ଜୟପୁର, ୩୧ ଅଗଷ୍ଟ (ହି.ସ.)- ଜୟପୁର ସହରର ଏକ ହୋଟେଲର ସମ୍ମିଳନୀ କକ୍ଷ ଠାରେ ପୂର୍ବତନ କାଉନସିଲର, ଅଧ୍ୟକ୍ଷ ଏବଂ ଉପାଧ୍ୟକ୍ଷକଙ୍କୁ ନେଇ ବୈଠକ ରବିବାର ଅନୁଷ୍ଠିତ ହୋଇଥିଲା । ପୂର୍ବତନ କାଉନସିଲର ସୁରେଶ ଦାସ ଙ୍କ ଆହ୍ବାନ କ୍ରମେ ଅନୁଷ୍ଠିତ ଏହି ବୈଠକରେ ମୁଖ୍ୟତଃ ଜୟପୁର ପୌରସଂସ୍ଥାର ବିଷୟକୁ ନେଇ ଆଲୋଚନା ହୋଇଥିଲା । ଜୟପୁର ସହରର ଦୃତଗତି ବୃଦ୍ଧି ପାଉଥିବା ଯୋଗୁଁ ଏହାର ଚାରିଦିଗରେ ରହିଥିବା ଆଖପାଖ ଗ୍ରାମାଞ୍ଚଳ ସହର ସହିତ ମିଶି ଯାଇଥିବା ଯୋଗୁଁ ଏହା ଅଞ୍ଚଳକୁ ପୌରାଞ୍ଚଳର ଅଧିନକୁ ନେଇ ଆୟୋତନ ଏବଂ ଜନସଂଖ୍ୟା ଅନୁଯାୟୀ ମହାନଗର ନିଗମରେ ପରିଣତ କରିବାକୁ ବୈଠକରେ ସମସ୍ତ ଉପସ୍ଥିତ ପୂର୍ବତନ କାଉନସିଲର, ଅଧକ୍ଷ ଏବଂ ଉପାଧ୍ୟକ୍ଷ ମାନେ ମିଳିତ ଭାବେ ପ୍ରସ୍ତାବ ଗ୍ରହଣ କରିବାକୁ ସହ ଦାବି କରିଥିଲେ । ସେହିପରି ରାଜ୍ୟ ଓ କେନ୍ଦ୍ର ସରକାରଙ୍କ ସହରୀ ବିକାଶ ଯୋଜନା ପୌରାଞ୍ଚଳରେ କାର୍ଯ୍ୟକାରୀ ଏବଂ ସଫଳତାକୁ ନେଇ ସମସ୍ତେ ଗୁରତ୍ବ ପ୍ରଦାନ କରିଥିଲେ । ଏହି ଅବସରରେ ସମସ୍ତେ ଦଳବଳ ନିର୍ବିଶେଷରେ ଉପସ୍ଥିତ ରହିଥିଲେ । ଏହି ଅବସରରେ ଅତିଥି ଭାବ ପୂର୍ବତନ ପୌର ମନ୍ତ୍ରୀ ତଥା ଅଧ୍ୟକ୍ଷ ରବିନାରାୟଣ ନନ୍ଦ, ଆର.ପଦ୍ମା,ପୂର୍ବତନ ଉପାଧକ୍ଷ ସୂର୍ଯ୍ୟନାରାୟଣ ରଥ, କେ ପ୍ରସାଦ ରାଓ ପଟ୍ଟନାୟକ, ଦୁର୍ଗା ପ୍ରସାଦ ଶର୍ମା, ଅତିରିକ୍ତ ଉପଧକ୍ଷା ପଦ୍ମିନୀ ଦାଶ, ପୂର୍ବତନ କାଉନସିଲର ବିନୋଦ ମହାପାତ୍ର, ଉମାଚରଣ ମହାପାତ୍ର,ଆନନ୍ଦ ମହାପାତ୍ର , ନିହାର ବିଶୋୟୀ, ଦୁର୍ଗା ପ୍ରସାଦ ମିଶ୍ର, କୃଷ୍ଣ ଚନ୍ଦ୍ର ହୋତା, ବିନ୍ଦୁରାଣି ମିଶ୍ର, ଏ.ଶ୍ରୀନିବାସ ରାଓ, ରାମ ପ୍ରସାଦ ପଣ୍ଡା,ପ୍ରମୋଦ ମାଝି, ୱାଇ.ଏସ.ଖାନ୍ନା, ଶଶି ପଟ୍ଟନାୟକ, ଆଶୁତୋଷ ସାନ୍ତ୍ରାପାତ୍ର ପ୍ରମୁଖଙ୍କ ସମେତ ୬୦ ଜଣ ପୂର୍ବତନ କାଉନସିଲର ଉପସ୍ଥିତ ଥିଲେ । ସେହିପରି ଏହି ଅବସରରେ ବର୍ତ୍ତମାନର ଅଧ୍ୟକ୍ଷ ନରେନ୍ଦ୍ର ମହାନ୍ତି, ଉପାଧ୍ୟକ୍ଷ ବି.ସୁନିତା ଏବଂ ଅନ୍ୟାନ୍ୟ କାଉନସିଲର ମାନେ ଉପସ୍ଥିତ ଥିଲେ ।

ହିନ୍ଦୁସ୍ଥାନ ସମାଚାର / ପିକେପି