ଭୁବନେଶ୍ୱର ,୧୮ ସେପ୍ଟେମ୍ବର (ହି.ସ.)- ପୂର୍ବତଟ ରେଳପଥ ଖୋର୍ଦ୍ଧାରୋଡ଼ ରେଳମଣ୍ଡଳ ସ୍ୱଚ୍ଛତା ପାଇଁ ସ୍ୱତନ୍ତ୍ର ଅଭିଯାନ ୫.୦ ଅନ୍ତର୍ଗତ ବିଭିନ୍ନ କାର୍ଯ୍ୟକ୍ରମ ଆରମ୍ଭ କରିଛି ଯାହାର ମୁଖ୍ୟ ଲକ୍ଷ୍ୟ ହେଉଛି ସ୍ୱଚ୍ଛତା, ପରିଷ୍କାର ପରିଚ୍ଛନ୍ନତା ଏବଂ ବିଚାରାଧୀନ ତଥ୍ୟର ନିଷ୍କାସନ। ସମସ୍ତ ସରକାରୀ କାର୍ଯ୍ୟାଳୟରେ ଆୟୋଜିତ ଏହି ଅଭିଯାନ ଦୁଇଟି ପର୍ଯ୍ୟାୟରେ ସ୍ଥିର କରାଯାଇଛି: ୧୫ ରୁ ୩୦ ସେପ୍ଟେମ୍ବର ପର୍ଯ୍ୟନ୍ତ ପ୍ରସ୍ତୁତି ପର୍ଯ୍ୟାୟ ଏବଂ ୨ ରୁ ୩୧ ଅକ୍ଟୋବର ପର୍ଯ୍ୟନ୍ତ କାର୍ଯ୍ୟାନ୍ୱୟନ ପର୍ଯ୍ୟାୟ ଅନ୍ତର୍ଭୁକ୍ତ।
ଏହି ଅଭିଯାନର ଅଂଶ ସ୍ୱରୂପ, ସ୍ୱଚ୍ଛତାର ବାର୍ତା ପ୍ରସାର ଏବଂ ସାମୂହିକ ଅଂଶଗ୍ରହଣକୁ ଉତ୍ସାହିତ କରିବା ପାଇଁ ସମଗ୍ର ରେଳମଣ୍ଡଳରେ ଜନସଚେତନତା ଅଭିଯାନ ଏବଂ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଥିଲା। ରେଳବାଇ ଅଧିକାରୀ, କର୍ମଚାରୀ ଏବଂ ଆଗଧାଡ଼ିର କର୍ମୀମାନେ ବିଭିନ୍ନ ରେଳ ଷ୍ଟେସନ ଏବଂ କଲୋନୀ ଅଞ୍ଚଳରେ ଶ୍ରମଦାନ ଏବଂ ସ୍ୱଚ୍ଛତା ଅଭିଯାନରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ ଯାହା ଷ୍ଟେସନ ପରିସର ଏବଂ ଆଖପାଖ ରେଳ ପ୍ରତିଷ୍ଠାନଗୁଡ଼ିକୁ ସଫା ଏବଂ ପରିଷ୍କାର କରାଯିବାକୁ ସୁନିଶ୍ଚିତ କରାଯାଇଥିଲା ।
ସ୍ୱଚ୍ଛତା ହିଁ ସେବା ପୂର୍ବ ଦିନ, ୧୭ ସେପ୍ଟେମ୍ବରରେ ସମଗ୍ର ରେଳମଣ୍ଡଳରେ ଏକ ସ୍ୱଚ୍ଛତା ପ୍ରତିଜ୍ଞା କରାଯାଇଥିଲା । ଏହା ବ୍ୟତୀତ, ୧୮ ସେପ୍ଟେମ୍ବରରେ, ସ୍ୱାସ୍ଥ୍ୟ ୟୁନିଟ୍ ଏବଂ ରେଳମଣ୍ଡଳ ହସ୍ପିଟାଲରେ ସ୍ୱଚ୍ଛତା କର୍ମଚାରୀମାନଙ୍କ ପାଇଁ ଏକ ସ୍ୱାସ୍ଥ୍ୟ ଯାଞ୍ଚ ଏବଂ ସଚେତନତା ଶିବିର ଆୟୋଜନ କରାଯାଇଥିଲା ଯାହା ଉଭୟ ବିଭାଗୀୟ ଏବଂ ଚୁକ୍ତିଭିତିକ କର୍ମଚାରୀ ମାନଙ୍କ ସ୍ୱାସ୍ଥ୍ୟ, ସୁରକ୍ଷା ଏବଂ ପରିଷ୍କାର ପରିଚ୍ଛନ୍ନତା ଉପରେ ଧ୍ୟାନ ଦିଆଯାଇଥିଲା ।
ଅଭିଯାନର ସୁଗମ ଏବଂ ପ୍ରଭାବଶାଳୀ କାର୍ଯ୍ୟାନ୍ୱୟନ ସୁନିଶ୍ଚିତ କରିବା ପାଇଁ ଭାରତୀୟ ରେଳବାଇର ସମସ୍ତ ନୋଡାଲ ଅଧିକାରୀଙ୍କ ସହିତ ସର୍ବୋଚ୍ଚ ସ୍ତରୀୟ ସମନ୍ୱୟ କରାଯାଉଛି ।
ସ୍ୱଚ୍ଛତାକୁ ଏକ ସାମୂହିକ ଦାୟିତ୍ୱ ଏବଂ ଏକ ନିରନ୍ତର ଆନ୍ଦୋଳନ କରି ସ୍ୱଚ୍ଛ ଏବଂ ସବୁଜ ରେଳବାଇର ଦୃଷ୍ଟିକୋଣ ପ୍ରତି ଯୋଗଦାନ ଦେବା ପାଇଁ ଖୋର୍ଦ୍ଧା ରୋଡ୍ ରେଳମଣ୍ଡଳ ଏହାର ପ୍ରତିବଦ୍ଧତାକୁ ପୁନଃନିର୍ଦ୍ଦିଷ୍ଟ କରିଛି ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
