ଭୁବନେଶ୍ୱର, 30 ଜୁଲାଇ (ହି.ସ.)- ପୁଣି ବିଜେଡ଼ି

ନେତା ପ୍ରୀତି ରଞ୍ଜନ ଘଡାଇଙ୍କୁ କଡ଼ା ଭାଷାରେ ସମାଲୋଚନା କଲେ ସମବାୟ ମନ୍ତ୍ରୀ ପ୍ରଦୀପ

ବଳସାମନ୍ତ । ପ୍ରୀତି ରଞ୍ଜନଙ୍କୁ ଶାଳୀନତାର ପାଠ ପଢାଇଲେ ପ୍ରଦୀପ । ଜଣେ କଥା କହିବାର

ଶୈଳୀ ଠିକ୍ ରଖିବା ସହ ଭାଷା ଜ୍ଞାନ ରହିବା

ଦରକାର । ଯେଉଁଠି କଥା କହୁଛନ୍ତି ଶାଳୀନତା ରହିବା ଦରକାର । ଶାଳୀନତା ଭୁଲି ଗଲେ, ସୀମା ଟପି ଗଲେ

କେହି ଆମକୁ କ୍ଷମା ଦେବେ ନାହିଁ । ଲୋକଙ୍କୁ ଭୁଲ ବାଟରେ ପରିଚାଳିତ କରିବା, ନକାରାତ୍ମକ କଥା

ଲୋକଙ୍କୁ ଶିଖାଇବା ଦ୍ଵାରା ସମାଜ ସହ ତାଙ୍କ ନିଜର ମଧ୍ୟ କ୍ଷତି ହେବ । ସେଦିନ ପ୍ରୀତି ରଞ୍ଜନ

କେମିତି ଉତ୍ୟକ୍ତ ଭାଷଣ ଦେଉଥିଲେ ସବୁ ଭିଡ଼ିଓ ଲୋକଙ୍କ ସାମ୍ନାରେ ଅଛି । ସେ କହୁଥିଲେ, ନିଆଁ ଲଗାଅ, ଗାଡ଼ି ପୋଡ଼, ରାସ୍ତାରେ ଟାୟାର

ଜାଳି ରାସ୍ତାରୋକ କର । ସେ ଲୋକର ଦୁର୍ଘଟଣା ଜନିତ ମୃତ୍ୟ ହୋଇଥିଲା । ସେ ପ୍ଲାଣ୍ଟରେ କାମ କରୁ

ନଥିଲେ କି ଡ୍ୟୁଟି ଯାଇନଥିଲେ । ଯଦି ସେ ଲୋକ ପ୍ଲାଣ୍ଟର କର୍ମଚାରୀ, ତେବେ ଭଲରେ

କହିଥିଲେ କ୍ଷତିପୂରଣ ପାଇଥାନ୍ତେ । କିନ୍ତୁ ପ୍ରୀତି ରଞ୍ଜନ ଘଡାଇଙ୍କ ନେଗେଟିଭ କଥା ଯୋଗୁଁ

ସେଦିନ ସେ ଲୋକ ଆର୍ଥିକ ସାହାଯ୍ୟରୁ ବଞ୍ଚିତ ହେଲା । ଆମେ ସେବା ପାଇଁ ରାଜନୀତି କରୁଛନ୍ତି,

ନିଜକୁ ସୋସିଆଲ ମିଡ଼ିଆରେ ଭାଇରାଲ କରି ବାଃ ବାଃ ନେବା

ପାଇଁ ରାଜନୀତି କରୁଛନ୍ତି ବୋଲି ପ୍ରୀତି ରଞ୍ଜନଙ୍କୁ ପ୍ରଶ୍ନ କଲେ ପ୍ରଦୀପ । ମୁଁ ସୁକିନ୍ଦାକୁ

ଏକ କରି ପରିବାର ଭଳି ଚଳିବା ପାଇଁ ଯେତେ ଚେଷ୍ଟା କଲେ ବି ଘଡାଇ ପରିବାର କରାଇ ଦେଉନାହାନ୍ତି ।

ଯେହେତୁ ସେ ସୁକିନ୍ଦାର ଅଧିବାସୀ ନୁହନ୍ତି, ସେଥିପାଇଁ ଭାଗ ଭାଗ ରାଜନୀତି କରି ଭୋଟ ନେବେ ବୋଲି ସବୁବେଳେ ଉଦ୍ୟମ କରୁଛନ୍ତି । ମୁଁ ଭୋଟ

ରାଜନୀତି କରୁନାହିଁ, ଭାଇଚାରା ରାଜନୀତି

କରୁଛି ବୋଲି କହିଲେ ମନ୍ତ୍ରୀ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା