ହରିଦ୍ୱାର/ଝାନ୍ସି, 15 ଜାନୁଆରି (ହି.ସ.)- ଭାରତ ହେଭି ଇଲେକ୍ଟ୍ରିକାଲ୍ସ ଲିମିଟେଡ୍ (ବିଏଚ୍ଇଏଲ୍) ରେଳ ପରିବହନ
କ୍ଷେତ୍ରରେ ‘ମେକ୍ ଇନ୍ ଇଣ୍ଡିଆ’ ପଦକ୍ଷେପ ଅଧୀନରେ ଏକ
ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି। ଏହାର ଅଂଶ ଭାବେ, ଟିଆରଏସଏଲ୍ ସହ ବିଏଚ୍ଇଏଲ୍ର
ନେତୃତ୍ୱଧୀନ କନ୍ସୋର୍ଟିୟମ୍ ଦ୍ୱାରା କାର୍ଯ୍ୟାନ୍ୱିତ ହେଉଥିବା ବନ୍ଦେ ଭାରତ ସ୍ଲିପର୍ ଟ୍ରେନ୍
ପ୍ରକଳ୍ପ ପାଇଁ ଅଣ୍ଡରସ୍ଲଙ୍ଗ୍ ଟ୍ରାକ୍ସନ୍ ଟ୍ରାନ୍ସଫର୍ମରଗୁଡ଼ିକର ଯୋଗାଣ ଆରମ୍ଭ କରାଯାଇଛି।
ଗୁରୁବାର ବିଏଚ୍ଇଏଲ୍ ହରିଦ୍ୱାର ଇଉନିଟ୍ର ସଂଚାର ଏବଂ ଜନସମ୍ପର୍କ ପ୍ରମୁଖ ସଞ୍ଜୟ
ପାୱାର ସୂଚନା ଦେଇଥିଲେ ଯେ, ଏହି ସନ୍ଦର୍ଭରେ ବିଏଚ୍ଇଏଲ୍ର ଝାନ୍ସି
ପ୍ଲାଣ୍ଟରେ ଏକ ‘ଫ୍ଲାଗ୍-ଅଫ୍’ ସମାରୋହ ଆୟୋଜିତ କରାଯାଇଥିଲା। ଏହି
ଅବସରରେ ବିଏଚ୍ଇଏଲ୍ (ଇଣ୍ଡସ୍ଟ୍ରିଆଲ୍ ସିଷ୍ଟମ୍ସ ଏବଂ ପ୍ରୋଡକ୍ଟସ୍) ନିର୍ଦ୍ଦେଶକ ବାଣୀ
ବର୍ମା ଏବଂ ବିଏଚ୍ଇଏଲ୍ର ନିର୍ଦ୍ଦେଶକ (ଇଞ୍ଜିନିୟରିଂ, ଗବେଷଣା ଓ ବିକାଶ) ଏସ୍.ଏମ୍.
ରାମନାଥନ୍ ସେମି-ହାଇ-ସ୍ପିଡ୍ ଅଣ୍ଡରସ୍ଲଙ୍ଗ୍ ଟ୍ରାକ୍ସନ୍ ଟ୍ରାନ୍ସଫର୍ମରର ପ୍ରଥମ ସେଟ୍କୁ
ଭର୍ଚୁଆଲ୍ ମାଧ୍ୟମରେ ସବୁଜ ପତାକା ଦେଖାଇ ପ୍ରସ୍ଥାନ କରିଥିଲେ। ଏହା ପୂର୍ବରୁ ଏହି ପ୍ରକଳ୍ପ
ପାଇଁ ଟ୍ରାକ୍ସନ୍ କନଭର୍ଟରଗୁଡ଼ିକୁ ବିଏଚ୍ଇଏଲ୍ର ବେଙ୍ଗାଲୁରୁ ପ୍ଲାଣ୍ଟରୁ ପ୍ରସ୍ଥାନ
କରାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
