କେନ୍ଦୁଝର, ୧୮ ସେପ୍ଟେମ୍ବର (ହି.ସ.)- ମୁଖ୍ୟମନ୍ତ୍ରୀଙ୍କ ସହର କେନ୍ଦୁଝରରେ ହେବ ଜାତୀୟ ରୋଡ୍ ସାଇକେଲିଂ ଚାମ୍ପିଅନସିପ୍ ପ୍ରତିଯୋଗିତା । ଅଲ୍ ଓଡ଼ିଶା ସାଇକେଲିଂ ଆସୋସିଏସନ୍ କେନ୍ଦୁଝରରେ ଜାତୀୟ ରୋଡ୍ ସାଇକେଲିଂ ଚାମ୍ପିଅନସିପ୍ ଆୟୋଜନ କରିବାକୁ ଯୋଜନା କରିଛି । ଏହା କେନ୍ଦୁଝରରେ ପ୍ରଥମ ଥର ଏବଂ ଓଡ଼ିଶାରେ ତୃତୀୟ ଥର ହେବ । ଏଥିପାଇଁ ରାଜ୍ୟ ସାଇକେଲିଂ ଆସୋସିଏସନ୍ର ସମ୍ପାଦକ ପ୍ରସନ୍ନ ରାଉତ, ପ୍ରଶିକ୍ଷକ ମାନସ ବାରିକ ଏବଂ ସଦସ୍ୟ ପ୍ରଦ୍ୟୁମ୍ନ ବିସୋଇ କେନ୍ଦୁଝର ପରିଦର୍ଶନ କରିଛନ୍ତି ଏବଂ ଜିଲ୍ଲା ସାଇକେଲିଂ ଆସୋସିଏସନ୍ର ସଭାପତି ଡକ୍ଟର ସନ୍ଦୀପ ପଟ୍ଟନାୟକ, ପ୍ରମୁଖ ସଦସ୍ୟ ବିଜୟ ବେହେରା, ବୀରେନ୍ଦ୍ର ମହାନ୍ତି ଓ ୱାସିମ୍ ନାୟାରଙ୍କ ସହିତ ଏହି କାର୍ଯ୍ୟକ୍ରମ ବିଷୟରେ ବିସ୍ତୃତ ଆଲୋଚନା କରିଛନ୍ତି । ଏହା ବ୍ୟତୀତ ରାଜ୍ୟ ଆସୋସିଏସନର କର୍ମକର୍ଷା କେନ୍ଦୁଝର ଜିଲ୍ଲାପାଳଙ୍କୁ ଭେଟି ଏ ସମ୍ପର୍କରେ ଅବଗତ କରାଇଥିଲେ । ଜିଲ୍ଲାପାଳ ବିଶାଲ ସିଂହ ସମସ୍ତ ପ୍ରକାର ସହାୟତା ଦେବାକୁ ପ୍ରତିଶ୍ରୁତି ଦେଇଛନ୍ତି । ସାରା ଦେଶରୁ ପ୍ରାୟ ୮୦୦ ଜଣ ଅଂଶଗ୍ରହଣକାରୀ ଏହି ମେଗା ଇଭେଂଟରେ ଅଂଶଗ୍ରହଣ କରିବେ ଏବଂ ଏହା ୨୦୨୫ ନଭେମ୍ବର ମାସରେ ସାତ ଦିନ ଧରି ଚାଲିବ । ସୁସଙ୍ଗଠକ ତଥା ଜିଲ୍ଲା ସାଇକେଲିଂ ଆସୋସିଏସନ୍ର ସଭାପତି ଡକ୍ଟର ସନ୍ଦୀପ ପଟ୍ଟନାୟକ ଜିଲ୍ଲା ପ୍ରଶାସନ ସମେତ ସମସ୍ତଙ୍କୁ ସୁଗମ ପରିଚାଳନା ପାଇଁ ସେମାନଙ୍କର ସହଯୋଗ କରିବାକୁ ଅନୁରୋଧ କରିଛନ୍ତି । ଡକ୍ଟର ପଟ୍ଟନାୟକ କହିଛନ୍ତି ଯେ ପ୍ରଦୂଷଣ ମୁକ୍ତ ସମାଜ ପାଇଁ ସାଇକେଲ ଚାଳନାର ବିକଳ୍ପ ନାହିଁ । ଯୁବପିଢ଼ି ଏହି ଅଭ୍ୟାସ ଜାରି ରଖ୍ ଏକ ସୁସୁ ପୃଥିବୀ ଗଠନ ଦିଗରେ ସହାୟକ ହୁଅନ୍ତୁ । ଏହି ମେଗା ଇଭେଂଟ ସ୍ଥାନୀୟ ସାଇକେଲ ଚାଳକଙ୍କ ପାଇଁ ଏକ ମେଗା ମଂଚ ପ୍ରମାଣିତ ହେବାକୁ ଯାଉଛି ।
ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA
