ଜୟପୁର, ୩୧ ଅଗଷ୍ଟ (ହି.ସ.)-ଓଡ଼ିଶା ଅମଲା ସଂଘ ର ଏକ ଗୁରୁତ୍ବପୂର୍ଣ୍ଣ ବୈଠକ ଜୟପୁର ଗୋଷ୍ଠୀ ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ ସଭାଗୃହ ଠାରେ ଅନୁଷ୍ଠିତ ହୋଇଯାଇଅଛି l ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖା ତଥା ରାଜ୍ୟ ଅତିରିକ୍ତ ସାଧାରଣ ସମ୍ପାଦକ ଶଶୀ ଭୂଷଣ ଦାସଙ୍କ ଆହ୍ବାନ କ୍ରମେ ବିଭିନ୍ନ ବିଭାଗରେ କାର୍ଯ୍ୟରତ ଶତାଧିକ ଅମଲା ଯୋଗଦାନ କରିଥିଲେ lଶ୍ରୀ ଦାଶ୍ ସଭାପତି ଉକ୍ତ ବୈଠକରେ ସଭାପତିତ୍ବ କରିଥିଲାବେଳେ, ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖା ସମ୍ପାଦକ ସଞ୍ଜୟ କୁମାର ପଣ୍ଡା, ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖାର ଅଧ୍ୟକ୍ଷ ୱାଇ ଶ୍ରୀନିବାସ ରାଓ, ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖା ସାଙ୍ଗଠାନିକ ସମ୍ପାଦକ କୈଳାଶ ସାମନ୍ତରାୟ ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖା ଉପ ସଭାପତି କିଶୋର ଚନ୍ଦ୍ର ଦାସ ମଞ୍ଚାସିନ ହୋଇ ନିଜ ନିଜର ଅଭିଭାଷଣ ପ୍ରଦାନ କରିଥିଲେ l ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖାର ବିଭିନ୍ନ ପଦବୀରେ ରହିଥିବା ନେତୃବୃନ୍ଦଙ୍କ ଅବସର ଓ ଅନ୍ୟ ଜିଲ୍ଲାକୁ ବଦଳି ହୋଇଥିବା ସ୍ଥଳେ ଜିଲ୍ଲା ସଂଘର ନିଷ୍ପତ୍ତି ଅନୁଯାୟୀ ରାଜ୍ୟ ସଂଘ ଓ୍ବାଇ ଶ୍ରୀନିବାସ ରାଓଙ୍କୁ ଅଧ୍ୟକ୍ଷ, କୈଳାସ ସାମନ୍ତରାୟଙ୍କୁ ସାଙ୍ଗଠନିକ ସମ୍ପାଦକ, କିଶୋର ଚନ୍ଦ୍ର ଦାଶଙ୍କୁ ଉପସଭାପତି ନିମନ୍ତେ ଚୟନ କରିଥିଲେ। ସେମାନଙ୍କୁ ଓଡ଼ିଶା ଅମଲା ସଂଘ କୋରାପୁଟ ଜିଲ୍ଲା ଶାଖା ତରଫରୁ ଫୁଲତୋଡ଼ା ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା lତତ୍ ସହିତ ବିଭିନ୍ନ ଜିଲ୍ଲାରୁ କୋରାପୁଟ ଜିଲ୍ଲାକୁ ବଦଳି ହୋଇ ଆସିଥିବା ଅମଲା ମାନଙ୍କୁ ମଧ୍ୟ ଫୁଲତୋଡ଼ା ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ଓଡ଼ିଶା ଅମଲା ସଂଘର ଏକ ମାତ୍ର ନ୍ୟାର୍ଯ୍ୟ ଦାବି ଦୀର୍ଘ ୮ ବର୍ଷ ଧରି ଓଡ଼ିଶା ଅମଲା ସଂଘ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରି ଆସୁଥିବା ବେଳେ ପୁର୍ବ ସରକାର ସମୟରେ ଏହା କେବଳ ପ୍ରତିଶୃତି ରେ ରହି ଯାଇଥିବା ଶ୍ରୀ ଦାଶ୍ ପ୍ରକାଶ କରିଥିଲେ lନୂତନ ସରକାର ଓଡ଼ିଶା ଅମଲା ସଂଘର ଏକ ମାତ୍ର ନ୍ୟାର୍ଯ୍ୟ ଦାବି କନିଷ୍ଠ ସହାୟକ ମାନଙ୍କର ପ୍ରବେଶିକା ଦରମା ହାର ଷଷ୍ଠ ବେତନ କମିଶନ ଅନୁସାରେ ୪୨୦୦/- ଗ୍ରେଡ଼ ପେ ଲେବେଲ୍ ୯ ଉପରେ ଅବଗତ ଥିବା ସହିତ ସରକାରଙ୍କ ଆନ୍ତରିକତା ରହିଥିବା ଶ୍ରୀ ଦାଶ୍ ସୂଚନା ଦେଇଥିଲେ l ସରକାର ଅମଲା ମାନଙ୍କର ପ୍ରତି ପାତରଅନ୍ତର କରିବେ ନାହିଁ ବୋଲି ଓଡ଼ିଶା ଅମଲା ସଂଘ ପୁର୍ଣ୍ଣ ବିଶ୍ଵାସ ରଖିଥିବା ଶ୍ରୀ ଦାଶ୍ ମତ ଦେଇଥିଲେ l ବିଗତ ଦିନରେ ରାଜସ୍ବ ଅମଲା ସଂଘ ଆନ୍ଦୋଳନକୁ ଯିବା ସମୟରେ ରାଜସ୍ବ ଅମଲା ସଂଘର ପ୍ରଥମ ଦାବିକୁ ରାଜସ୍ବ ମନ୍ତ୍ରୀ କହିଥିଲେ ଯେ, ଏହି ଦାବି ସମସ୍ତ ଅମଲାଙ୍କର କେବଳ ରାଜସ୍ବ ଅମଲା ସଂଘର ନୁହଁ ଏହା ଉପରେ ସାଧାରଣ ପ୍ରଶାସନ ବିଭାଗ ନିଷ୍ପତି ନେବ ବୋଲି କହିଥିବା କଥାକୁ ଶ୍ରୀ ଦାଶ୍ ବୈଠକରେ ଦୋହରାଇ ଥିଲେI ଏଥିରୁ ଷ୍ପଷ୍ଟ ଯେ ସରକାର ଅମଲା ମାନଙ୍କର ପ୍ରତି ପାତରଅନ୍ତର କରିବେ ନାହିଁ, ଓଡ଼ିଶା ଅମଲା ସଂଘର ରାଜ୍ୟ ନେତୃବୃନ୍ଦ ମୁଖ୍ୟମନ୍ତ୍ରୀ ଓଡ଼ିଶାଙ୍କୁ ସାକ୍ଷାତ କରି ଓଡ଼ିଶା ଅମଲା ସଂଘ ର ଏକମାତ୍ର ଦାବି ପୁରଣ ନିମନ୍ତେ ଦାବି ପତ୍ର ପ୍ରଦାନ କରିଥିଲେ l ମୁଖ୍ୟମନ୍ତ୍ରୀ ଅତି ଶିଘ୍ର ଓଡ଼ିଶା ଅମଲା ସଂଘର ନେତୃବୃନ୍ଦଙ୍କୁ ଆଲୋଚନା କରିବା ନିମନ୍ତେ ଡାକିବା ନିମନ୍ତେ ଜଣାଇଥିବା ଶ୍ରୀ ଦାଶ୍ ବୈଠକରେ ସୂଚନା ଦେଇଥିଲେ l ସମସ୍ତ ଉପସ୍ଥିତ ଅମଲା ଏ ନେଇ ଓଡ଼ିଶା ଅମଲା ସଂଘର ନେତୃବୃନ୍ଦ ମୁଖ୍ୟମନ୍ତ୍ରୀଙ୍କୁ ଭେଟି ଅମଲା ମାନଙ୍କ ଏକ ମାତ୍ର ନ୍ୟାର୍ଯ୍ୟ ଦାବି ପୁରଣ ନିମନ୍ତେ ଅନୁରୋଧ କରିବା ପାଇଁ ରାଜ୍ୟ ସଂଘ ର ଦୃଷ୍ଟି ଆକର୍ଷଣ କରିଥିଲେ l ଉକ୍ତ ବୈଠକରେ ମୁଖ୍ୟତଃ ଶ୍ରୀ ରାଜେନ୍ଦ୍ର ନାରାୟଣ ପାଢି, ଶ୍ରୀ ଜଗନ୍ନାଥ ଦାଶ, ଶ୍ରୀ ବିନାୟକ ପଣ୍ଡା, ଶ୍ରୀ ରବି ନାରାୟଣ ଗୈଡ, ଅଶ୍ବିନୀ ମିଶ୍ର, ବାଳ ଗୋପାଳ ମିଶ୍ର, ସୁଶାନ୍ତ ମିଶ୍ର, ସାନ୍ତୁନୁ ଜେନା, ଶ୍ରୀ ରାମକୃଷ୍ଣ ପଣ୍ଡା, ତ୍ରିନାଥ ପଣ୍ଡା, ସିତାନାଥ ସତପଥି, ଶରତ ଚନ୍ଦ୍ର ଜେନା ଙ୍କ ସମେତ ବହୁ ବରିଷ୍ଠ ସଦସ୍ୟ ଯୋଗଦାନ କରିଥିଲେ ପରିଶେଷରେ ଶ୍ରୀ ଦାଶ୍ ସମସ୍ତ ଙ୍କୁ ଧନ୍ୟବାଦ ଅର୍ପଣ କରିବା ସହିତ ସଭା ସାଙ୍ଗ କରିଥିଲେ l

ହିନ୍ଦୁସ୍ଥାନ ସମାଚାର / ପିକେପି