ଭୁବନେଶ୍ୱର, ୩୧ ଅଗଷ୍ଟ (ହି.ସ.) - ଏସିଆ କପ ହକି ୨୦୨୫ ରେ ଭାରତର ବ୍ୟାକ ଟୁ ବ୍ୟାକ ବିଜୟ ହୋଇଛି। ବିହାରର ରାଜଗିରିରେ ଆଜି ଖେଳାଯାଇଥିବା ମ୍ୟାଚରେ ଜାପାନକୁ ୩-୨ ଗୋଲରେ ହରାଇ ସୁପର ୪ ରେ ପ୍ରବେଶ କରିଛି ଭାରତ। ମ୍ୟାଚ ଆରମ୍ଭରୁ ଭାରତ ଆକ୍ରମଣ କରିବା ସହ ପ୍ରଥମ ପାଂଚ ମିନିଟରେ ଦୁଇଟି ଗୋଲ କରି ୨-୦ ଗୋଲରେ ଆଗୁଆ ରହିଥିଲା ଭାରତ। ମ୍ୟାଚର ଦ୍ୱିତୀୟ ହାଲ୍ଫରେ ଜାପାନ ମ୍ୟାଚରେ କମବ୍ୟାକ କରିବା ସହ ଦୁଇଟି ଗୋଲ ସ୍କୋର କରିଥିଲା। ଭାରତ ପକ୍ଷରୁ ଅଧିନାୟକ ହରମନପ୍ରୀତ ଦୁଇଟି ଏବଂ ମନପ୍ରୀତ ଗୋଟିଏ ଗୋଲ ସ୍କୋର କରିଛନ୍ତି। ନିଜର ଶେଷ ଗ୍ରୁପ ମ୍ୟାଚରେ ଆସନ୍ତାକାଲି କାଜାକିସ୍ତାନକୁ ଭେଟିବ ଭାରତ।

---------------

ହିନ୍ଦୁସ୍ଥାନ ସମାଚାର / ବନ୍ଦନା