ନୂଆଦିଲ୍ଲୀ, ୧୫ ଅଗଷ୍ଟ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର

ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ତାଙ୍କ ଭାଷଣରେ ରାଷ୍ଟ୍ରୀୟ ସ୍ୱୟଂସେବକ ସଂଘ

(ଆରଏସଏସ)ର ୧୦୦ ବର୍ଷ ପୂରଣ ହେବା ଅବସରରେ ସଂଗଠନ ଏବଂ ଏହାର ସ୍ୱେଚ୍ଛାସେବକମାନଙ୍କୁ ସମ୍ମାନର

ସହିତ ସ୍ମରଣ କରିଛନ୍ତି। ସେ କହିଛନ୍ତି ଯେ ଆରଏସଏସ ବ୍ୟକ୍ତିଗତ ବିକାଶଠାରୁ ଆରମ୍ଭ କରି

ରାଷ୍ଟ୍ର ନିର୍ମାଣର ସଂକଳ୍ପ ପର୍ଯ୍ୟନ୍ତ, ଭାରତ ମାତାର କଲ୍ୟାଣ ଲକ୍ଷ୍ୟରେ ମାତୃଭୂମି ପାଇଁ ନିଜର ଜୀବନ

ଉତ୍ସର୍ଗ କରିଛି।ପ୍ରଧାନମନ୍ତ୍ରୀ ଗର୍ବର ସହିତ କହିଛନ୍ତି ଯେ ସେବା, ସମର୍ପଣ, ସଂଗଠନ ଏବଂ

ଅତୁଳନୀୟ ଶୃଙ୍ଖଳା ସଂଘର ପରିଚୟ। ଏହାକୁ ବିଶ୍ୱର ସର୍ବବୃହତ ଏନଜିଓ ଭାବରେ ବର୍ଣ୍ଣନା କରି ସେ

କହିଛନ୍ତି ଯେ ୧୦୦ ବର୍ଷ ମଧ୍ୟରେ ଦେଶର ସେବା କରୁଥିବା ଲକ୍ଷ ଲକ୍ଷ ସ୍ୱେଚ୍ଛାସେବକ ଜାତୀୟ

ହିତରେ ଅମୂଲ୍ୟ ଅବଦାନ ଦେଇଛନ୍ତି। ସେ କହିଛନ୍ତି ଯେ ଆରଏସଏସର ପ୍ରେରଣା ଏବଂ କାର୍ଯ୍ୟଶୈଳୀ

ସମାଜରେ ଏକତା, ଶୃଙ୍ଖଳା ଏବଂ ଦେଶପ୍ରେମର ଭାବନାକୁ ସୁଦୃଢ଼ କରିଛି, ଯାହା ଏକ ସମୃଦ୍ଧ ଏବଂ ସଶକ୍ତ ଭାରତ ଗଠନରେ

ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।ଉଲ୍ଲେଖନୀୟ ଯେ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ର ସ୍ଥାପନା ବିଜୟାଦଶମୀ ଦିନ 1925 ମସିହାରେ ନାଗପୁରରେ

ଡକ୍ଟର କେଶବ ବଳିରାମ ହେଡଗେୱାର କରିଥିଲେ। ଏହାର ମୌଳିକ ଉଦ୍ଦେଶ୍ୟ ହେଉଛି ବ୍ୟକ୍ତିଗତ ବିକାଶ

ମାଧ୍ୟମରେ ରାଷ୍ଟ୍ର ନିର୍ମାଣ। ସଂଘ ଶୃଙ୍ଖଳା, ସେବା, ସମର୍ପଣ ଏବଂ ସଂଗଠନକୁ ଏହାର କାର୍ଯ୍ୟର ଆଧାର ଭାବରେ

ବିବେଚନା କରେ। ଏହାର ଶାଖାଗୁଡ଼ିକରେଶାରୀରିକ, ବୌଦ୍ଧିକ ଏବଂ ସାଂସ୍କୃତିକ କାର୍ଯ୍ୟକଳାପ ମାଧ୍ୟମରେ

ସ୍ୱେଚ୍ଛାସେବକମାନଙ୍କ ମଧ୍ୟରେ ଦେଶପ୍ରେମ ଏବଂ ସାମାଜିକ ଦାୟିତ୍ୱବୋଧର ଭାବନା ବିକଶିତ ହୁଏ। ଆରଏସଏସଶିକ୍ଷା, ଗ୍ରାମୀଣ ବିକାଶ, ବିପର୍ଯ୍ୟୟ ସହାୟତା, ସ୍ୱାସ୍ଥ୍ୟ ଏବଂ ସାମାଜିକ ସମନ୍ୱୟ କ୍ଷେତ୍ରରେ

କାର୍ଯ୍ୟ କରୁଛି। ଏହାକୁ ବିଶ୍ୱର ସର୍ବବୃହତ ସ୍ୱେଚ୍ଛାସେବୀ ସଂଗଠନ ଭାବରେ ବିବେଚନା କରାଯାଏ, ଯାହା ଗତ ଶହେ ବର୍ଷ ମଧ୍ୟରେ ଜାତୀୟ ସ୍ୱାର୍ଥ ପାଇଁ

ବ୍ୟାପକ ଅବଦାନ ଦେଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା