Boudh, 11 ସେପ୍ଟେମ୍ବର (ହି.ସ.) ବୌଦ୍ଧ ହୋଟେଲ କଳିଙ୍ଗ ଠାରେ କେନ୍ଦ୍ରୀୟ ମାନକ ବ୍ୟୁରୋ ଦ୍ୱାରା ବିଆଇଏସ ହଲମାର୍କ ସୁନା ଓ ରୁପା କାରବାର ସମ୍ପର୍କୀତ ଏକ ସଚେତନତା କର୍ମଶାଳା ଅନୁଷ୍ଠିତ ହୋଇଛି l କେନ୍ଦ୍ରୀୟ ମାନକ ବ୍ୟୁରୋ ରାଜ୍ୟ ପ୍ରମୁଖ ତଥା ବରିଷ୍ଠ ନିର୍ଦେଶକ ଅକ୍ଷୟ କୁମାର ପୁରୋହିତଙ୍କ ଅଧ୍ୟକ୍ଷତାରେ କର୍ମଶାଳା ଅନୁଷ୍ଠିତ ହୋଇଥିଲା l କେନ୍ଦ୍ରୀୟ ମାନକ ବ୍ୟୁରୋ, ଭୁବନେଶ୍ୱର ର ଏଚ.ଏମ.ଆର ଅମିତ କୁମାର ଯୋଗ ଦେଇ ଆଲୋଚନା କରିଥିଲେ | ସୁନାର ଶୁଦ୍ଧତା ଜାଣିବା ପାଇଁ ହଲମାର୍କର ବ୍ୟବହାର କରାଯାଇଥାଏ । ସୁନାଗହଣା ଉପରେ କିପରି ବିଆଇଏସ ଦ୍ୱାରା ହଲମାର୍କ ଚିହ୍ନିତ କରାଯାଏ , ୩ଟି ଗ୍ରେଡରେ ୧୪, ୧୮ ଓ ୨୨ କ୍ୟାରେଟ ଯୁକ୍ତ ସୁନା ପାଇଁ ବିଆଇଏସ ହଲମାର୍କ ମାନକ ନିର୍ଦ୍ଧାରଣ କରିଛି । ସୁନା ଦୋକାନୀ କେବଳ ହଲମାର୍କର ସୁନା ଗହଣା ବିକ୍ରି କରନ୍ତି , ବିଆଇଏସ ଲାଇସେନ୍ସ କରାଯିବା, ବିଆଇଏସ ଲାଇସେନ୍ସ ର ସୁଫଳ, ବିନା ବିଆଇଏସ ଲାଇସେନ୍ସ ରେ ବିକ୍ରୟ କଲେ ସୁନା ଦୋକାନୀଙ୍କ ପାଇଁ ରହିଥିବା ଦଣ୍ଡବିଧି ,ସୁନା ଭଳି କିପରି ରୂପାରେ ବି ହଲମାର୍କ ରହିବ ସେନେଇ ସୁନା ଦୋକାନୀମାନଙ୍କୁ ସଚେତନ କରାଯାଇଥିଲା l କର୍ମଶାଳାରେ ପ୍ରଶାନ୍ତ ପତ୍ର , ଜୟ ପତ୍ର , ମହେଶ ପ୍ରସାଦ ଅଗ୍ରୱାଲ, ପୂର୍ଣାନଦ ମେହେର , ରୁପେଶ ସାହୁ , ନଟବର ଅଗ୍ରୱାଲ, ସମ୍ପଦ ଅଗ୍ରୱାଲ, ଯୋଗେଶ ସେଠିଙ୍କ ସମତେ ଜିଲାର ଶତାଧିକ ସୁନା ଦୋକାନୀ ସାମିଲ ହୋଇଥିଲେ l

---------------

ହିନ୍ଦୁସ୍ଥାନ ସମାଚାର / ସମ୍ପତ