ତିଆନଜିନ୍ (ଚୀନ୍‌), ୩୧ ଅଗଷ୍ଟ (ହି.ସ.)- ଚୀନ୍ ର ତିଆନଜିନ୍ ରେ ଅନୁଷ୍ଠିତ ସାଂଘାଇ କୋ-ଅପରେସନ ଅର୍ଗାନାଇଜେସନ (ଏସସିଓ) ସମିଟ୍ ଅବସରରେ, ରବିବାର ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ହୋଇଥିଲା । ଏହି ସମୟରେ, ତାଙ୍କ ପ୍ରାରମ୍ଭିକ ଅଭିଭାଷଣରେ, ରାଷ୍ଟ୍ରପତି ଜିନପିଙ୍ଗ ଦୁଇ ଦେଶ ମଧ୍ୟରେ ବନ୍ଧୁତାର ଆବଶ୍ୟକତା ପ୍ରକାଶ କରିଥିଲେ ।

ସାଉଥ୍ ଚାଇନା ମର୍ଣ୍ଣିଂ ପୋଷ୍ଟ ଅନୁଯାୟୀ, ରବିବାର (ଭାରତୀୟ ସମୟ) ସକାଳ ୯ଟା ୩୦ ରେ ଆରମ୍ଭ ହୋଇଥିବା ଦୁଇ ଦେଶର ନେତାଙ୍କ ମଧ୍ୟରେ ବୈଠକ ୪୦ ମିନିଟ୍ ଧରି ଚାଲିଥିଲା । ଏହି ସମୟରେ, ଜିନପିଙ୍ଗ କହିଛନ୍ତି ଯେ, ଚୀନ୍ ଏବଂ ଭାରତ ବିଶ୍ୱର ଦୁଇଟି ସବୁଠାରୁ ପ୍ରାଚୀନ ସଭ୍ୟତା । ଉଭୟ ବିଶ୍ୱର ସର୍ବାଧିକ ଜନସଂଖ୍ୟା ବିଶିଷ୍ଟ ଦେଶ ଏବଂ ଗ୍ଲୋବାଲ୍ ସାଉଥ୍ ର ଅଂଶ । ବନ୍ଧୁ ରହିବା, ଭଲ ପଡ଼ୋଶୀ ହେବା, ଡ୍ରାଗନ୍‌-ହାତୀ ଏକାଠି ହେବା ବହୁତ ଗୁରୁତ୍ୱପୂର୍ଣ୍ଣ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ