ଜୟପୁର, ୩୧ ଅଗଷ୍ଟ (ହି.ସ.)-କୋରାପୁଟ ଜିଲ୍ଲାର ଅବସର ପ୍ରାପ୍ତ ଶିକ୍ଷକ ମାନଙ୍କ ଏକ ବୈଠକ ଆଜି ସ୍ଥାନୀୟ ସିଟି ଉଚ୍ଚ ବିଦ୍ୟାଳୟ ଜୟପୁରରେ ଅନୁଷ୍ଠିତ ହୋଇଛି। ଏଥିରେ ଅବସପ୍ରାପ୍ତ ପ୍ରଧାନ ଶିକ୍ଷକ ଶ୍ରୀନାଥ ମିଶ୍ର ସଭାପତିତ୍ବ କରିଥିଲେ। ଅବସର ପରେ ସମାଜ ପାଇଁ କିଛି କରିବାକୁ ସମସ୍ତେ ମତ ପ୍ରକାଶ କରିଥଲେ। ସିଟି ଉଚ୍ଚ ବିଦ୍ୟାଳୟ ର ପ୍ରତିଷ୍ଠାାତା ସଭ୍ୟ ଶଶି ପଟ୍ଟନାୟକ ଶିକ୍ଷା ର ବିକାଶ ପାଇଁ ଓ ଛାତ୍ର ଛାତ୍ରୀ ମାନଙ୍କ ବୈଧିକ ବିକାଶ ପାଇଁ ଆମ ବିଦ୍ୟାଳୟ ସବୁବେଳେ ସହଯୋଗ କରିବ ବୋଲି କହିଛନ୍ତି।ଏହି କାର୍ଯ୍ୟକ୍ରମକୁ ଆୟୋଜନ କରିଥିବା କୋଟପାଡ଼ ଜେ ଈ ଏଲ୍ ସି ଉଚ୍ଚ ବିଦ୍ୟାଳୟ ର ଅବସପ୍ରାପ୍ତ ଶିକ୍ଷକ ପ୍ରତାପ ମନ୍ତ୍ରୀ ଅବସରପ୍ରାପ୍ତ ଶିକ୍ଷକ ମାନଙ୍କ ଅନୁଭୂତି ଓ ଶିକ୍ଷା ଉପରେ ଏକ ପତ୍ରିକା ପ୍ରକାଶନ ପାଇଁ ପ୍ରସ୍ତାବ ରଖିଥିଲେ। ବରିଷ୍ଟ ଅବସପ୍ରାପ୍ତ ଶିକ୍ଷକ ପଞ୍ଚାନନ ଗୌଡ ଆମ ଅଞ୍ଚଳ ର ପିଲା କିପରି କର୍ମ ନିଯୁକ୍ତି ପାଇବେ ଓ ଗ୍ରାମାଞ୍ଚଳ ରେ ଥିବା ସାଧନ ର ଉପଯୁକ୍ତ ବିନିଯୋଗ କରି ଆମ ପିଲା କିପରି ଅଧିକ କୁଶଳୀ ହୋଇ ପାରିବେ ସେଥି ପାଇଁ ଆମେ କିଛି କରିବା ଉଚିତ୍ ବୋଲି କହିଛନ୍ତି। ପ୍ରତ୍ୟେକ ମାସର ଶେଷ ରବିବାର ଆମେ ଏକତ୍ରିତ ହୋଇ ଶିକ୍ଷା ଉପରେ ଆଲୋଚନା କରିବା ପାଇଁ ପ୍ରସ୍ତାବ ରଖିଥିଲେ। ଅବସରପ୍ରାପ୍ତ ପ୍ରଧାନ ଶିକ୍ଷକ କୈଳାଶ ଚନ୍ଦ୍ର ପଣ୍ଡା। ଅବସର ପ୍ରାପ୍ତ ଶିକ୍ଷକ ମାନଙ୍କ ମଧ୍ୟରେ ସୁରେନ୍ଦ୍ର ପଟ୍ଟନାୟକ, ବିନୋଦ ପଟ୍ଟନାୟକ, କିଶୋର ଚନ୍ଦ୍ର ପଣ୍ଡା, ବିଜୟ ଭଟ୍ଟ, ଶ୍ରୀକାନ୍ତ ଦଣ୍ଡସେନା, ମହମ୍ମଦ ୱାହେଦ ସରିଫ, ଲକ୍ଷ୍ମୀଧର ବିଶ୍ୱାଳ, ଅରବିନ୍ଦ ମହାପାତ୍ର, କୃଷ୍ଣ ଚନ୍ଦ୍ର ମୌଳି ବାସୁଦେବ ସେନାପତି ଏହି କାର୍ଯ୍ୟକ୍ରମରେ ଯୋଗଦେଇ ଥିଲେ । କାର୍ଯ୍ୟକ୍ରମର ସଫଳ ପରିଚାଳନା ପାଇଁ ସହଯୋଗ କରିଥିବା ଶିକ୍ଷକ ମାନେ ହେଲେ ପ୍ରତାପ ପଟ୍ଟନାୟକ, ରାମ ଚନ୍ଦ୍ର ପାଳ ଓ ପ୍ରଶାନ୍ତ କୁମାର ଦାସ। ଅବସପ୍ରାପ୍ତ ଶିକ୍ଷକ ପ୍ରଭାତ ରଥ ଧନ୍ୟବାଦ୍ ଅର୍ପଣ କରିଥଲେ।

----------

ହିନ୍ଦୁସ୍ଥାନ ସମାଚାର / ପିକେପି