କେନ୍ଦୁଝର, ୩୧ ଅଗଷ୍ଟ (ହି.ସ.)- ଆଜି କେନ୍ଦୁଝର ଆମ୍ ଆଦମୀ ପାର୍ଟିର ଏକ ଟିମ୍ ଜିଲ୍ଲା ସଭାପତି ପ୍ରେମାନନ୍ଦ ସିଂଙ୍କ ନେତୃତ୍ୱରେ କେନ୍ଦୁଝର ସଦର ବ୍ଲକ୍ ମଣ୍ଡୁଆ ପଞ୍ଚାୟତ ଅନ୍ତର୍ଗତ ଘୁଟୁର ଗ୍ରାମକୁ ପରିଦର୍ଶନ କରିଥିଲେ। ଏହି ଗ୍ରାମରେ ବହୁ ସମସ୍ୟା ରହିଥିବା ର ଅନୁଧ୍ୟାନ କରିଥିଲେ। ବହୁଲୋକ ପ୍ରଧାନମନ୍ତ୍ରୀ ଆବାସ ଗୃହ ପାଇବାପାଇଁ ଯୋଗ୍ୟ ଥିଲେ ମଧ୍ୟ ଏଯାଏଁ ଘର ପାଇନାହାନ୍ତି। ଏହି ପରିପ୍ରେକ୍ଷୀରେରେ ଆପ ଟିମ୍ ଭେଟିଥିଲେ ଜଣେ ବୁଦ୍ଧା ମହିଳାଙ୍କୁ। ନାମ ସୁକୁମାରୀ ଜେନା ବୟସ ପାଖାପାଖି ୮୦ ପାର କଲାଣି। ସେ ଗୋଟିଏ ଭଙ୍ଗା କୁଡିଆ ଘରେ ରହୁଛନ୍ତି ଯାହାକି ସେ ଘରେ ରହିବା ଅସମ୍ଭବ। ବର୍ଷା ଦିନରେ ଘର ସାରା ପାଣି। ରୋଷେଇ ବା ରହିବ କଷ୍ଟକର ହୋଇପଡିଛି। ସେହିପରି ବୟସ ୮୦ ବର୍ଷ ଉପରେ ହେଲାପରେ ମଧ୍ୟ ସରକାରଙ୍କ ବର୍ଦ୍ଧିତ ଭତ୍ତା ୩୫୦୦ ଟଙ୍କା ତାଙ୍କ ପାଇଁ ଲାଗୁ ହୋଇନି। ତେଣୁ ସରକାରଙ୍କ ଦୃଷ୍ଟି ଆକର୍ଷଣ ନିମନ୍ତେ ଆମ ଆଦମୀ ପାର୍ଟି ର ସଦସ୍ୟ ମାନେ ଜଣାଇଛନ୍ତି।

ଅନ୍ୟ ମାନଙ୍କ ମଧ୍ୟରେ ଜିଲ୍ଲା ସାଧାରଣ ସମ୍ପାଦକ ଶୁଭଙ୍କର ମହାନ୍ତି, ସଦର ନିର୍ବାଚନ ମଣ୍ଡଳୀ ସଭାପତି ଜୟକୃଷ୍ଣ ନାଏକ ପ୍ରମୁଖ ଯୋଗଦେଇଥିଲେ।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA