ଶ୍ରୀନଗର, 15 ଜାନୁଆରି (ହି.ସ.)- କାଶ୍ମୀରରେ ତାପମାତ୍ରା ହିମାଙ୍କ ବିନ୍ଦୁଠାରୁ ଅନେକ ତଳେ ରହିଛି। ଶ୍ରୀନଗରରେ

ବୁଧବାର ରାତିରେ ସର୍ବନିମ୍ନ ତାପମାତ୍ରା ଶୂନ୍ୟରୁ ୩.୯ ଡିଗ୍ରୀ ସେଲସିଅସ୍ ତଳେ ରେକର୍ଡ

କରାଯାଇଥିଲା, ଯାହା ପୂର୍ବ ରାତିରେ ଏହା ଶୂନ୍ୟରୁ ୫.୨ ଡିଗ୍ରୀ ସେଲସିଅସ୍ ତଳେ

ଥିଲା। ଭୟଙ୍କର ଶୀତର କାରଣରୁ ଏଠାରେ ଡାଲ୍ ହ୍ରଦର ଭିତର ଅଂଶ ସହ ଅନେକ ଜଳାଶୟର କିଛି ଅଂଶ ବରଫ

ହୋଇଯାଇଛି।

ପାଣିପାଗ ବିଭାଗ ଅନୁସାରେ, ଦକ୍ଷିଣ କାଶ୍ମୀରର ଶୋପିଆନ୍ ଗତ ରାତି

ଉପତ୍ୟକାର ସବୁଠାରୁ ଥଣ୍ଡା ସ୍ଥାନ ଭାବେ ରେକର୍ଡ ହୋଇଥିଲା, ଯେଉଁଠାରେ ପାରା ଶୂନ୍ୟରୁ

୬.୧ ଡିଗ୍ରୀ ସେଲସିଅସ୍ ତଳେ ରହିଥିଲା, ଯାହା ଗୋଟିଏ ଦିନ ପୂର୍ବେ ଶୂନ୍ୟରୁ ୭.୫

ଡିଗ୍ରୀ ସେଲସିଅସ୍ ତଳେ ଥିଲା। ପୁଲୱାମାରେ ମଧ୍ୟ ତାପମାତ୍ରା ଶୂନ୍ୟରୁ ୬.୧ ଡିଗ୍ରୀ ସେଲସିଅସ୍

ତଳେ ରେକର୍ଡ କରାଯାଇଥିଲା। ଦକ୍ଷିଣ କାଶ୍ମୀରର ପର୍ଯ୍ୟଟନ ସ୍ଥଳୀ ଏବଂ ବାର୍ଷିକ ଅମରନାଥ ଯାତ୍ରା

ପାଇଁ ଆଧାର ଶିବିରମାନଙ୍କ ମଧ୍ୟରୁ ଗୋଟିଏ ପହଲଗାମରେ ସର୍ବନିମ୍ନ ତାପମାତ୍ରା ଶୂନ୍ୟରୁ ୫.୦

ଡିଗ୍ରୀ ସେଲସିଅସ୍ ତଳେ ରେକର୍ଡ ହୋଇଥିଲା।

ଅଧିକାରୀମାନେ କହିଛନ୍ତି ଯେ ଉତ୍ତର କାଶ୍ମୀରର ବାରାମୁଲା ଜିଲ୍ଲାର ପ୍ରସିଦ୍ଧ ସ୍କି

ରିଜର୍ଟ ଗୁଲମର୍ଗରେ ତାପମାତ୍ରା ଶୂନ୍ୟରୁ ୩.୨ ଡିଗ୍ରୀ ସେଲସିଅସ୍ ତଳେ ରେକର୍ଡ ହୋଇଥିଲା । କାଶ୍ମୀରର

ଗାନ୍ଦେରବଲ୍ ଜିଲ୍ଲାର ସୋନମର୍ଗରେ ତାପମାତ୍ରା ଶୂନ୍ୟରୁ ୫.୮ ଡିଗ୍ରୀ ସେଲସିଅସ୍ ତଳେ ରେକର୍ଡ

ହୋଇଥିଲା। ଉପତ୍ୟକାର ପ୍ରବେଶଦ୍ୱାର ସହର କାଜିଗୁଣ୍ଡରେ ପାରା ଶୂନ୍ୟରୁ ୪.୭ ଡିଗ୍ରୀ ସେଲସିଅସ୍

ତଳେ ଥିଲା। କୋକେରନାଗରେ ସର୍ବନିମ୍ନ ତାପମାତ୍ରା ଶୂନ୍ୟରୁ ୧.୧ ଡିଗ୍ରୀ ସେଲସିଅସ୍ ତଳେ ଏବଂ

କୁପୱାଡ଼ାରେ ଶୂନ୍ୟରୁ ୪.୯ ଡିଗ୍ରୀ ସେଲସିଅସ୍ ତଳେ ରେକର୍ଡ କରାଯାଇଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା