ଉନା, ୦୬ ସେପ୍ଟେମ୍ବର

(ହି.ସ.)- ବର୍ଷା ଯୋଗୁଁ କ୍ଷତିଗ୍ରସ୍ତ ହୋଇଥିବା ରାସ୍ତା ତିନିଟି ମୂଲ୍ୟବାନ ଜୀବନ ନେଇଛି।

ଶନିବାର ସକାଳେ ପଞ୍ଜାବ-ହିମାଚଳକୁ ସଂଯୋଗ କରୁଥିବା ଗଗରେଟ୍-ହୋସିଆରପୁର ରାସ୍ତାରେ ଏକ ଦୁଃଖଦ

ଦୁର୍ଘଟଣା ଘଟିଛି। ଯେଉଁଥିରେ ରୋଗୀଙ୍କୁ ନେଇ ଯାଉଥିବା ଆମ୍ବୁଲାନ୍ସ ଭୂସ୍ଖଳନ ଯୋଗୁଁ

କ୍ଷତିଗ୍ରସ୍ତ ରାସ୍ତାରୁ ଏକ ଗଭୀର ଖାତକୁ ଖସିପଡ଼ିଛି। ଏହି ଦୁର୍ଘଟଣାରେ ତିନି ଜଣଙ୍କର ମୃତ୍ୟୁ

ହୋଇଛି, ଦୁଇଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ସିଭିଲ୍

ହସ୍ପିଟାଲ ହୋସିୟାରପୁର ଭର୍ତ୍ତି କରାଯାଇଛି। ହୋସିଆରପୁର ପୋଲିସ ପରବର୍ତ୍ତୀ କାର୍ଯ୍ୟାନୁଷ୍ଠାନ

ଆରମ୍ଭ କରିଛି।କୁହାଯାଉଛି ଯେ ଶନିବାର ସକାଳେ କାଙ୍ଗଡାର ଟାଣ୍ଡାରୁ ଏକ ଆମ୍ବୁଲାନ୍ସ ଚିକିତ୍ସା ପାଇଁ ଲୁଧିଆନାକୁ ଜଣେ

ରୋଗୀଙ୍କୁ ନେଇ ଯାଉଥିଲା। ଆମ୍ବୁଲାନ୍ସରେ ରୋଗୀଙ୍କ ପରିବାର ସଦସ୍ୟ ମଧ୍ୟ ଥିଲେ। ମଙ୍ଗୁୱାଲରେ

ପ୍ରବଳ ବର୍ଷା ଯୋଗୁଁ ରାସ୍ତାର ଏକ ଅଂଶ ବୁଡ଼ି ଯାଇଛି। ଏଠାରେ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ

ହୋଇ ପ୍ରାୟ ଦୁଇ ଶହ ଫୁଟ ଗଭୀର ଖାଇରେ ପଡ଼ିଗଲା। ଏହି କାରଣରୁ ସଞ୍ଜୀବ କୁମାର ପୁଅ ସନ୍ତରାମ

ନିବାସୀ ପାଠିୟାର, ଓମକାର ଚନ୍ଦ ଏବଂ ରମେଶ କୁମାରଙ୍କ ମୃତ୍ୟୁ ହୋଇଛି।

ଦୁର୍ଘଟଣାରେ ଆମ୍ବୁଲାନ୍ସ ଡ୍ରାଇଭର ବବି ଏବଂ ରେଣୁ ଗୁରୁତର ଆହତ ହୋଇଛନ୍ତି।ଏସ୍ଏଚ୍ଓ ହୋସିଆରପୁର

ସଦର ମଦନ ସିଂହ କହିଛନ୍ତି ଯେ ଏକ ସଡ଼କ ଦୁର୍ଘଟଣାରେ ଆମ୍ବୁଲାନ୍ସଟି ଗଭୀର ଖାତକୁ ଖସିପଡ଼ିଥିଲା, ଯେଉଁଥିରେ ତିନି ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇ

ଜଣ ଲୋକ ଆହତ ହୋଇଥିଲେ ଯେଉଁମାନେ ସ୍ଥାନୀୟ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା