ଜୟପୁର,, 25 ସେପ୍ଟେମ୍ବର (ହି.ସ.) ଜୟପୁର ସଦରଥାନା ପୁଲିସ ପକ୍ଷରୁ ଆଜି ସ୍ଥାନୀୟ ଫାମ୍ପୁଣି ଗ୍ରାମ ଠାରେ ଆମ ପୁଲିସ ସମିତିର ବୈଠକ ଅନୁଷ୍ଠିତ ହୋଇଥିଲା । ସଦରଥାନା ଅଧିକାରୀ ସଚିନ୍ଦ୍ର ପ୍ରଧାନଙ୍କ ନେତୃତ୍ବରେ ଆୟୋଜିତ ଏହି ବୈଠକରେ ଉକ୍ତ ଗ୍ରାମପଞ୍ଚାୟତ ବିଭିନ୍ନ ଗ୍ରାମର ବାସିନ୍ଦା ଉପସ୍ଥିତ ରହିଥିଲେ । ଏହି ଅବସରରେ ନାବାଳିକା ବିବହ, ପାର୍ବଣ ଋତୁରେ ବେଆଇନ ଚାନ୍ଦା ଆଦାୟ, ସାଇବର ଅପରାଧ, ବେଆଇନ ମାରଣାସ୍ତ୍ର ରଖିବା, ବାଇକରେ ଶଦ୍ଧ ପ୍ରଦୁଷଣକାରୀ ସାଇଲେନ୍ସର, ନାବାଳକ ବାଇକ ଚାଲଣା ଉପରେ କଟକଣା ଏବଂ ଆଇନ ଅନୁଯାୟୀ ଦଣ୍ଡନୀୟ ଅପରାଧ । ତେଣୁ ଏଥିପ୍ରତି ସମସ୍ତ ଗ୍ରାମବାସୀ ଏବଂ ସାଧାରଣ ଜନତା ସଚେତନ ହେବାର ଆବଶ୍ୟକ ରହିଛି ବୋଲି ବୈଠକରେ ପୁଲିସ ଅଧିକାରୀ ମାନେ ପ୍ରକାଶ କରିଥିଲେ । ଏହି ଅବସରରେ ଗାଗନାପୁର ଫାଣ୍ଡି ଅଧିକାରୀ ଚିତ୍ତରଞ୍ଜନ ପ୍ରଧାନ, ଏଏସଆଇ ପଙ୍କଜିନୀ ଶବର, ଏଏସଆଇ ପ୍ରଶାନ୍ତ ସରକାର ପ୍ରମୁଖ ଉପସ୍ଥିତ ଥିଲେ ।

---------------

ହିନ୍ଦୁସ୍ଥାନ ସମାଚାର / ପିକେପି