ମହାନଦୀ ଜଳ ବିବାଦ

ଭୁବନେଶ୍ୱର, ୩୧ ଅଗଷ୍ଟ (ହି.ସ.) - ମହାନଦୀ ଜଳ ବିବାଦ ପ୍ରସଙ୍ଗକୁ ନେଇ ପିସିସି ସଭାପତି ଭକ୍ତ ଚରଣ ଦାସ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ନଭେମ୍ବର ମାସରେ ସଚିବ ସ୍ତରରେ ଆଲୋଚନା ଏବଂ ଡିସେମ୍ବର ମାସରେ ମୁଖ୍ୟମନ୍ତ୍ରୀ ସ୍ତରରେ ଯଦି ଆଲୋଚନା ହେବ ଏହା ଭଲକଥା। କିନ୍ତୁ କେବଳ ଆଲୋଚନା ରେ କାର୍ଯ୍ୟକ୍ରମ ପରିସମାପ୍ତି ହେଇନଯାଉ। ଏବେ ତ୍ରିପଲ ଇଂଜିନ ସରକାର ଚାଲିଛି, ତେଣୁ ଆଲୋଚନା ନୁହେଁ ଆକ୍ସନ ନେବାର ସମୟ। ଦୁଇଟି ରାଜ୍ୟର ଟପ ବ୍ୟୁରୋକ୍ରାଟ ବସିକି ଖସଡ଼ା ତିଆରି କରି ପ୍ରୋଜେକ୍ଟ କରିବା କଥା, ଏହା ଉପରେ ସରକାରୀ ସ୍ତରରେ ଆଲୋଚନା ହେବା କଥା। ଏହି ବିବାଦ ପାଇଁ କେତେ ମାଟି, ଜଳ, ଶସ୍ୟ ନଷ୍ଟ ହେଉଛି, ତାହା ଉପରେ ମଧ୍ୟ ଆଲୋଚନା ହେବା କଥା.। ପ୍ରଧାନମନ୍ତ୍ରୀ ଏବଂ ଦୁଇ ରାଜ୍ୟର ମୁଖ୍ୟମନ୍ତ୍ରୀ ଆଲୋଚନା କଲେ ଗୋଟିଏ ଦିନରେ ଏହି ସମସ୍ୟାର ସମାଧାନ ହୋଇପାରିବ। ମହାନଦୀ ସମସ୍ୟାର ସମାଧାନ ପାଇଁ କେନ୍ଦ୍ର ଏବଂ ରାଜ୍ୟ ସରକାର ଆନ୍ତରିକତା ନାହିଁ। ଯଦି ମହାନଦୀ ସମସ୍ୟାର ସମାଧାନ ନ ହୁଏ ତେବେ ଆଗାମୀ ଦିନରେ କଂଗ୍ରେସ ମଧ୍ୟ ଆନ୍ଦୋଳନ କୁ ଓଲ୍ଲାଇବ ବୋଲି କହିଛନ୍ତି ପିସିସି ସଭାପତି।

---------------

ହିନ୍ଦୁସ୍ଥାନ ସମାଚାର / ବନ୍ଦନା