ଛତ୍ରପତି ସମ୍ଭାଜିନଗର, ୧୮ ସେପ୍ଟେମ୍ବର (ହି.ସ.) – ବରିଷ୍ଠ ଆରଏସଏସ ପ୍ରଚାରକ ମଧୁଭାଇ କୁଲକର୍ଣ୍ଣି ଗୁରୁବାର ଦିନ ମହାରାଷ୍ଟ୍ରର ଛତ୍ରପତି ସମ୍ଭାଜୀନଗରରେ ଦେହାନ୍ତ ହୋଇଛି । ତାଙ୍କୁ ୮୮ ବର୍ଷ ବୟସ ହୋଇଥିଲା ଏବଂ ବାର୍ଦ୍ଧକ୍ୟ ଜନିତ ସମସ୍ୟା ଯୋଗୁଁ ସେ କିଛି ଦିନ ଧରି ହସ୍ପିଟାଲରେ ଭର୍ତି ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ରାଜନୀତିକୁ ଆଣିବାରେ କୁଲକର୍ଣ୍ଣିଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ସଂଘର ପ୍ରଚାର ବିଭାଗ ଅନୁଯାୟୀ, କୁଲକର୍ଣ୍ଣି ୧୭ ମଇ ୧୯୩୮ରେ ମହାରାଷ୍ଟ୍ରର କୋହ୍ଲାପୁରରେ ଜନ୍ମଗ୍ରହଣ କରିଥିଲେ । ସେ ଚିକୋଡ଼ିରେ ତାଙ୍କର ପ୍ରାରମ୍ଭିକ ଶିକ୍ଷା-ଦିକ୍ଷା ଆରମ୍ଭ କରିଥିଲେ । ବାଲ୍ୟକାଳରୁ ସେ ତାଙ୍କର ସମ୍ପର୍କ ରାଷ୍ଟ୍ରୀୟ ସ୍ୱୟଂସେବକ ସଂଘ ସହ ରଖିଥିଲେ । ସେ ସଂଘର ଶାଖାରେ ନିୟମିତ ଭାବରେ ଅଂଶ ଗ୍ରହଣ କରୁଥିଲେ । ସେ ୧୯୫୪ ମସିହାର କୋହ୍ଲାପୁର ରୁ ୧୦ ଶ୍ରେଣୀ ପ୍ରସ୍ କରିଥିଲେ ଏବଂ ପରେ କଲେଜରେ ପଢ଼ିବା ପାଇଁ ମୁମ୍ବାଇ ଯାଇଥିଲେ । ବି.ଏ ଏବଂ ବି.ଏଡ଼୍ ଡିଗ୍ରୀ ହାସଲ କରିବା ପରେ ସେ କିଛି ସମୟ ପାଇଁ ବିକ୍ରୟ କର ବିଭାଗରେ କାମ କରିଥିଲେ, କିନ୍ତୁ ତାପରେ ସଂଘ କାର୍ଯ୍ୟରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ନିଷ୍ପତି ନେଇଥିଲେ । ୧୯୬୨ ମସିହାରେ ତାଙ୍କୁ ଜାଲଗାଁଓକୁ ଏକ ସଂଗଠନ ଭାବରେ ପଠାଯାଇଥିଲା । ପରବର୍ତୀ ସମୟରେ ସେ ଛତ୍ରପତି ସମ୍ଭାଜୀନଗରର ଏକ ଜିଲ୍ଲା ପ୍ରସାରକ, ସୋଲାପୁରର ବିଭାଗ ପ୍ରଚାରକ ଏବଂ ପୁଣେରେ ମହାନଗର ପ୍ରଚାରକ ଭାବରେ କାର୍ଯ୍ୟ କରିଥିଲେ । ୧୯୮୪ ରୁ ୧୯୯୬ ପର୍ଯ୍ୟନ୍ତ ସେ ଗୁଜୁରାଟ ପ୍ରଦେଶର ପ୍ରଚାରକ ଭାବରେ କାର୍ଯ୍ୟ କରିଥିଲେ, ଯେଉଁଠାରେ ସେ ସଂଘର କାର୍ଯ୍ୟକୁ ବିସ୍ତାର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ମଧୁଭାଇ ୧୯୯୬ ରୁ ୨୦୦୩ ପର୍ଯ୍ୟନ୍ତ ପଶ୍ଚିମ ଭାରତ ପାଇଁ ପ୍ରଚାରକ ଭାବରେ କାର୍ଯ୍ୟ କରିଥିଲେ । ୨୦୦୩ ରୁ ୨୦୦୯ ପର୍ଯ୍ୟନ୍ତ ସେ ଅଖିଳ ଭାରତୀୟ ବୌଦ୍ଧିକ ମୁଖ୍ୟ ଭାବରେ କାର୍ଯ୍ୟ କରିଥିଲେ ।

ହିନ୍ଦୁସ୍ଥାନ ସମାଚାର / ଭାନୁ ଚରଣ