କେନ୍ଦୁଝର, ୩୧ ଅଗଷ୍ଟ (ହି.ସ.)- ଢେଂକିକୋଟ ସରସ୍ବତୀ ଶିଶୁ ମନ୍ଦିର ସଭାଗୃହରେ ଘଟଗାଁ ଏକଲ ବିଦ୍ୟାଳୟ ଅଭିଯାନର ପୁସ୍ତକ ଓ ପାଠ୍ୟ ଉପକରଣ ଦିଆଯାଇଛି। ଏହି ଅବସରରେ ଆଜି ଢେଙ୍କିକୋଟ ଶିଶୁ ବିଦ୍ୟାମନ୍ଦିରରେ ଆୟୋଜିତ କାର୍ଯ୍ୟକ୍ରମରେ ଘଟଗାଁ ସଞ୍ଚ ର ସଭାପତି ଗୋବିନ୍ଦ ନାୟକ, ଏକଲ ବିଦ୍ୟାଳୟ ଅଭିଯାନର ଜିଲ୍ଲା କାର୍ଯ୍ୟକାରିଣୀ ସଦସ୍ୟା ଲବଙ୍ଗଲତା ନାୟକ, ଶିଶୁ ବିଦ୍ୟାମନ୍ଦିର ଆଚାର୍ଯ୍ୟ ନିରଞ୍ଜନ ମହାନ୍ତ ଏବଂ ସଞ୍ଚ ପ୍ରଶିକ୍ଷକ ସୁଲୋଚନା ବେହେରାଙ୍କ ସହିତ ଆଚର୍ଯ୍ୟା ମାନଙ୍କୁ ପାଠ୍ୟ ପୁସ୍ତକ ଉପକରଣ ବଣ୍ଟନ କରିଥିଲେ ।
ଘଟଗାଁ ବ୍ଲକ ବିଭିନ୍ନ ସ୍ଥାନରେ ତିରିଶ ଟି କେନ୍ଦ୍ରରେ ପ୍ରଥମରୁ ଅଷ୍ଟମ କ୍ଲାସ ପର୍ଯ୍ୟନ୍ତ ଗ୍ରାମର ଛାତ୍ର ଓ ଛାତ୍ରୀ ଏହି ଶିକ୍ଷାକେନ୍ଦ୍ରରେ ପାଠ ପଢିବାର ସୁଯୋଗ ପାଉଛନ୍ତି ଓ ଉପକୃତ ହେଉଥିବା କହିଛନ୍ତି ଗୋବିନ୍ଦ ଚନ୍ଦ୍ର ନାୟକ। ଏହି ମାସିକ କାର୍ଯ୍ୟକ୍ରମରେ କାର୍ଯ୍ୟକର୍ତ୍ତାଙ୍କ ଗହଣ ରେ ଉପସ୍ଥିତ ରହି ପ୍ରେରଣା ପାଇଥିଲେ ଆସିଥିବା ଏକଲ ର ସମସ୍ତ ଅଚାର୍ଯ୍ୟା।
ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA
31 Aug 2025
