକମାନେ ବିଜେପିର ପ୍ରତ୍ୟେକ ରାଜ୍ୟ ସରକାରଙ୍କ ସୁଶାସନ ମଡେଲ ଦେଖୁଛନ୍ତି ଏବଂ ସେଥିପାଇଁ ସେମାନେ ବିଜେପିକୁ ବିଜୟୀ କରୁଛନ୍ତି।
ବିହାରର ଭୋଟର ତାଲିକାର ବିଷେଶ ଗହନ ପୁନରିକ୍ଷଣ (ଏସଆଇଆର) ମାମଲାରେ ବିରୋଧୀଙ୍କ ବୟାନ ସମ୍ପର୍କରେ ଡକ୍ଟର ଇସଲାମ କହିଛନ୍ତି ଯେ ରାଜଦ ନେତା ତେଜସ୍ୱୀ ଯାଦବଙ୍କ ସମେତ ବିରୋଧୀ ନେତାମାନେ ଭୋଟର ତାଲିକାର ବିଷେଶ ଗହନ ପୁନରିକ୍ଷଣ ସଂଶୋଧନ ପ୍ରସଙ୍ଗରେ କଂଗ୍ରେସ ଭିତିହୀନ ବୟାନ ଦେଉଛନ୍ତି। ବିରୋଧୀ ନେତାମାନେ ଦ୍ୱନ୍ଦ୍ୱର ରାଜନୀତି କରି ବିହାରରେ ଅରାଜକତା ବିସ୍ତାର କରିବାକୁ ଚେଷ୍ଟା କରୁଛନ୍ତି। ଡକ୍ଟର ଇସଲାମ କହିଛନ୍ତି ଯେ ବିହାରର ଲୋକମାନେ ଜଙ୍ଗଲରାଜ ପ୍ରତିଷ୍ଠା କରିଥିବା ଲୋକଙ୍କୁ ଦ୍ୱିତୀୟ ସୁଯୋଗ ନଦେବାକୁ ମନସ୍ଥ କରିଛନ୍ତି। ସେଥିପାଇଁ ପୁଣି ଥରେ ନୀତିଶ କୁମାରଙ୍କ ନେତୃତ୍ୱରେ ବିହାରରେ ଏନଡିଏର ସୁଶାସନ ସରକାର ଗଠନ ହେବାକୁ ଯାଉଛି।
ବିହାରରେ ୧୨୫ ୟୁନିଟ୍ ମାଗଣା ବିଦ୍ୟୁତ୍ ଘୋଷଣା ସମ୍ପର୍କରେ ଡକ୍ଟର ଇସଲାମ କହିଛନ୍ତି ଯେ ଏହା ଦର୍ଶାଉଛି ଯେ ଏନଡିଏ ସରକାର ସମ୍ପୂର୍ଣ୍ଣ ଭାବରେ ଜନ କଲ୍ୟାଣ ପାଇଁ ସମର୍ପିତ। ବିହାରର ଲୋକମାନେ ଏହି ନିଷ୍ପତିକୁ ସ୍ୱାଗତ କରୁଛନ୍ତି ଏବଂ ପୁଣି ଥରେ ବିହାରର ଲୋକମାନେ ପୂର୍ଣ୍ଣ ବହୁମତ ସହିତ ଏନଡିଏ ସରକାର ଗଠନ କରିବାକୁ ଯାଉଛନ୍ତି।
---------
---------------
ହିନ୍ଦୁସ୍ଥାନ ସମାଚାର / ଗଗନ